السلام عليكم ورحمة الله
يا جماعة الخير ساعدوني والله ثم والله اني وصلت لدرجة افكر اقتل
أنا تزوجت قريب ودفعت في هذا الزواج كل ما املك وسويت اجمل عرس ولكن،،،
عمي والد زوجتي ناشب في حلقي
يبي يبين لي انه القوي اللي بيمشي كلامه والمشكلة يدخل في كل صغيرة وكبيرة في البيت
تخيلوا حتى الأثاث بعد ماخلصت جبت زوجتي وقالت ماشاء الله حلو وجا عمي وقال لا أنا ماعجبني
المهم والله يا جامعة الخير أني تعبت وتعبت نفسيا لانه يسوي اشياء مدري كيف اكتبها بس يأذيني بكل طريقة وانا احاول أمسك نفسي ،كرهني في حياتي وكرهت زوجتي وكرهت كل شي
وصلت لدرجة قلت بطلق ولكن خايف من كلام الناس
اقسم بالله العظيم اني اتمنى ان يرجع الزمن للوراء ولا اتزوج


تم تعديل العنوان ليتناسب مع مضمون الموضوع

دامك تزوجت قلل الزيارات ، وفاتح زوجتك ويصارحها قلها يعجبك اللي يصير ،،

والله وصلت لدرجة مادخل بيته اودي زوجتي ورجع
وهو وصل لدرجة يجي لزوجتي ويقول برجعها بكرة ومايرجعها الا بعد من أربعة الى خمسة ايام

ليش على طول راح عقلك للطلاق ؟؟؟؟

انت متضايق منها ولا من ابوها؟؟؟؟

خلاص اقطع علاقتك به وكلم اي احد من عياله ان يبعد آذاه عنك

ينقل الى القسم الانسب

قسم العلاقات الاسرية والاجتماعية

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

لا تطلع زوجتك مكان الا انته موصلها ،،. ارسم حدود من الان و بقوه ،،، كل شي يتحدد من البدايه. بكره بيتجاوز حدوده ان سكت له،،، زوجتك كلمها ،، قولها طلعتي من بيت رجال و دخلتي بيت رجال ،،، اهلك شي و حياتك الزوجية شي اخر

شد عليهم من الحين وخل تستوي مشاكل ،، بتتعب من أولها و بتستريح تالي ،،

ياخي قلت بطلق وفتك من الزواج ومشاكله واعيش اعزب للنهاية
قطعت علاقتي به ومارد عليه واليوم جا معلق على البوري من الحوش لين صحيت وقال
نزل بنتي بمشيها شوي
المشكلة هي مسكينه ماتدري وش تسوي ماغير تروح معاه كل ماجاها
والله ثم والله اني احاول اتقي شره ولكن هو يدور للمشاكل من لا شيء

اول مرة ادخل منتدى ماعرف والله

والله مابقيت شيء وكأني متزوجها هي وأبوها اقسم بالله انه يتدخل في اشياء استحي اكتبها
حتى ان قفلت جوالها ونامت يجي يسال يقول وش سويت فيها مقفله جوالها

زوجتك شو رأيها في الموضوع؟ ضروري يتوقف عند حدددده ضروري جدا