(زوجي يماطل في طلاقي )
السلام عليكم
معقوله موضوعي تعقد لها الدرجه
حاسة بجلس طول عمري معلقه
ليه يسوي معي كذا ليه يتلاعب بالعقد
ومايظبطه عشان نعطيه مهره ويطلقني هل يعتبر زوجي انسان ظالم من افعاله معي
تعبت
اخوي يقول خبرنا الامام يخبر زوجي ونبهني ماحرك الموضوع وعدم التدخل لانه من صالحنا يقول خليه اربع خمس شهور بيكون من صالحنا ونقدم عليه شكوى في المحكمه لانه عاضلني وعقوبته الجلد

طيب زوجي مهمه ابدا عايش حياته وقال روحو للمحكمه
يارب خلصني منه احس باحساس القهر والأسى بسببه احس نفسي ضايعه ومشتته
اموري تحسنت ماعدا وضعي ابي احصل على حريتي احس اهلي عاجزين في التصرف معه
ماحد طاعني الله يسامح اهلي المفروض لمثل وضعي أوكل محامي يخلصني منه بأسرع وقت

(تم التعديل ليتناسب مع المضمون)

وحده قالتلي انتي السبب في كل هذا
انتي اللي جبتي كل هذا على نفسك لأنك مارحتي من نفسك للمحكمه وقدمتي شكوى عليه وفعلا لو انا دخلت في الموضوع بينتهي كل شي وبينصفني الشيخ عليه بس
مب بكيفي القرار مو بيدي كل واحد يقول لاتتصرفين باي شي وكلا يقول انا بتصرف وخلي الموضوع علي
يارب فرجها والله حرام
لاحول ولاقوة الا بالله

نفسي اكون مطلقه منطلقه طلاقي من هذا الزوج نعمه
دعواتكم لي يخلصني منه بكل يسر يارب

ادعي ربك ، دعوة المظلوم مستجابة
و خليك من كلام الناس ، ما راح يفيدوك ، اللي تشوفيه بصالحك و يعجل في الطلاق اعمليه
و وكلي محامي موثوق أفضل ، حاولي بأهلك

مساء الخير
كل عام وانتي بخير وكييف كتاكيتك
الم انا متابعه مواضيعك من زمان وفضفضتك وقلقك وحزنك سبحان الله صبرتي على زوجكالاول مع ان الكل كان يقولك انفصلي عنه زوجك الثاني زواج ع ورق بس اما زوجك الثالث كان اختياركانتي وتواصلتي معه قبل الزواج وكان الاخوات يقولولك اصبري لا تستعجلي بس انتي كان نفسك في بيت وتعيشي الحب وتبغي رجال يحميكي
تصدقي انك وقتها فتحتي نفسي للزواج وقلت باشوف تطوراتكلكن موضوعك اخذ منحنى ثاني وقررتي الانفصال ورجعتي عند اهلك
طليقك يريد منك المهر فقط وهدا من حقه وراح يطلقك

فكري كيف ترجعي له فلوسه
ماتقدري تقدمي ع الضمان بصك هجران وتاخذي مساعدة منهم وتجمعي المبلغ وترجعيه للزوجكوانا انصحك تروحي المحكمه وامشي باجراءت الطلاق اخوانك ماراح ينفعوك محد داري عنك والله خوفك هو الي ضيعك روحي وشوفي القاضي ايش يقولك واستخيري وتوكلي على الله محد يقدر يجبرك على الرجعه لزوجك

__________________
ريم نواف سابقا

اه يا بسمه احس بنار في داخلي والله وكبت حتى صار واضح علي والارتباك كمان كأني طفله احس بالخوف وأحاول أتمالك اعصابي وأكون عاديه ومتزنه
يارب فرجها علي ادعي لي ربي يفتحها علي ويفرج همي ان شاء يارب يكون خيره لي وحكمه من رب العالمين
بسمه المشكله مو قادره افرض رايي التدخلات كل واحد يقول اصبري وخلي الموضوع علي ولا في تطورات
اااه بس

ريم نوااااف
اهلين فيك كل عام وانتي بصحه وسلامه اسأل الله ان يتقبل منا ومنكم الصيام والقيام يارب
عيالي بخير وعافيه الحمدلله وعندي كلهم الحمدلله توظفت ادعي لي ربي يوفقني في مجال العمل
اختي ريم انا استعجلت في زواجي الاخير وهذا اكبر خطأ ارتكبته في حياتي
زوجي ماعنده خوف من رب العالمين أقولك الصراحه ي نوف من بعد الملكه انصدمت من شخصيته حتى في ليلة الفرح اتصنع الفرحه واختي الصغيره تحاول تحببني فيه احس قلبي صاد عنه بالحيل ماحبيته من طبعه ابدا
صدقيني ي عزيزتي ماتركته الا لسوء خلقه
ريم ياحبيبتي ماقلت شي المهر من حقه وقلنا له تعال عند الشيخ طلق تستسلم فلوسك ونستلم صك الطلاق
هو رافض عشان في العقد تلاعب او مخالفه قانونيه ماكنا ندري

حبيبتي الم لا تخافي كل تأخيره وفيها خيره والله ياقلبي مجد متضرر غيرك
طيب رحتي قدمتي ع الضمان ولا لااا ؟؟؟
ومبروك الوظيفية الله يجعلها بدايه سعاده لك وفاتحه خبر
قلب انتي دائم متردده او بمعنى أصح تجاملي كثييييير على حساب نفسك ومصلحتك ظروفي مشابه لظروفك وعشت تقريبا نفس وضعك معلقه سنه ونص زوجي مطلقني طلقه ولا رجعني ولا رضي يعطيني ثم الطلاق بعدين قلت معقوله اجلس كذا ورحت المحكمة وقدمت طلب إثبات طلاق أبوي كان رافض جداااا كان يبغى الصلح او بمعنى أصح ماي بغى وحدة من بناته تتطلق ومشيت في المحاكم والله كنت اروح لوحدي أخذ ولدي وأروح في البدائه كان الوضع صعب كنت بس ابكي وواتحسر على حالي وبعدين بدأت اتعود جلسه يحضر طليقي وجلسه يغيب وأحيانا القاضي يعتذر وعدت السنين وأخذت صكي وكسبت حضانه أولادي وكسبت التفقه وطلع لي مبلغ محترم الحمد لله
القانون والنظام مايعطيك حقك وإنتي في البيت تغني ظلموووه 😜
والمؤمن القوي خير وأحب من الله من المؤمن الضعيف
عندك اولاد يبغوا ام قويه تدافع عنهم وتأخذ حقوقهم من فم الأسد لا تستسلمي للواقع قومي وغيري حياتك محد حاس بالنار الي فيك
حاولتوا ينحل الموضوع ودي ما اتحل خلاص المحاكم ما وضعت الا لفك المنازعات بين الناس وإعطاء كل ذي حق حقه

__________________
ريم نواف سابقا

الحمدلله انك حصلتي على حريتك
زوجي لو مطلقني كان ارحم حتى لو صك الطلاق تأخر إصداره والله ارحم من كوني ًمعلقه
حابه اعرف شي واحد هل زوجي يعتبر ظالم بمماطلته وتلاعبه معنا
ريم صدقيني لو امشي فيه شي لمصلحتي مع الاستخاره بتتسهل اموري سبحان الله
الحمدلله ربي مسخر البعيد لي فما بالك لو اروح للمحكمه. ان شاء الله يساعدوني
الضمان مسجله من زمان فيه مو ظفه ربي يسعدها ماقصرت معي ساعدتني ودخلت عيالي معي
طبعا راح انسحب من الضمان لأني توظفت وأخلي عيالي يبقون فيه
احنا ماقصرنا معه قلنا الفلوس جاهزه بس هو صار يلف ويدور
ريم اخوي الكبير الموضوع بيده الحين وقال لاتخربين علي اصبري تأخيره من صالحنا الرساله موجوده نروح للشيخ ويطلق ونعطيه المهر الرساله تثبت انه عاضلني وبيعرضه للجلد اذا وصلت للمحكمه
هذا من غير العقد اللي فيه مخالفه قانونيه اذا عرضت للقاضي يروح المأذون فيها او هو
مارأيكم اصبر وامشي على رأي اخوي. ولا اقنع امي اروح للمحكمه بس اخاف اخرب خطة اخوي

الله يفرج همك حبيبتي
وألحي على الله بالدعاء في هذه الأيام الفضيلة
ولاتيأسي من اقتراب الفرج فالله معك

__________________