السلام عليكم

جالس اخطط لشهر العسل وما اقدر اسأل خطيبتي لان باقي ما ملكت وبين الملكة والزواج وقت بسيط ما اقدر انتظر واسالها لازم اعتمد البرنامج بدري لتقليل التكاليف

ايش افضل للبنات وخاصة الصغيرات في الثانوية رحلة هدوء واسترخاء مثل زيلامسي والا ترفيه وتشويق مثل باريس

اتمنى اشوف اجوبتكم واقتراحاتكم

انا احب الجزر لشهر العسل
احسها رومانسيه للمعاريس
زي المالديف و سيشل و مورشيوس واليونان
او يمكن اكثر من دوله اوربيه زي زلامسي و فرنسا وسويسرا
واشوف العالم هابين بامريكا
والله يوفقك
حط ببالك انها بنت صغيره عاملها برفق ولين واصبر عليها
سالفه اربيها واشد عليها من البدايه استبعدها
اكسبها وخلها تحبك ساعتها بتصير لك مثل ماتبي

شكرا على النصيحة لكن بالنسبة لمثل عمرها ايش يحب

تحب الحركه و التسوق والالعاب والمطاعم
والله اعلم تظل الشخصيات مختلفه
عشان كذا اقول اختار اكثر من دوله
دوله رايقه ودوله فيها حركه

والله يا أخي مانقدر نفيدك كثير
هو العمر مجرد رقم مانقدر نقول بنت الثانوي تحب كذا وبنت العشرين او الثلاثين تحب اماكن غير
دام لسى مو مملكين اختيار وجهتكم يعتمد عليك وعلى مقدرتك المادية و المدن اللي اخترتها حلوة

اختي انا اطلب فقط توقع وراي
اعتماد على نفسية البنات في هذا العمر هل يرغبون في اماكن هادئ ام مفعمة بالحياة

زيلامسي هدوء يفعمك بالحياة الطبيعة تريح العين وتبعد التوتر ^_^
باريس جوها صاخب فرفشه وحركة وهجولة أنصحك تخليها بداية زواجك وزيلامسي بعدين
أرجو لك حياة سعيدة أخي الفاضل
موفق
..~

__________________



معظم مشكلاتنا الشخصية تقع بسبب الفجوة بين :


- ما أقصده أنا
- وماتفهمه أنت

فأحسنوا النوايا في بعضكم البعض ..


في كتاب حياة كل منا " فصل " لا يصلح للقراءة ..~

لكل بنت شخصيتها , العمر ما يلعب دور كثير في الرغبات والتفضيل

ممكن تجمع بين الإثنين نصف الرحلة في المالديف مثلا ونصفها الثاني دبي

أو زيلامسي وباريس

برضوا فكرة بس لازم اشوف هل فيه زيادة كبيرة في التكاليف
شكرا لك