السلام عليكم ورحمة الله وبركاته ..
طبعا هالموضوع انا ودي اكتبه من زمان بس كثرة مواضيع التعدد وفيها على طول خلاف .. وانا ما ابي هالشي
اخر موضوع كتبته ملك اضافة الى موقف تعرضت له خلاااني غصب اطرح هالتساؤلات


انا دايما اسأل في بالي ليش الرجل يعدد وخاصة اذا كانت علاقته مع زوجته الاولى تمام وودي امسك رجال واساله بس مجتمعي ولله الحمد ما فيه تعدد الا الحين للاسف😞والا قبل محد يعدد
بس ما ادري ... يمكن لوجود المادة !!( انا اصدق المثل اللي يقول ان الخيانة مرتبطة بالمادة ) مع تحفظي لكلمة خيانة عشان ما يزعل احد

سؤالي للزوجة الوحيدة :
تقبلي بالتعدد ؟
اذا جاب طاريه .. شنو ردة فعلك؟
تحسي بالامان تجاة زوجك ؟
موقفك الافتراضي فيما اذا عدد ؟


سؤالي للزوجة الاولى
: شنو مبرره لزواجه الثاني ؟
تقييمك لمبرراته؟
تغير عليك؟ (الحب . المسئوليات)؟
انتي تغيرت مشاعرك تجاهه؟
شنو الاشياء اللي تخليك متمسكه فيه ؟ ( العيال .. الشرع .. الحاجة ..الحب .الخ)
لو ترد الايام شنو الخطوات اللي بتسويها لتخفيف الصدمة ؟


سؤالي للزوجات الثانيات :
شنو مبرر قبولك لرجل متزوج ؟
مبرراته هو؟
عدل بينكم ؟
هل فعلا الرجل اللي مرتاح مع زوجته الاولى يقدر يحب الزوجة الثانية بنفس المقدار ؟
لو ترد الايام تقبلي فيه؟
هل فعلا الزوجة الثانية ما تقبل بالثالثة وليش ؟


سؤالي للمعدد :
لماذا عددت ؟ العيال .. التنويع 😡.. الخ
هل فعلا يمكنك ان تحب الكل في الكل ؟

سؤالي لغير المعدد :
هل فعلا الرجل يحب التعدد حتى لو ما تجرا عليه ؟
لو مجتمعك ما يرفض التعدد .. والمهور ببلاش .. تعدد؟

الصراحة انا عندي فضول شديد حول التعدد .. ودي احد يجاوبني .. خاطري افهم هاللغز الغريب العجيب ..يمكن ارتاح بعد ما تجاوبوني


تم تعديل العنوان ليتناسب مع المضمون

__________________

مكانه الانسب ...

__________________



احيانا يجب ان نفقد ذواتنا كاملة لكي نستعيدها كاملة ...

أ ـ أي موضوع انسحاب, أو نقد لإدارة الموقع أو تقديم شكوى ، يكون عبر قسم مراسلة الإدارة، . أما الاستفسار بشأن حذف أو تعديل فتكون في أركان المراسلة المتوفرة في أقسام المنتدى . أما الأمور التي يراد إفادة مدير المنتدى بها تكون عبر قسم "الاتصال بمدير المنتدى" ويحظر نقد إدارة المنتدى في الأقسام العامة ، ويكون ذلك في قسم مراسلة الإدارة فحسب..

الاشراف

__________________

سؤالي للزوجات الثانيات :
شنو مبرر قبولك لرجل متزوج ؟
ﻻني كنت مطلقه ومعروف أغلب المتقدمين
مطلقين أو متزوجين وبصراحه تعقدت من المطلقين صرت أرفض كل متقدم مطلق
احسهم فاشلين وراعين مشاكل وعديمين مسؤوليه واﻻ مااصبح مطلق
وأكبر مبرر اني صرت أشعر أن المتزوج رجل ذا قدره على تحمل المسؤوليه
وراح أشعر معه باﻻمان
ﻻنه فاتح بيت وعارف وعنده خبره. .
مبرراته هو؟
يبي أطفال مع أنه عنده ولكن بعد الزواج اكتشفت انه مبرراتهم
اﻻساسيه شيء في الزوجه اﻻولى ﻻيود ذكره وليس اﻻطفال وكﻻم فاضي
بإختصار هم مثل الشعراء يقولون ماﻻ يفعلون😊
يبون يعوضون أشياء افتقدوها وماحصلت يعني تجديد شباب😎
عدل بينكم ؟
بكل أسف ﻻ
إستنادآ على اﻻيه الكريمه( ولن تعدلوا)
سبحان الله وكأنه ﻻتوجد آيه أخرى وهي
( اعدلوا هو أقرب للتقوى)

هل فعلا الرجل اللي مرتاح مع زوجته الاولى يقدر يحب الزوجة الثانية بنفس المقدار ؟
نعم
لو ترد الايام تقبلي فيه؟
نعم ولكن ياليت هو يكون أعزب😄

هل فعلا الزوجة الثانية ما تقبل بالثالثة وليش ؟
بصراحه قبولي ورفضي اعتقد لن يعني له شيء، ولكن لو كان مقصر اساسا
وكمان يتزوج ياسﻻاااام حوريه نجوم الليل بعز الظهر
مو من حقه أبد بعضهم حدهم ثنتين كمان ينطون للثالثه ممماينفع😈
ولكن لو علي لن أرفض مو من حقي الرفض ف ليييش اتعب نفسي
الحياه مو مستاهله نكد
وهوا أن قصر عذاب الله ينتظره وبيﻻقي ظلمه يتبعه في الدنيا. .

ما شاء الله عليك يا بائعة .. اجابات واقعية
الله يوفقك ويخليه يعدل بينكم بس ياليت تفسري لي
ايش هي المبررات اللي في الزوجة الاولى
خلينا نستفيد؟
بصراحة حصل زوجك الشي اللي افتقده ؟

__________________

سؤالي للزوجة الوحيدة :
تقبلي بالتعدد ؟
لا
اذا جاب طاريه .. شنو ردة فعلك؟

اقول له الله يقويك، لكن بداخلي اشعر بالظلم والقهر وانا التي ضاع عمري صبرا وانتظارا للفرج معه فاذا به يبحث عن سعادته بعيد عني

تحسي بالامان تجاة زوجك ؟

ابدا

موقفك الافتراضي فيما اذا عدد ؟

سيكون اب لاولادي فقط طالما انا مستفيدة من ذلك الوضع.. ومتى شعرت بالحاجة والرغبة في الزواج ساطلب منه طلاقي

عذرا ..للمشرفين اللي عدلو في العنوان
ارجو تعديل العنوان املائيا
تساؤلات حول التعدد
والسؤال ليس فقط للمعددين
فارجو عدم التخصيص
واشكركم على الاهتمام

__________________

آمين اشكرك على الدعاء الطيب ياقلبي
المبررات اللي في الزوجه طبعآ تختلف حسب حاجة الزوج
أو حسب مايريد ولم يكون فيها أو في طباعها. .
مستحيل يكون سبب واحد لجميع المعددين
لذا هنا باﻻخص ستدخلين في متاهات تحيرك أكثر

وعن سؤالك الثاني
نعم الحمدلله 😊
أﻻ أن يخترع له حاجه ثانيه ويقول أبيها ويدور عالثالثه هههههههه يعني طمع

التعدد عند الرجل فطره من الله عليها قبل أن يكون شرعاً

وأغلب الرجال يرغب بالتعدد ولا يمنعه الا المادة أو الخوف او الإثنين معا

والا لو وجد أغلب الرجال فرصة لعدد سواء بسبب أو بغير سبب

ردك غريب اختي
خاصه وانتي كنتي مطلقه
يعني اول كنا نلوم المجتمع ونلوم الرجل اللي ينظر للمطلقه بنظرة نقص لان ممكن يكون العيب مو منها ممكن يكون العيب من الرجل ومالها ذنب
وانتي بردك مابعدتي كثير عنهم
بس عكستي الموضوع طيب ممكن يكون العيب مو منه ممكن من زوجته

على العموم
بالنسبه لسؤالك اختي
الاصل هو التعدد اختي
اما اللي يخلي الرجل يعدد فـ هذا له عدت اسباب وكل واحد له اسبابه
مثلا بعضهم يبي عيال وبعضهم مو مرتاح مع زوجته وبعضهم مو مرتاح بالفراش وبعضهم تأديب والاسباب كثيره