السلام عليكم ورحمة الله وبركاته
انا متزوج من شهرين والحمدلله على كل حال من الشهر الثاني وانا وزوجتي مو متفقين دايم تفهمني غلط في كل الامور تفسر كل تصرفاتي وكلامي بطريقتها وتتضايق انا بصراحه انسان مزاجي وبنفس الوقت حساس يعني نزلة الاسواق مااحبها نهائيا واذا نزلت اكون مجبور الشي الثاني مااحب تكرار الطلبات وهذا احسه عيب فيني متعود عند اهلي مااتقضى ولا انزل السوق الا نادرا ولا انجبر على شي ماابيه ومع ذلك مو مقصر معاها في طلبات البيت ,, قبل يومين صار نقاش بينا بخصوص اني عزمت اهلي في البيت فتحججت ان اغراض المطبخ ناقصه(المواد الغذائيه تقصد مو الاواني) وبدات تتذمر فقلت لها اكتبي الطلبات كلها واجيبها قبل يجون اهلي وهي كانت عند اهلها لما اخذتها جابت اغراض المطبخ حقت اهلها صحون وقدور بحجة ان اللي عندنا ماتكفي انا جن جنوني وعصبت وزعلت كيف تاخذ اغراض اهلها بعدين يقولو اني مقصر معاها ولاجبت شي مع انو هي لما نزلنا السوق اخذت اغراض قليله بحكم ان بس اثنين وكل شي باختيارها واكثر ماعصبت منه اني لما كلمتها سالتني وش تسوي لهم من عشا قلت نفس اللي تسوي لاهلك ( وانا اقصد نفس الكمية ) هي فسرتها انو لازم تهتم في اهلي وتسوي افضل الاكلات مثلما تسوي مع اهلها وربي زعلت مره كيف تفهمني غلط وتتضايق من امور تافهه واحيانا اجيب لها اشياء غاليه واقولها بالسعر عشان افهمها انها تستاهل اي شي غالي ومن محبتي فيها فتقولي انت تفكرني ابي اخسرك وابي اخلص فلوسك وغيرها من المواقف اللي تفهمني غلط ياناس تعبت والله لي يومين ونفسيتي تعبانه وباطنيتي تؤلمني لان عندي القولون العصبي وش اسوي وكيف اتعامل معها بالطريقه الصحيحه علما انها بنت عمي وعمرها 24 وانا 26 ولا ودي توصل مشاكلنا لاعمامنا ابي ابدا حياتنا بسعاده وحب وتفاهم