السلام عليكم
مشكلتي قد تبدوا لبعضكم تافهه لكنها ارقتني من 11 سنه
سجلت بمنتدى عن الأمراض الروحيه وردوا الأعضاء وقالوا اللي فيك مو رهاب اجتماعي انتي يبغالك علاج سلوكي
مليت وانا اسكت عن حقي
*مليت وانا احسب كل حركه وكل تصرف قبل لا اتصرفه
مليت وانا كل يوم اعشم نفسي بالتغيير ولا اقدر
قبل لما كنت صغيره كنت اجرىء شوي كنت أركز شوي
قالوا حشيشه القلب تنفع للي عندهم رهاب ودوخت ابوي وانا من صيدليه لصيدليه لحد مآ لقيته
واستخدمته ومانفع وماتغير شي واستفسرت
*وقالوا لي يمكن عشان فصيله دمك
لان في نوع من فصيله الدم مآ ينفع معاهم
بعدها قالوا حشيشه الدينار تنفع ورحت العطار وشريته ولي ثلاث أسابيع وأيضا ماجاب نتيجه معاي
فكرت استخدم سيروكسات لكن آثاره الجانبيه قويه واعراضه الأنسحابيه اقوى وصعبة جدا
وياما سألت واستفسرت وحاولت ومالقيت نتيجه
خلاص انتوا* المحطه الاخيره أما تعطوني حل ولا راح اتاقلم مع حالتي لاني يأست وطفشت*
خصوصا اني احبس نفسي بالبيت لا مناسبات ولا زواجات ولا غيره* وأشياء ثانيه استحي أقولها ولا راح المح فيها حتى

اولا ياقلبي : موضوعك مكانه غلط حبيبتي وهنا في المنتدى فيه قسم الاستشارات الطبية استشيرهم وبمشيئة الله تعالى يجاوبوك

ثانيا : حبيت اني فقط ادعي لك انك ترتاحين من هالرهاب ولله الموفق

مع تحياتي

هل جربتي القرآن؟!

هلا حبيبتي

ما هي اعراض الرهاب اللي عندك، و ايش هي المواقف اللي تخليك تحسين فيه

الله يشفيك

اختي فروحه اسال الله العظيم ان يشفيك من كل شر وان يحفظك لوالديك ونشوفك عروووسه انشاءالله هدي الوصفه مقوله من شخص حلف اليمين انه تشاى من هدي الحاله ولايريد من الناس الا الدعاء ولاتنسين تدعين لي انا الله ينور حياتك
لبرنامج العلاجي بالتفصيل

ابتعدي عن جميع المعاصي من اغاني والصلاه في وقتها ولاتنسي صلاه الليل والدعاء ان الله قريب يجيب دعوه الداعي انشاءالله
وصدقيني كلها بالكثير اسبوعين وتخشعي في صلاتك وتحسي بحلاوة الصلاة


وادهبي لاقرب عطار واخذي خلطة الرومي اللي هي سدر وملح سبع اكياس
وخذي كل يوم كيس اخلطيها مع ماء مقريء فيه وتسبحي فيه

ويومياً اقرى سورة البقرة

ويومياً ادهني بزيت زيتون مقريء فيه مع حلتيته قبل النوم (تقدري تشتريه بنفسك وتقرأ ي فيه)

وحافظي على الاذكار جميعها

راح تتعبي نفسياً اول اسبوعين لكن واصلي ولاتياسي

اللهم رب الناس أذهب الباس اشفه وأنت الشافي لا شفاء إلا شفاؤك شفاء لا يغادر سقما

نعم جربت ولكن ما استمرت يعني فتره متقطعة
من فتره لفتره اقرأ سوره البقره

كثيره ومنها
الخجل الشديد ولحد يقول حياء من الايمان< لأن اللي فيني خجل مو حياء
وأيضا احمرار الوجه بس الحمدلله خف عن قبل
ماعرف اقول (لا) لحد يطلبني وهذا غلط
هاديه هدوء غريب لدرجه وجهي مافيه تعابير ومهما حاولت إكسر هالحاجز مقدرت < قدام الناسس أقصد...

مشكور والله يجعلها بميزان حسناتك ..
البقره من شهرين قلت راح استمر عليها وماقدرت أكمل أسبوع بسبب كسل مني
ف صرت اقرأ كم صفحه كل يوم..
وكل يوم اقرأ بمويه وأشربها...

تحتاجين لتدعيم ثقتك في نفسك

اختي بسالك لو تكرمتي جاوبي انا اخصائية وممكن اساعدك :

هل سبق تعرضتي لموقف انه احد جرحك او عنفك امام الاخرين

كيف كانت طفولتك باختصار وهل كان فيها شي يتعبك حاليا

كيف كانت ايام مدرستك وعلاقتك مع زميلاتك ومعلماتك

كيف علاقتك مع امك وابوك واخواتك واخوانك

ان شاء الله تردين واقدر اساعدك

طفولتي عاديه جدا
ونعم مريت بمواقف تجريح من معلمتين بصف سادس لدرجه قبل كم سنه كنت أذكرها وابكي
وعلاقتي بصديقاتي جيده جدا لحد صف أولى متوسط بعدها حدثت انتكاسة لي
بس ماتوقع انها من مواقف معلماتي السابقه
علاقتي بأمي وابي حلوه
بس اخوي الكبير أخجل منه جدا قبل حتى كان يستغرب بس الحين تعود..
وعلاقتي بخواتي بعد عاديه زي كل الاخوات