السلام عليكم

هذي حادثه قديمه ماخلتني انام كل شوي اصحى من احلى نومه وانا افكر فيها او اتحلم واصحى . لما كان عمري 10 سنوات سافرنا بالصيفيه سياحه على مدن المملكه وكان معانا اقاربي من ابناء وبنات العمومه وبرضو من جهة اخوالي . سافرت هذيك المره وحده من قريباتي وماكانو امها وابوها معاها وتكفل بسفرتها قريبها عشان تغير جو . قالت لي الوالده بداية السفره ان هالبنت فقدت والدتها لاتأذيها ولاتزعلها واذكر انها كانت اكبر مني بسنه او اقل .المهم كنا دايم نروح الملاهي ويعطونا اهلنا كروت ونروح نلعب لحالنا ونرجع لمكان تجمع الحريم او الرجال اذا خلصنا لعب . لعبنا لعبة سيارات والبنت هذي تكهربت يدها بسبب التصادم والشرار وقامت تبكي واهلنا كانو بعيد اخذها واحد من الموجودين وقال لها تعالي بحط لك بخاخ وانا رحت وراها اتذكر كنا اولاد وبنات كثير بس محد جا معاي انا وياها كملو اللعبه وانا رحت الحق البنت المهم تعرفون اماكن الملاهي كبيره جداً راح زي الكوخ حق التذاكر بعيد ودخلها وجيت بدخل قال لا خلك برى وقفل الباب وجلست انتظر وطلعت وهي لسه تبكي وراح الرجال قلت لها حط لك البخاخ ؟ لسه توجعك ؟ قالت ايه حط لي البخاخ بس بقول لك سر وبعد تحليف علمتني بتفاصيل اللي صار داخل وقتها كنا صغار نعرف ان اللي سواه غلط بس مانعرف وش نوع هالغلط وحجمه وكيف نتصرف . المهم اتذكر كنت متعاطف معاها ولاعلمت احد وكانت تبكي ويحسبون اهلنا انه من لسعة الكهربا وانا كنت اجيب لها ايس كريم وفش فاش اراضيها وابن الحرام شفناه عند وحده من الالعاب ويطالع في البنت ويبتسم وهي تبكي زياده وانا ارمي عليه اشياء واخاصم واتفل وكل الحركات العدائيه الطفوليه سويتها بس ماقلنا لأحد عن اللي صار بعدها بكم يوم نسينا اللي صار وكملنا الاجازه لعب وكبرنا وتغطت عني وماعاد اعرف عنها شي

الوالده اليوم طلبت مني اخذ اجازه عشان ملكة هالبنت . هو جاني الخبر ماقدرت اخبي ردة فعلي قدام امي واخواتي تلخببطت وتفاجأة وتغير وجهي 180 درجة . اتوقع الحين يحسبوني احبها من كثر ماتلخبطت وبان علي اني متفاجأ

رساله للحريم لاتضيعون الامانه ولاتغفلون عن عيالكم عشان جلست حريم منتو ماخذين منها الا الحش والله هالبنت ضيعو امانتها اللي جابوها معانا بالسفر وتكفلو عند ابوها بامانتها كانو يبغون يخلونها تغير جو وتتحسن نفسيتها بعد مافقدت امها ونكبوها نكبت عمرها

لا حول ولا قوة الا بالله
الله يستر عليها البنت وحسبي الله ونعم الوكيل على كل رجل ما يخاف الله
وصح كلامك اخي لازم الام تنتبه على اولادها وخاصه البنت وفي مرحلة الطفوله
لانها مسكينه ما بتعرف في الامور هادي

لا حول ولا قوه الا بالله
الله يستر عليها يارب
وان شاء الله البنت تكون طيبه ماصار قيها شي يعني يمكن بس تحرش بسيط
حسبي الله على كل رجال ما يخاف الله ويتحرش في بنات الناس ويستغل خوفهم وسكوتهم وضعفهم

__________________
ريم نواف سابقا

ليته تحرش بسيط

الي ماله أم حاله يغم

ينقل إلى القسم المناسب.

__________________
https://soundcloud.com/abo-faisal-9/...5-wa0024-mp3-1

لاحول ولاقوة الا بالله والله تخيلت بنتي مكانها وانا غير موجودة ،، حسبي الله ونعم الوكيل عليه وربي يراويه سواته بنفسه ويخليه يتذكرها بكل حين ان شاء الله .... البنت صغيرة بريئة مالها ذنب وهالذئب قاعد ويدور له ضحية! ،،، فعلا البنت كانت امانة واتمنى ان ربي يستر عليها لان مالها ذنب بكل هذا ،،،

الحمدالله البنت لقت نصيبها وان شاءالله ماراح يصير لها الا كل خير
اهم شي خلك قد الامانه ولا تعلم احد ولا توضح لانه في الاساس البنت ماغلطت ولا فيها الا العافيه