السلام عليكم ورحمة الله وبركاته


تعبت من حياتي خلاص والله ماعاد فيني حيل على الصبر انهد حيلي
والله شاب راسي من الهم والتفكير
كتمت في قلبي مدري وين أروح اختي مقاطعتني حتى زواجي ماحضرته ولا باركت لي حتى لما جاني ولد
حاولت اتواصل معاها لي اكثر من اربع سنوات وانا اترجاها وارسل لها ولكن في كل مره ارجع اجر خيبتي معايه
قصتي صارت وانا ثاني جامعه واخوي اول جامعه كنا رايحين الدوام وصار لي حادث كنت انا اللي اسوق
توفى اخوي بعد الحادث بأسبوع وماكنت ادري محد علمني كنت في غيبوبه شهر طلعت من المستشفى
والله الندم يقطعني وفراق اخويه يبكيني اكلت في نفسي تمنيت لو كنت مكانه ولكن تبقى امنيه من بعدها متغيره اختي
عليه كثير تزوجت وراحت الشرقيه اتصل عليها ماترد ارسل لها ماترد غيرت ارقامها كثير وفي كل مره توصي
أن محد يعطيني رقمها ولكن كنت اخذ جوال امي واخذ رقمها سافرت لها ثلاث مرات في كل مره ارجع وكلي آلم
وهم وضيقه فقدت أثنين من اهلي لما تجي عند اهلي وابغى اسلم عليها تروح غرفتها وتقفل الباب
صيحت بكيت انهارت اعصابي للأسف كل مره يتقطع قلبي ويعورني اكثر و اكثر ارسلت لها امي و خالاتي
مافيه أمل كلمت والدي كان رده لا تلومها ليش يصير معايه كذا قضاء وقدر من الله استهتار بس مو للدرجه هذي
تحسبني راضي عن موت اخويه والله ياما تمنيت اكون مكانه ياما بكيت حتى غرقت مخدتي دموع
كتمت في داخلي لين تقطعت قلت بتزوج يمكن تتحسن حياتي لكن في كل يوم يعدي تزيد المراراه والآلم
ابغاها تسامحني ابغاها تكلمني ابغاها تعرف أنها ماتتعوض لو تزوجت الف مره وحتى لو حاولت واجبرت نفسي انسى الواقع المر ماقدرت ضعفت وتغيرت والله فقدت البسمه ونسيت طعمها مو حرام تسوي فيني كذا
مادخلت بمعرفي ماقدرت اكتب الا بهذا على الاقل افضفض اتمنى لو تشوف كلامي وتعرف قد ايش اعاني
وابكي قهر اتمنى تعرف ان كل يوم اتمنى الموت واروح من الدنياء هذي مدري يمكن يحن قلبها وتصلي عليه او اقلها تترحم عليه

__________________

ضميني لا جيت لك في الضحى لكن بلين
============= ويش عذرك في صغير خذيته من هله

الغريب أهلك يقولون لاتلومينها،،!!!
أهلك وأختك يبيلهم دروس في اﻹيمان بالقضاء والقدر خيره وشره.

الله يعينك..
كل ما تعاني منه بسبب أهلك
و وفآة اخيك ماكانت الا قضاء و قدر
و لابد من الايمان بالقدر خيرهِ و شرِه..
هذھ الدنيآ.. كُل ما استطيع قوله
اصبِر !
( و بشرِ الصابرين)

الله يجمعك مع اختك و قلبهآ على خير ..

كيف سقتي وانت بالسعودية ؟
لانك تقولين انها تزوجت وراحت الشرقية

__________________
الحمدلله الذي بنعمته تتم الصالحات

كلام سليم !!!!!

واضح انو اللي يتكلم رجل
لا تلومها مو لاتلومينها
ماادري كيف استنتجتوا انها فتاة ؟!

كل مااحاول انسى مشاكلي مع اخواتي تجي مواضيع زي كدا وتقلب المواجع من جديد

اتركها ياسيدي حتى تهدأ وربما الشوق والحنين والذكريات اللي تربطها بااخوك وتبعدها عنك هي نفسها اللي بتقربها منك بيوم من الايام
انا مر على مشاكلي مع اخواتي سنتين ولازلت اغلي من داخلي على بعض الأشياء ودموعي تنزل رغما عني اما اختك فوجعها اكبر وألمها اعمق مالك الا الصبر والله يكتب لك المثوبة واجر صلة الرحم

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

مايجوز قطع الرحم
الله يهديها
اخي هل سبب الحادث استهتارك
لان مو طبيعي يلومونك على حادث عادي

الله يرحم اخوك
اكتب لها رساله طويله وعبر عن الي بقلبك

حتى لو كان يسوق باستهتار .. هذا قضاء وقدر .. واخوه لو ما مات من الحادث كان بيموت بنفس اليوم وبنفس اللحظة بسبب ثاني ..
واكيد هو ندم .. يكفي فقدانه لاخوه .. هذا اكبر عقاب لاستهتاره .. الله يحنن قلبها .. بس انت يا اخي لا تفكر كثير .. خلاص كيفها انت حاولت معاها وماقصرت .. لا تتمنى الموت يا اخي .. استغفر الله كثير وقوي ايمانك بربك ..

لو الموت أخذ أخوك غصبن عنكم ليه تخلي الهجر ياخذك منها؟

إللي فقد أحد يعز عليه يصير يخاف ويحرص على باقي الناس إللي يعزهم

أختك غلطانه أخوك هاذا يومه حتى لو كان نايم بفراشه الله يرحمه ويغفرله

أما تعاقبك وتعاملك وكأنك متعمد لأ أنت كنت مجرد سبب فقط

لا عاد تضغط عليها ولا تدور وراها خلها براحتها وقول لأهلك ينصحونها

بصراحه إنسانه غريبه كلكم أخوانها فقدت واحد بس رجع لها واحد من الموت المفروض ماتتعامل معك كذا

الله يهديها