هذا المنتدى كان بالنسبة لي رقم 2 بعد منتدى كنت احب اتابعه بس بعد ما كتبت قصتي هذه جلسو يسخرو مني ويقولو عن قصتي فلم هندي ومن هذا الكلام الي جرحني وخلاني احذف العضوية من عندهم ولجئت لكم واتمنى قبل اي رد منكم تراعون مشاعري والله كثير فكرت اروح لطبيبة نفسية لان حالتي ما يعلم بها الا الله لا صرت انام ومريضة دائما ولا اقدر ارضع اطفالي واهتم فيهم صرت وحدة مقصرة في كل شي حتى امور ديني بس اتمنى منكم شي واحد وهي نصيحة لوجه الله تكون في ميزان حسناتكم. قصتي طويلة بس والله محتاجة افضفض واطلع الي في قلبي الا متى وانا في الحالة المزرية ذي. تخرجت من الجامعة وعمري 23 كنت طالبة متفوقة حلمي الوحيد في الحياة تكوين اسرة تقدم لي زوجي اكبر مني بسنتين موظف بقطاع عسكري رفضته في البداية بس مع اصرار ابوي وافقت وتزوجنا واقسم بالله انها كانت احلى 4 سنين قضيتها في حياتي واليوم ابكي دم وندمانة على الطلاق. طليقي كان بلا اهل امه توفت وهو عمره سنتين ووالده ما تزوج بعد امه وتوفى بعد زواجنا بسنة وهو الابن الوحيد لهم وما عنده قرابة ابدا كان زوج حنون محبوب من الكل اخلاق متفاهم طول يومه يكون جالس معي ما يفارقني ابدا الا اذا راح الدوام كنت بالنسبة له ام وزوجة واخت وكل شي كان يحبني بجنون وشعوري متبادل كنت اذا راح دوامه اجلس على اعصابي واذا رجع نقزت في حضنه. كان يعتبر اهلي اهله وعلاقتي مع ابوي وامي واخوي لا توصف ودائما جمعاتنا وخرجاتنا معهم. بعد احلى اربعة سنوات استغربنا واهلي تاخر حملي وكلمته نروح نحلل وافق ورحنا حللنا وطلعت سليمة اما هو حيواناته المنوية صفر يعني عقيم النتيجة نزلت علي مثل الصاعقة حتى طليقي حزن وتعبت نفسيته رجعنا الشقة وما قلت لاي احد طليقي كانت تعبان ومصدوم من التحليل بس من حبي الشديد له هديته وقلتله اني ما راح اتركه مهما حصل وان ربي قادر على كل شي جربنا كل الطرق انابيب حقن مجهرية بس قدرة الله فوق كل شي ما حصل حمل جلسنا سنة على هذا الحال وانا شايلة هموم في داخلي بس صابرة لاجله لجئت بعدها للمنتديات وكانو كلهم ينصحو بالطلاق وان الاطفال هم الي راح يحملوكي في كبرك ومن هذا الكلام تركت المنتديات وقلت لاهلي ولاول مرة وشرحت لهم كل شي وكانت امي الوحيدة الي نصحتني بالطلاق وان ربي راح يغنينا من سعته وابوي واخوي وباقي اخواتي رفضو وقالو انه رجل ما يتعوض بس بعد فترة طلبت الطلاق ما قدرت اتحمل كانو كل حلمي الاطفال صراحت طليقي بكل مافي قلبي في البداية رفض وحاول يتمسك في بكل انامله بس في النهاية تفهم وطلب مني اروح لاهلي واجلس افكر واقرر رحت لاهلي وجلست فوق الشهر وقررت الطلاق وطلقني عانيت كثر فترة العدة وهو مثلي ما كنت مصدقة اننا انفصلنا وهو حاول كثير يرجعني بعدها ابوي اقنعه بالامر الواقع اني رافضة الرجوع. بعد العدة مباشرة تقدم لي ولد خالتي وامي شجعتني عليه اما الباقين وصفوني بالغبية واني رفست النعمة وبالاخص ابوي كان زعلان وقال براحتك تزوجت من ولد خالي والله وكاني دخلت الجحيم لا مسوؤلية ولا حب ولا هتمام طول يومه برا البيت ما يعرفني الا وقت النوم ولا يصرف علي واذا ناقشته في شي طلق على طول لاني بتفكيره كسرت كلمته بس كانت الثمرة الوحيدة وفرحتي الكبيرة في هذا الزواج حملي الاول ما تدرون قد ايش فرحت وكنت ابكي فرح وانتطر قدوم الطفل ورزقت بتؤام ولدين كلنا فرحنا واهلي بس زوجي ما همه ولا كانهم عياله واستمر في الموال لا يصرف عليهم ولا يعطيهم اي اهتمام حتى حنان مافيه وجا هذاك اليوم الي تهاوشنا فيه بالصبح عشان ما كويت شماغه وطلقني الطلقة الاخيرة فرحت كثير بالطلقة واهلي فرحو قالو افتكيتي منه وطبعا لا يصرف نفقة عليهم ولا شي وراميهم عندي ابوي كان يقول احسن نبيه بس يفكنا من شره وانا اصرف عليهم. ومن جهة طليقي الاول من زواجي حتى طلاقي ما قطع اهلي كان يتواصل معهم ويعتبرهم اهله حتى طلاقي منه حاجز يوقفه عن صلته باهلي لدرجة انه وابوي اشترو قطعة ارض وسو فيها استراحة نجتمع فيها كلنا اما بالنسبة لي صح فرحت بطلاقي من ولد خالي بس دخلت بعدها في هموم وصرت احن لطليقي الاول واتذكر ايامنا سوا واقول ياليتني ما تطلقت منه وابيه يرجعني باي طريقة كلمت اهلي كثير بس ابوي رفض وقال انتي جرحتيه وتركتيه تحملي نتيجة طلاقيك ومعد فيه رجعة له صرت مهمومة ودائما ابكي كل ما تذكرته ولا شوفته قدامي في اي مناسبة. حتى كنت اتصل عليه واعتذر منه واقوله عن ندمي واني ابيه يرجعني بس ما يرد ويقفل الخط وفي يوم من الايام كنا متجمعين في استراحة طليقي الاول عازمنا على العشا وجات اختي الصغيرة وقالت لامي انا ابيه امي رفضت تقول عقيم وانا ابي اشوف عيالك وانا وقتها قلبي حرقني وصرت اصرف الموضوع بس اختي قالت عسى ما خلفت ولا ابي عيال بس واحد زي هذا ما يتعوض وقالتها قدامي كلمة قطعتني من داخلي قالت والله صرت متعلقة فيه لدرجة فظيعة وابيه يتزوجني حتى انها كلمت ابوي ورفض ابوي بس اختي جلست مصرة بالشهور وامي صارت تجبلها خطاب عشان تنساه بس كانت ترفضهم كلهم

مستجدات
الرد63
http://www.66n.com/forums/showpost.p...0&postcount=63

مستجدات
الرد 73
http://www.66n.com/forums/showpost.p...1&postcount=73

وانا كنت ابيه يرجعني واحاول كثير وما ابي اختي تخرب علي حتى اختي كانت تسال ليه ما تبيني اتزوجه كنت ما ارد عليها ماني متخيلتها تنام مكاني ابوي لمن شاف اصرارها راح كلم طليقي بس طليقي رفض عشان فارق السن ارتحت كثير بس اختي جلست مصرة الا يوم جا ابوي يقول انه حكى طليقي عن كلام اختي وقال بفكر في الموضوع وصرت وقتها اكلمه واتس واحاول اخرب على اختي واقله اني ابيه بس كانه يعابطني وبعدها جا وتقدم لاختي وتزوجو وكلهم فرحو الا كان صرت ابكي كل يوم وعيني ما تذوق النوم والله كرهت اختي كرهت كل شي حتى اولادي وصرت اتمنى الموت واقول ياليتني ما تطلقت صرت اشوفهم يمسكون ايادي بعض قدامي ابكي وحتى اختي لمن تجي عندنا وتمدح فيه احقد عليها اهلي لاحظو هذا الشي وتكلمو معي كثير بس مافي فايدة صرت احبس نفسي في الغرفة ما اكل ولا اشرب جسمي ضعف وطريحة فراش على طول. بعد شهرين على زواج اختي وطليقي جات الطامة بالنسبة لي وهو ان اختي حملت منه والله جلست ماني مستوعبة واقول لاختي هو عقيم كيف واستغفر الله صرت اشكك اهلي في اختي من غير قصد وصرت الله يتوب علي اقول ليه حملت ليه انا ما حملت منه وليه الكل كان فرحان الا انا زادت همومي حتى اختي قطعت علاقتها معي وكرهتني عشان شككت اهلي فيها وانا وقتها صرت زي المجنونة ولا اخفي اني كم مرة ابي اكلم طليقي زوج اختي واحاول اتواصل معاه بالحرام بس مطنشني حتى اعطاني حجب وغير رقمه خلاص ماني قادرة اكمل والله جالسة ابكي. والله كل الي ابيه اني اتخلص من هذا الشعور كل اهلي كرهوني تقدمو لي خطاب كثير بس والله ما راح اتزوج وعندي امل اني طليقي يرجعني مرة ثانية والله وصلت اني بعض الاحيان ادعي على اختي بالموت حتى يتزوجني استغفر الله

وعليكم السلام ورحمة الله وبركاته ..
أختي الكريمة مامضى مضى ، أختك تزوجت اﻵن وهي حامل اتركيها ولا تفسدي حياتها، أقدر مشاعرك لكن في النهاية الطلاق طلبك وأنت أمنيتك الأطفال ، التفتي لهم وبناءمستقبل جميل ، وأختك لا تلوميها هي اختارته أن يكون زوجها وهذا رزقها فلترضي بقسمة الله لك ..
لا تكرهيها فلا تكوني أنانية هي اختارت وأنت اخترت كذلك ، ابتعدي عن زوجها نهائيا انتهى خلاص بالنسبة لك ، ربما كلامي مؤلم عليك ..
فليكون من اسمك نصيب ومن يتقدم لك المناسب اقبلي به لكن بشرط أن تنسي السابق ولا تدخلين على زواج آخر وفي قلبك شيء اتجاه طليقك كي لا تظلمي غيرك ..
نمي مواهبك وضعي لك أهداف وامشي عليها ، وانزعي الحقد والكره اتجاه اختك يا أختي الكريمة ..
فرج الله همك ..

ﻻ حول وﻻ قوة اﻻ بالله ... عارفه الوضع كله غلط في غلط انتو كثرتوا كﻻم عنه بينكم وطيرتوه السما انتي اتعلقتي فيه اكثر واختك اتعلقت فيه بعد يظهر كنتوا تتكلموا فيه كثير واختك صغيرة وماتعرف جدية الموضوع انها تحب طليق اختها و وجوده معكم في كل مجلس خطأ و اخوانك ينقلون اخباره لكم شي صعب الحقيقة حتى لو تبغين تنسيه ماراح تقدرين والكل يذكرك فيه ... رايي من الخطأ جدا ان اختك ترتبط فيه ومشاعرك مبرره تماما خصوصا انك تحبينه . اهلك انجبروا يوافقون عليه خلاص اصبح الوضع امر واقع مالك اﻻ الله تعالى تدعينه ينسيك اياه وتحاولي تتصالحي مع اختك اللي قلتيه في حقها كبير جدا صحيح هي اخطأت بزواجها من طليقك وهي عارفه مشاعرك تجاهه لكن يظهر انها صغيرة وماهي مدركة خطورة الوضع فلازم تصالحيها اعمالك ماتعرض على الله تعالى بسبب هجرانك لها قوليلها انك مو في وعيك ووابكي عندها سوي اي شي حتى ترجع علاقتكم زي اول مالكم الا بعض بعد عمر طويل لامك وابوك انتم عزوة لبعضكم وبعدها امنعي اي كلام عنه امامك للتخلي احد يجيب طاريه لا بالخير وﻻ بالشر ابدددا اطلبي من والدتك تفهم ابوك واخوانك هالشي هذا راح يساعدك تنسيه .. بعد ذا كله يا اختي العزيزة اللي خلقه بهالمواصفات خلق غيره بتلاقي مثله واحسن منه ﻻزم تتزوجين وتكملين حياتك مع رجل اخر يخاف الله فيك وفي اوﻻدك وتأنسين به ويأنس بك اﻻ ماينفتح قلبك على شخص اخر حبيتي مره ممكن تحبي مرة اخرى كمان ﻻ تيأسي من رحمة ربك المؤمن مبتلى وهذا ابتﻻءك في الدنيا احمدي ربك كثيرا عليه غيرك مبتلى بمرض ﻻ يرجى برؤه و اللي مبتلى في سمعته واللي مبتلى في الحرام واللي مارزق بذريه واللي ماتزوجت ووووو .. انظري حولك واحمدي ربك ابتﻻءك ماكان في صحتك وﻻ في دينك ... انتي مطلقة مرتين و يأتيك خطاب فهذا شي ممتاز اقبلي بصاحب الدين والخلق واسئلي عنه جيدا اليوم يأتيك خطاب بكرة ماتعرفي يجي احد وﻻﻻ صدقيني عﻻجك زواجك باخر تنشغلي معاه وتاخذك الدنيا بعيدا عن ذكريات الماضي ... انسي الماضي تماما اخترتي اﻻودﻻد وربك رزقك بهم يمكن لو جلستي معاه ماكان حملتي .. حاولي تغلقي باب الماضي وهو شي صعب جدا لكن حاولي وافتحي الباب لشخص جديد يدخل حياتك ويضيئها حبا وامان وتكملي معاه باقي حياتك ... الله معاك

حبيبتي كل المشكله تعلق بسبب الفراغ ..
نصيحتي لك توظفي واشغلي وقتك كامل
ضروري تلتحقين بدورات حفظ القران
حتى يتعلق قلبك بالقران ..
فيه دورات تسمعين بالهاتف مره روعه ..
نصيحه من تجربه والله اذا انشغلتي بالقران
تنسين همومك وتنسين الناس ..

والامر الاخر في كل وقت وفي سجودك
رددي من قلبك وبيقين
اللهم اجبرني في مصيبتي واخلفني خيرا منها ..
ابحثي عن قصة هذا الدعاء لاام سلمه


جبر الله قلبك واصلح حالك واقر عينك بصلاح ذريتك ..
ولاترفضي الخطاب لعل منهم من يكون افضل من زوجك ف الله كريم

الله المستعان ..
ما فات فات وما حصل حصل , والماضي لن يعود ويتغير
أكملي حياتك حسب وضعك الحالي إلى أن يرزقك الله الزوج الصالح
ودعي أختك تعيش حياتها كما قسم الله لها
واعتبري ما أصابك إبتلاء من الله .

الله لا يجعلكم تمرون بالي مريت فيه والله شعور مقرف ومتعب. وصلت لاقصى درجات الندم وصرت بعض الاحيان استغفر الله اسخط
حاولت كثير اقول لنفسي هذا ابتلاء قضاء وقدر بس ماني قادرة حاولت اشغل نفسي بس والله مالي نفس في اي شي حتى فلذات كبدي ما اقدر اشغل نفسي عليهم صرت سجينة في غرفتي مسدودة نفسي من كل شي كنت اربط سعادتي بالعيال وجو ولا ذقت طعم السعادة وش الفايدة عيال ومسوولية بدون احد يعينني ويحن علي ويشبع رغباتي احيانا اقول ليه اختي تحمل في شهرين وانا 4 سنين ما حملت دائما تدمع عيني ويجيني شعور بالغثيان يوم اشوف حبيبي الي كان ينام معي في سرير واحد الي كان يشاركني في كل امور حياتي مع اختي واجلس اسب اليوم الي طلبت فيه الطلاق وماني متخيلة في يوم اني اتزوج والله كرهت شي اسمه زواج من بعد ولد خالتي كرهته وكل الي يتقدمو يا معددين ولا يجيني واحد بعمر ابوي واختي ما ابي اجننها ابي ازيل الكره الي في داخلي تجاهها قيدها ماهي ناقصة في ولادتها قريبة

كوني مؤمنه بالله وبالقدر وخيره وشره فقط

كوني مؤمنه ولاتؤذيين اختك

اختي ماحصل تبعات قراراك ولعله خيرة لك

فكري بالموضوع من الناحية الايجابية

ليش احنا النساء ترتبط سعادتنا بوجود رجل في حياتنا عيشي لااجلك ولااجل اطفالك واحمدي ربك على ماانتي فيه

ولكن لااستوعب قذفك لااختك وتذكري عقاب من قذف مؤمنه مسلمة محصنه

لاتستسلمين لافكارك اشغلي نفسك باطفالك وتربيتهم وتعليمهم وتعويضهم عن والدهم سياتي يوما تتمنينهم بحضنك

يا حبيبتي مالش الا اختش واهلش وفي الاخر طليقش غريب محد يستاهل تخسرين اختش واهلش

ابعدي عنش الحسد والطمع و الشيطان يوسوسلش وانتي في اختبار

خسرتي كثير وتعلمتي الدرس واطلعي من المشكله بشكل ايجابي التفتي لعيالش الي خسرتي كل شي عشانهم

والله بيعوضش مثل ما عوض طليقش لا تستخسرين فيه الفرحه طليقش يستاهل كل خير

أشكي لله واحسني الظن وتوكلي على الله وغدا اجمل بأذن الله

__________________
وهل من مصير اخر ؟

عارفه ليه الندم ؟ لان اختك اللي تزوجت طليقك ولو كانت غيرها يمكن سليتي شوي ... حطيت نفسي مكانك شي صعب جدا اجلس اربع سنين استنى الضنى واختي تجيبه في شهرين .... بس صدقيني والله هذا قدرك واختيارك سليم وحتى لو ما اخترتي كان راح يحصل لك زي ماهو حاصلك الان هذا بس الشيطان يحاول يحزنك على نفسك ﻻتقولي لو اسنيت وماطلبت الطﻻق لو هذي تفتح عمل الشيطان خﻻص شيليه من بالك حاولي تاخذي عمرة وتطلبي الله تعالى هناك يرضيك بقضاءه ويرزقك بخير من طليقك ولو جاك معدد يخاف الله ليه ماتوافقي اقلها تلاقي وقت تهتمي باولادك صلي كثير قيام ليل وادعي ربك يزيله من بالك وان شالله مايخيبك ...