السلام عليكم..

عدت لكم بعد فترة طويلة من الهدوء في الامور بيني وبين زوجي الى قبل شهرين من الان .. كانت تصير بيننا مشاكل بس تنحل بوقتها .. قبل شهرين من الان كانت الامور توصل للطلاق لولا تنازل من الطرفين .. والمشكلة ان زوجي يقول مافيني انوثة..تخيلو .. ويقول بعد وزنك زائد ومنتي مثل الحريم ماتهتمين في نفسك .. قمت من قهري قلت اذا صرت مثل الرجال تكلم ..لان فعلا لاينفق علي ومقصر بحقي الشرعي بسبب ان عنده مشكلة جنسية وانا صابرة ومقدرة قلت زوجي واجب علي اوقف معه واصبر عليه .. واحتدم الامر بيننا وكاد يوصل للطلاق .. اضطر يسافر زوجي لمدينة عمله لانه مقدم على وظيفة حكومية وبيسوي مقابلة..ولانه ايضا يكمل دراسته وكان عنده اختبارات .. سافر وقعد اكثر من شهر .. في هالمدة اتفقنا اسوي اللي يرضيه وانزل من وزني .. كان يقولي بالواتس خليك حرمة مثل باقي الحريم ولا ترى بتصرف وبتزوج وانتي براحتك تبغين تظلين معي ولا بكيفك .. طبعا انا سايرته عشان ماتكبر المشكلة وقلت اللي يرضيك بسويه لان رضا ربي من رضاك .. وقعد اكثر من شهر .. بهالفترة كنت اسوي حمية ورياضة .. نزل وزني بس مو كثير .. طبعا بعد مارجع زوجي صار مفروض علي وجبات معينة عشان انزل وزني .. نجحت وتخرجت ياجماعة من الماجستير ووالله ماسمعت كلمة مبروك منه ابد .. واخذت الوثيقة شاقها في السيارة ولا قالي مبروك .. مع انه في محادثاته في الواتس يبارك لاخوانه واخواته واصدقائه .. مازحته قلت له ماشاءالله تعرف تقول مبروك بس توصل عندي ويربط لسانك ابتسم وقال وش تفيد يعني لو قلت لك .. تخيلو رده .. قلت اذا ماتدري ترى لها اثر كبير
اقترح علي اسوي حفلة بسيطة في البيت اعزم فيها اهلي وجاراتي نحتفل بالتخرج .. انبسطت صراحة وقلت اوك .. طلع برا البيت قعدت اغير في ترتيب الجلسة اللي بالمجلس لاني راح اجيب طاولة لتورتة التخرج .. دخل وجلس وقال ليش هالترتيب يعني بس تبين تمشين كلامك .. ضحكت وقلت والله مافكرت بشي .. قمت رجعت كل شي مكانه وقلت ها انبسطت ترى مابيننا حرب عشان افرض عليك كلامي او تفرض انت كلامك..قال لو كنتي انثى كان استشرتيني وفكرنا سوى ماكان تصرفتي من راسك .. وامس كان جالس بالصالة لان غرفة الجلوس كنت بردانة وطفيت المكيف .. واتصل واحد من زملائه وقعد يكلمه ودخل وجلس بالغرفة عندي .. ويوم شفته جلس عندي طفيت مكيف الصالة لانه كان بارد مرة .. بعد ما خلص المكالمة حس بحرارة وقام راح غرفة النوم .. مادريت انه زعلان الا اليوم يقول بصراحة حركة وقحة منك تطفين المكيفين .. بصراحة قوة عين .. وانا والله ماقصدت شي .. يقول انتي بس تعاندين .. حلفت له والله ماقصدت شي .. قال ليش عقلك صغير ماتعرفين اني حران..وتكلمنا لحد ما بكيت .. وقال عشان كذا ما ابي اتكلم معك عشان تبكين لان لان انتي فاقدة الثقة بنفسك عشان وزنك الزائد ومنتي جميلة .. قلت لا ابكي لاني احبك اكثر من نفسي وبالاخر تقول عني وقحة واعاند وما اشاورك .. واقولها لك بصراحة احنا ماراح نتفق..وما صرت اعرف وش اللي يعجبك واللي مايعجبك..

على فكرة حصل على وظيفة حكومية بمدينة قريبة من مدينة عملي .. ودوامها حلو يقدر يروح ويجي ..

في الاونة الاخيرة صار يكثر من انه راح يتزوج ثانية .. قلت له المعروف اللي بيتزوج مايتكلم .. قالي ماتدرين كثر الدق يفك اللحام وافهميها انتي عاد..

كيف اتصرف معه؟


تم تعديل العنوان ليتناسب مع مضمون الموضوع

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..