رسالة إلى كل مطلقة اتمنى ان تعجبكم
بسم الله الرحمن الرحيم
كيفكم كل اللي ف المنتدى
حابه اكتب موضوع حتى لو اني جديده بينكم وحتى لو عندي مشاكل وفضفضت لكم وكذا
بس الايام تعلمنا واللي م يتعلم ويشتغل على نفسو مو صاحي
انا شايفه كثيييير هنا كل واحد مشكلتو اكبر من الثاني وفيه اللي صبر وفيه اللي لا انكسر واتحطم
انا اول شي بقول كلمه لكل مطلقه بما اني منهم
الطلااااااق مو عيييب
مو عيبك ان ارتبطتي بواحد ما يستاهلك
ايش تستني من واحد عصى ربه ... تتوقعي ماخاف من ربنا بيخاف منك ولا المجتمع وبيحط لكم اعتبار
اكييييد لا
ولو تركتيه استانسي وانبسطي وافرحي وربي اتأكدي انو ما فيه بحياتك شي صار لك الا كاتب لك من وراها خير ... والله لو فكرتي بحياتك معاه بتلاقين كلامي صح
يا خاين .. ياتركك لسبب ربي كتبه لك .. يا يا يا قصص كثيير والرابط بينهم زوج مايستاهل احد يعطيه اهتمام ولا يعيش معاه لو ثانيه وحده
والله م اكذب عليكم قد ايش انا مبسوطه الحمدلله وبسوي حفله لاني افتكييييت من شر
ثانيا/ وكلامي لكل شخص اتعرض لموقف وكسره
قال تعالى ... ولقد خلقنا الانسن في كبد
يعني الحياه كلنا مهمومين فيها مافي احد مرتاح
اللي متزوجه وزوجها اتزوج عليها وتركها
واللي متزوجه مبسوطه بس نقصها طفل
واللي عندها بنات وتبغى عيال
واللي العكس عندها عيال وتبغى بنات
واللي مريض .. واللي واللي واللي كل انسان عندو شي يكدره
بس احنا لازم كل شي يصير لنا نخليه مصدر قوه لنا مو ضعف ابدا
مو احنا اللي نضعف وننكسر ولنا رب نلجأ له
الله قال انا عند حسن ظن عبدي بي
فلنظن بالله خير ونتوكل عليه حق التوكل
ونعيش بسعاده مع اهلنا واحبابنا وبقربنا من ربنا والله لو ساوينا كدا حننبسط
ولنتذكر قوله تعالى : ان مع العسر يسرا .. ان مع اليسرعسرا
وكمان قوله تعالى : وعسى ان تكرهو شيئا وهو خير لكم وعسى ان تحبو شيئا وهو شر لكم
صدقوني الله كريم كل واحد فينا ياخذ منه شي ويعطيه اشياء
بس انتو فكرو بحياتكم وشوفو شو اخذ منكم وبالمقابل شو اعطاكم وحتنبسطو
يعني مثلا انا ارادلي الطلاق معنو كان اخر شي توقعته بس اكتشفت انو الله حماني من شر زوج
واعطاني شو يارب لك الحمد اعطاني
عائله تحبني وتخاف علي
وصحبات وقفوا معاي وقت الشده وحسسوني بمحبتهم الكبيررررره لي واهتمامهم بي
وبنات خالات كمان
واشياء كثييير كثيييير وقتها بس اتأكدت ان حياتي بدونه احلى والله احلى
وانتو كمان كل وحده تقارن بين حياتها معاه وذحين بتلاقي انها ارتاحت
وربي يعوضها بس اهم شي تعيش لنفسها وماعاد تفكر بزوج وكذا
ولا تخلي سعادتها بزوج او اطفال او أي شي ثاني
والله انا كنت حاطه ان الزواج سعاده وبدون مبالغه ولا يوم م اتهنيت معاه
وم حسيت بطعم السعاده الا لما تركته
والله معاه كنت ابكي كثييير دايم مكتئبه واخلاقي زفت واقول انا اتمنيت زواج وشوفي ما انبسطت لاني قابلت واحد حقييير
ودحين انا عودت نفسي ان سعادتي بيدي مو بزواج ولا ب أي شي
ولو رزقني ربي بزوج ماراح يكون هو سعادتي لا هو شخص انضاف لحياتي بس وانا به وبدونه عايشه ومستانسه
اسفففففه طولت عليكم بس حبيت اكتب دا الكلااااام
وشكرا
التعديل الأخير تم بواسطة مارد الجنوب ; 03-09-2014 الساعة 10:27 AM
03-09-2014, 01:32 AM
ضوابط المشاركة
العرض الشجري