استهتار واستنقاص الناس لتصرفاتي - منتدى عالم الأسرة والمجتمع

24-11-2014, 03:43 AM

عضو جديد

تاريخ التسجيل: Nov 2014

المشاركات: 14

استهتار واستنقاص الناس لتصرفاتي

انا توي مسجله لكن متابعه لكم من زمااان احب هالمنتدى والروح والمشاركه اللي تجمع الاعضاء هنا والله ماسجلت الا لثقتي اني بكون وسط اهلي الثانيين

مشكلتي غريبه شووي وانا نفسي مو فاهمه بالضبط ليه انا كذا؟
ماعلينا
عمري 29 سنه فيني شي مو قادره اسميه لكم , مو قادره اوصفه , مو عارفه شلوون اوصل لكم وصفه لكن بحاول افهمكم واقرب لكم الصوره

الحين لما انسان يكون محترم وبحاله ويجي احد يغلط عليه المفروض الانسان المحترم يكون صاحب الموقف الاقوى وهو اللي له الحق صح ولالا؟
طيب انا عشت حياتي 29 سنه مثلي مثل غيري ياما وياما انقط علي كلام وياما انوخذ حقي وياما حارشوني ناس وياما وياما وياما ((حالي حال هالبشر اللي محد سلم من احد))
نجي للشي الغريب العجيب فيني وابيكم تركزون الله يرضى عليكم

لما اجـي اخذ حقي وادافع عن نفسي ردة فعل اللي قدامي تكون استهتااااااااااار فيني !!
ردات فعلي عاللي يغلط علي مختلفه: جربت الطناااش - جربت الرد مزحه بردحه- جربت الرد بملامح غاضبه ونص عين -جربت الرد بقوووه وحده وغضب- وفي مره كـــدت ان امد يدي لاضرب انسانه تجاوزت كل حدود الوقاحه وكان الكل واقف بصفي واعترفو بوقاحتها علي تحسبونها خافت يوم شافتني ابي اضربها؟؟؟؟؟؟؟ لاوالله الا صارت تشتم وتسب وتضححححك بسخريه!!
للعلم ملامحي حااااااده وشكلي يوحي بالعصبيه ومع ذلك محد يشيل هم لما يحارشني ! الكل يستجرأ بكل قوووووه وشجاعه وبرووووووود وبساطه!
اذكر خادمة بيت عمي قلتلها حطي الكاسات بالصحن(لان صاحبة البيت طلبت مني الاشراف على الخادمه) قامت ردت علي قدام الحريم !!!!! قلتللها لاتراددي لاتشوفي شي بعدين قامت الخدامه صرررررخت بأعلي صوت(وبلهجتها المكسره) قالت لااااااااا وريني ايش بتسوي و شوفي ايش انا يسوي في انتي ! حتى الخدامه مستهونه فيني وربي انها قربت مني بغت تضربني وانا مذهوله وين هيبتي ؟ وانا رسميييييييييييه معاها كلامي معها السلام عليكم وعليكم السلام يشهد ربي حتى شلونك ما اقولها .
واذكر بالكليه كانت فييه وحده كانو كل صديقاتي يقولولي تراها كلما تمرين عينها عليك بشكل ملفت والكل ملاحظه وقفيها عند حدها ,المهم راقبت البنت لقيتها لاتعرفني ولا اعرفها بس تحط عينها بعيني بقوووووه وبجرأه وبيوم قلتلها وش فيك تناظرين؟ قالت نعم ؟؟ قلتلها ليه تناظريني لك فتره وانا مراقبتك ؟ صرررخت وقامت ترفع يدينها وتشوح قالت على وشو اناظر فيكي روحي ضفي وجهك انقلعي ما ناظرت فيكي مييييييييين انتي اناظر فيكي ؟؟؟؟!! قعدنا نتهاوش ولما انتهى الهواش صديقاتي قالولي انتي اللي معاك الحق مليون بالميه وهي الغلطانه !!! وشهدو كل صديقاتي انها غلطانه وانها ماتشيل عينها عني وبوقاحه!
مواقف كثيييييييييييييره يوم يكون الحق معي وابي اخذ حقي اللي قدامي يتهجم ومايحسب لي اي حساب !!
اذكر مره وحده بالسوق قسم المطاعم بالغلط كبت العصير على عبايتي قلتلها انتبهي وش فيك؟ قامت طووووووووولت لسانها علي 3 امتار وسبتني بعد بأعلي صوت ! هذه وهي اللي غلطانه ياناس!
ومره صارلي موقف جلست 6 شهور كامله مكتئبه ,, متصورين؟؟؟؟؟ مع انه مو اول موقف لكنه غريب لابعد درجه
حضرت زواج وجلست على الطاوله مع صديقاتي وكانت فيه بنت بالطاوله بنفس عمري وجميله جدا جدا جدا (يعني مافي مجال لانها تكون غايره مني) وكانت اول مره نتقابل وسبحان الله البنت استلمتني استلاااااااام عجيب جميع من في الطاوله لاحظ 2 من اللي عالطاوله قالولي مع انكم اول مره تشوفون بعض بس شكلها حاقده عليك كأنها تعرفك من سنين ! مستغربين وش هالحقد وهم اللي عرفونا على بعض من شوي!!
البنت نظراتها لي حقققققققد تناظرني من فوق لتحت وشوي ترمي علي كلام على اطباعي وتقول شكلك انعزاليه وشكلك نوامه وشكلك تقومين بدري وشكلك ماتحبين تطلعين من البيت وشكلك وشكلك !! طيب انتي من وين تعرفيني اصلا عشان تحكمين على اطباعي! من الحقد جالسه تلصق فيني صفات من راسها بس المهم ترمي كلام
تعاملت معها بنظرات حااااااااااااااده تخوف نظراتي لها (تحسبونها خافت ؟ والله البنت مو معبره وجالسه ترد لي النظرات وحده بوحده ولا همها) !!

وربي وربي وربي مابغيت امللكم بس عندي مواقف كثر شعر راسي ,وكلها انا ادافع عن نفسي وموقفي صح ,وردات فعلي مو وحده تختلف جدا لكن القى اللي قدامي مستهتر فينــــــــــــــي ولا خايف ولا همه ,لا واغلبهم راددوني وطولو السنتهم علي الله المستعان بسسس

تعبت تعبت تعبت تعببببببت
والله ثم والله تعبتتتتتتتتت

اسم حالتي ووصف حالتي ماقدرت اوصله لكم اكثر من اللي قلته فوووووووق بصراحه مو فاهمه وش وضعي هذا ؟
اخيرا: عشمـــــــــي فيكم كبيييييييييييييييييييييييييييييير بعد الله انكم تفهموني ليه يصير معي كذا ؟انا وش فيني
و وش الحـــــــــــــــــــــــــــــل بنظرركم ؟؟
تكفووووووووون تكفوووووووووووون ماسجلت الا عشان اعرض هالمشكله (ربي يبعد عني وعنكم هموم الدنيا وكدرها)
ملاحظه: اتقبل وجهات النظر مهما كانت

بانتظاركم : اختكم المهمومه

تم تعديل العنوان ليتناسب مع المضمون

التعديل الأخير تم بواسطة رائحة البخور ; 24-11-2014 الساعة 03:53 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه