في الأسابيع الاولى للحمل
تعبانه وربي عالم باللي فيني
ابغى اجلس عند امي شهر او شهرين رااافض حتى لو اسبوع يقول لا
ما يطلب مني طلبات بس يجيبني البيت صوره لآني طول وقتي اما ع السرير او نايمه ع الكنبه ودايخه وماليا خلق للبيت

اروح لامي بدون رضاه ؟لآني والله تعبانه وأمس شدّت الامور بيننا بس بالأخير انا سكت .
ولا اغصب ع نفسي واجلس عنده ؟

أخلاقي زيرو .. وجودي معاه احس انه غلط ايش تشوروا علي ؟
مو متحمله البيت احس اني بطير منه

ادعولي

حد علمي أمر طبيعي اللي يصير
فترة الوحم
حاولي تطلبي من زوجك بأسلوب لطيف يسمح لك تروحي لوالدتك
الله يصبرك ويعينك يافاضلة

__________________



معظم مشكلاتنا الشخصية تقع بسبب الفجوة بين :


- ما أقصده أنا
- وماتفهمه أنت

فأحسنوا النوايا في بعضكم البعض ..


في كتاب حياة كل منا " فصل " لا يصلح للقراءة ..~

والله ياحبيبه اغلب الرجال مايقدرو فترة الوحام
وانها فتره اصعب من الولاده نفسها
خصوصآ لو ان محيطه من النساء زي اخواته وامه وحامهم خفيف
يعني ماشاف الوحام المتعب ولا كان قدر وضعك شوي
الافضل انك تجيله من ناحية امه خصوصا لو كان يسمع كلامها
كلمي امه واشرحي الوضع وخليه تأثر عليه من غير مايعرف انك انتي الي طلبتي هالشي منها
خليها تقوله يافلان لو تودي زوجتك فترة الوحام عند امها تقوم فيها خصوصا اني اشوف وجهها اصفر ودايخه
وتقنعه انه مو زين لوضع الجنين وجودك عنده ونفسيتك تعبانه
اشرحي الموضوع لاامه اكيد بتحس فيكي خصوصا لو علاقتك حلوه معاها وتعتبرك مثل بنتها
الله يسهل امرك يارب ويقومك بالسسسسلامه

السلام عليكم ورحمة الله وبركاته ...
أختي الكريمة منفردة ، ربما ردي لا يعحبك بالنسبة لعصبيتك معه لاتضعي الحمل حجة أبدا ، أستغرب جدا ممن تتطاول بخلال فترة حملها ...
لتدركين حجم النعمة اذهبي لقسم مرضى السرطان وعندما يكون الكيماوي عليهم ويأكل أجسادهم ومثل النار التي تصب فيهم ، فا أخلاقهم ثابتة لم تتبدل ولا تتغير حتى في أقسى الظروف ....!!!!
وأتصحك لا تخبري أمه . وعصبيتك قبل الحمل وليس بعده ...
تغيري فقط واستمتعي في لحظات حملك ، فلا بد أن تتعبين وكيف الأم تريد أن تكون أم بدون التعب ؟!
موفقة ...

عاشق

حاولت معاه يقول لو تركتك اسبوع ارجع واجلس معاك اسبوع تعويض .



رائحة البخور

هو يقول انه زوجته ما صار لها زيي .. بس أمه احبها وطيبه معايا بس استحي منها .
بعدين هو كلمته تمشي ع كل عائلته فما أتوقع القى نتيجة حتى لو كلمتها .

سُقيا يا صديقتي
والله ماني معصبه بالعكس تصدقي اني مع تعب الحمل هديت..
انا طول الوقت داااايخه وما اقدر اكل الا بسكويت بعد كل كم ساعه اكل كم حبه او اكل قطعه جبنه لوحدها
وبطني تألمني وغثيان مو طبيعي يعني والله جد تعبانه ..
معاك حق انه الم عن الم يختلف بس الحمدلله على كل حال الله يكتب لي الأجر يا رب ..

بروح لأهلي علشان ما أخسر زوجي بسبب تعبي .. مو متحمله منه كلمه حتى كلامه احسه ع قلبي .

متزوجه من معدد

__________________
يارب أحفظ لي طفلتي ولا تبتليني بفقدها

نامي ارتاحي ببيتك

لاااحد يلومها بالوحم

ترى الحمل وهن على وهن وذكره ربي بالقران

الحمل متعب وشاق والله يكتب الاجر
جارتي مستحيل تنام ببيت او تاكل اكل
فترة وحمها تقضيها بالمستشفى من قوة الوحم والتعب

الله يعينك بس كلمي امك تفهمه انه هذي فترة وحم والافضل بقائك بعيده عنه

لاجل صحتك ونفسسيتك ونفسية البيبي

يعوضك!!
ليش يعوضك..؟
اللي تطلع من نفسها تريح عند اهلها او تزورهم
لا ما يعوضها شي
اجل كل وحجه بتروح عند اهلها شهر وتقول يلا لك شهر ما جيتني اقعد عندي شهر!!

زوجك فاهم العدل غلط
ايام عندك وايام عندها واللي تروح لاهلها يجلس عن الثانيه لين ترجع هذيك ويرجع يقسم بينكم
بدون ما يعوض اللي كانت عند اهلها!!<<ما طردها عشان يعوضها!!

أعصابك يا حلوه
ترى انا أتكلم عن زوجي مو زوجك ..
.....................................
وبعدين انا قلت تعويض ولا هو ؟!
ومو من باب العدل يا ماما هذا حب اذا ما تعرفي ..

انا ما عمري قلت له متى تجيني او لا تتأخر عليا بالعكس أوقات بيشوف ردة فعلي يقول ما ابغى اجيك بكرا مشغول اقوله براحتك حبيبي انت مو اله مقسوم بالوقت الساعه انت لك حق ع نفسك .

ترى انا ما أغار الحمدلله وان غرت نسبة بسيطة وتروح الحمدلله ..
.........................................

..................................