السلام عليكم ورحمةُ الله وبركاته
بدون مقدمات بدخل جوا الموضوع
وترا العنوان ماله دخل
1.
سلوى بنت عمرها 23 وش زينها كأنها البخت ذذ
كان عندها عرس بنت خالتها وتكشخت هي وأمها وراحو
وهي ب العرس جاتها إمرأة وقالت لها وش زينتس ي بنتي
أشوف إبرمي لي برمه > قويّة ذذ
الزبدة قالت لها يابنتي شحلاتس بس شعرتس كأنه مب ناعم
المهم البنت عادي مشت وكلمت حياتها
2.
بعد فترة أنخطبت سلوى من جديد وجاو أهل خطيب الغفلة
يجلسون معها ويآخذون ويعطون ,
أول مادخلت المجلس قاموا يفصفصونها ويطالعونها من فوق لتحت ,
وقاموا يمدحونها ويمدحون ولدهم وبتطلعون حلوين مع بعض
وترا ولدنا كذا ويحب كذا وبيسوي لك كذا وجلسوا ينفخون ب ولدهم
الشاهد إن الولد شاف سلوى ولا جازت له
بس اتصلوا الأهل واعتذروا وقالو بنتكم يتمناها ألف واحد
3.
مرت الأيام وسلوى تنتظر فارس الأحلام
وانخطبت وهالمرّة جاو الأهل فصفصوها وسولفوا معها
وتقهووا عند أهل سلوى ثم طلعوا من البيت
ولا رجعوا أبداً
ولا دقوا اعتذروا!
---------------
زبدة الموضوع هذه المشاهد تتكرر مع كل بنت ,
وإن م حصلوا كلهم يحصل وآحد منهم

بحط رقم كل موقف وتعليقي عليه
1. برآيكم هل البنت سِلعة ؟ أو بضاعة ! - طبعاً مكرمّة عن هالشي -
لكن حركة لفي ودوري وبعضهم يتجرأ ويلمس الشعر عشان يعرف نآعم ولا !
هل معقولة وصلنا لهالمرحلة .؟
2. سالفة أن أهل الولد يجون ويتكلمون عن ولدهم ويمدحونه ويعيشون البنت أن خلاص بكرا عرسكم , هل هذا فعل صحيحة ؟
فرضاً البنت تحمست وارتاحت للموضوع
وفرضاً راحو وحللّو وطلع مايصلحون لبعض مثلاً
يعني أحس فيه جرح للبنت !
تعالوا وتكلموا عن الولد بس مب تجلسون تقولون بتطلعون حلوين مع بعض
وتراه يحب البنت اللي كذا - ويذكرون مواصفاتها الظاهرية -
وش رآيكم ؟
3. البنت وأهل البنت لهم مشاعر وأحساسيس المفروض نحترمها ونقدرها
وإحتراماً لهم إذا م حصل نصيب , نرفع السماعة ونعتذر وندعي أن الله يرزقها وآحد أحسن من ولدنا
بس سالفة نجي ونتقهوى ونوسع الصدر وننحاش " لا وألف لا "
وبعضهم تجيب معها أختها عشان توسع الصدر
---------------------------------------------

وبالجانب الآخر

أذكر مرّة لمّا خطبنا لأخوي
كلمت أمي ام البنت قالت لها أم البنت
بنتي كثير يجوون ناس يشوفونها ولا يدقون ولا يرجعون
وأنا شفت هالشي يأثر ع بنتي
ف إذا تبين تشوفين بنتي ف روحي لها ب المركز الفلاني هي تشتغل فيه
شفتوا كيف ؟
" إحسِان "
*
مّرة قريب بأحد الردود هنا
إن وآحد يبي بنت مواصفات خيالية
راحت أخته خطبت له وحدة عادية لكن شخصيتها حلوة
وعاش معها أحلى عيشة والحين هو يشكر أخته

-----------------------------------------
فايدة الموضوع
* تذكروا قول رسول الله صلى الله عليه وسلّم : ( إنما بعثت لأتمم مكارم الأخلاق ) ولا ننسى أن " الدين المعاملة "
ف الإعتذار إذا ماجازت لكم البنت والذوق والتعامل الحَسن مع البنت وأهلها هذا من " الأخلاق"
* الجمال مب كل شي ياعيال
* قل لأمك ماتسوي هالحركات ب العروس
---------------------------------
طبعاً أنا تكلمت عن السلبيات في الخطبة
يعني ترى في ناس ذربيين وكذا
يعني أنا م أعمم ()

اترك التعليق لكم

__________________
يا ودود يا ودود ياودود يا ذا العرش المجيد يا فعالاً لما يريد أسألك بعزك الذي لا يرام وبملكك الذي لا يضام وبنور وجهك الذي ملأ أركان عرشك أن ترزق صاحبة التوقيع الزوج الصالح والذرية الصالحة الطيبة عآجلآ غير آجل وجميع بنـآت المسلمين) اللهم آميـن

كلامك سليم ..
الواحد لازم يكون عنده ذوق ويعرف أدب التعامل ويراعي مشاعر الآخرين ويحط نفسه بمكانهم قبل أن تصدر منه أي كلمة او تصرف ..

الزواج مثل الحظ والنصيب من غير اقتناع المهم يتزوجون وهذي الطريقه هي الي كرهتني بالزواج !!! كيف بحكم على شخص في خلال خمس دقايق ويصير يعيش العمر كله معاي ؟؟؟؟
أما سالفة دوري ولفي وما عرف شو بصراحه الأم ما تقلب في البنت الا لأن الخاطب ما يعرف شكل الي بياخذها وهذا الشي ما يصير الا في الدول الخليجيه بحكم العادات والتقاليد ، معايير الارتباط عندنا صعبه وما اقدر استوعبها
اما ان الشباب ما يفكرون غير بالجمال ممكن لأنه الفتن والسفور زاااد بشكل كبير ويريد ياخذ وحده تملى عينه

__________________
وهل من مصير اخر ؟

الحين متحسسين من تدقيق اهل الخاطب

ولا تتحسسون يوم تطلبون مهر مرتفع

المهر إن كان مرتفع بعض الشي يضمن لها ويعوضها شي من حقوقها التي ربما تضيع بعد الزواج ووصول الزوج للمراد.

اختي كلامك صحيح و هي الحركات محرجة بالفعل للبنات، و بالاخص انه اهلها ما بيقدروا يعملوا نفس الشئ للعريس يعني قوم انفخ عضلاتك، و لف ,,, ههه

بس برايي يتظل احسن من انه التعارف يكون مباشر و بدل ما تكون ام العريس و اخواته اللي يفصفصوا بالعروسه يجي الشاب اللي يعمل هيك بالمطاعم و الكافيهات او حتى ببيتهم

لهيك اهم شئ الناس يتقوا الله في بعضهم

و بعدين زمان الناس كانوا يدوروا على الاصل و التربية، الحين و كانهم ساروا بسوق الدواب

الله يصلح حالنا

بكل صراحة فعلا ساعات احس اني كسلعة ! كل واحد جاا يشوف ولا بعضهم يتفلسف تعالي قومي امشي قدامي احلف عاد؟؟ ..
طبعا حصلت لي لمرة واحدة فقط وبعدها اعلنت الحرب ،، والدي مصر انخطب لاني اخر العنقوود وبنفس الوقت شايلة نفسي خلاص بحسب رايه لكن كنت لحد الان ادرس وشايلة الفكرة وبحسب كلامه ان الشاب مصر حتى لو مقابلة بسيطة وبغدها يتتظرني و تخيلي قالي امشي قدامي ! قلت له ان شاء الله ومشيت فتحت له الباب وقلت له تفضل مع السلامة ماعندنا بنات للزواج ههههههههه طبعا الحركة مو حلوة ولكن بحكم سني ونرفزني كلامه لانه سطحي وطبعا الام نفشت ريشها وقالت مو بنتكم اللي رافضة ولدي اللي مايبغيها هههههه ،،، ومنها قلت للوالد الله يطول بعمره انا بخطب لنفسي واذا شفت اللي عاجبني باخذه من شعره من الشارع وبجيبه لكم وبقولكم ابغيه !! ...

صديقاتي تعرضوا لكثير مما قلتي ،، الام تجي تمدح وتمدح والمسكينة تاخذ امل وبالاخير لا حس ولا خبر حتى مايخبروا اهل البنت ان مافي نصيب! حتى واحده منهم تقولي احس فقدت الثقة بنفسي اني استاهل الزواج لانها تتعرض لهالموقف كذا مرة ... فالاصول من اهل الطرفين ان كان فيه قبول يعلم الطرف الاخر وان كان فيه رفض ايضا يعلم عشان الشاب او الشابة يشوفون حياتهم ويواصلون البحث عن المناسب وهالشي مافيه عيب او استحياء ...

موضوع الخطبة من الاعراس بعد مااحبه ،، لان ببعض الاحيان اهل العروس يشوفوها بكامل زينتها وبوقت الشوفة يشوفوها
بزينة او بشكل اخر ووقوم التعليقات على المسكينة ويتركوا اخلاقها ويشتغلوا على شكلها تناسب فلان او لا ! اوو لا تصير حركة ان الام تتصل عشان تخطب فلانه ولكن تشوف اختها بيوم الشوفة وتغير رايها مباشرة لا احنا نبغي اختها وهاذي صارت لي ولاختي ههههههههه واثنينه بالاساس مو بالعين الاهل وغير ان فعلا يجرح البنت ...

طبعا فيه من السلبيات الكثيرة بمجتمعاتنه العربية منها المتعارفه لدى كل المجتمعات ومنها اللي تختلف من مجتمع لآخر ،، ولكن ايضا لايخلوا من امور ايجابية اكيد لان اصابع يدنه مو سواا ويعتمد عل شخصية اهل الخاطب والخطيبة بحد سواء ...

هههههههههه عجبتيني ام مريمي
بس ما كملتي كيف جبتي زوجش من شعره !! خخخخ ولا من رموشه

__________________
وهل من مصير اخر ؟

والله يا كوكي شكلي سحبت من كل مكان شعره منه هههههههه ،، لو اقولك ماراح تصدقيني بنفس السنة وكنت تقريبا على ابواب اكمال التخصص شافتي زوجي بموقع التدريب يقول اني كلمته بس لحد يومك ما اتذكر لاني ماكنت اركز بصراحة بس اتذكر اني عصبت عليه وهو يقولي اليوم بوصلك وبس ( فيلم هندي) ومنها اتضح انه على معرفة باخي الكبير و اتذكر اخوي جاى وقعدني وقالي قولي اللي بقلبك يااختي وانا متفهم حتى لو تحبون بعض وهذا اخوي والنعم فيه رجال مو بس صديق وانا بس فاتحه عيني ،،، طبعا الكل لحد الآن على بالهم اني انا اللي جبته بس مالي ذنب والله ههههههههه الظاهر عصبيتي هي اللي سحبت الشعيرات والله اعلم ....

ههههههههه رب صدفه خير من الف ميعاد
لا والله شاطره جبتيه على قولتهم صورني وانا مدري ...... امزح
بس ملاحظه ان الي يختار شريكته وبنفسه من غير تدخل الاهل يكون اكثر سعاده واكثر تقبل لسلبيات زوجته
الله يسعدكم ويبارك لكم

__________________
وهل من مصير اخر ؟