طيب ي اخواني شوفولي حل جزاكم الله خير

زي ما تعرفوا جالسة عند امي وابي الحقيقين ( خالتي وزوجها) 5 ايام في الاسبوع وارد للي ربوني يومين

حالتي لا استقرار لا امان .... والله ي اخواني الضيقه سوت سواياها ...
حالة بيت الي انجبوني ( جهنم حمره ) وربي انها ما كانها ام ... بالرغم اني ما حسبتها بيوم انها امي ...
وزوجها الي ما كانه والد ...
ناس خاانقه وناكده وناشبه بحلق الواحد ...حسبي الله ونعم الوكيل
وربي اني كل ما اتذكرهم اكره حياتي بطولها واحمد ربي اني ماعشت ممعاهم

طيب ماعلينا
تحملت 3 اشهر ونص الشهر الرابع عفا الله وجات الاجازة وقلت ي السلام فكه ان ضعتيها ضاع عمرك ...
حملت الشنطة ومارديت لهم للساعه
كلمت اهلي الي ربوني اني خلاص مابي اجلس عند ذولاك الناس وعفى الله علينا وعليهم
--ليش بس ....؟
والله مانيب مرتاحه وما ساعدني الحال معاهم ....
--طيب ؟
خلاص اذا مانسبكم الوضع ارد عندهم ...
--لالا الي يناسبك ان شاء الله يكون

وبدات الحروب الى ما حسبتها
الحرمة ما بطلت اتصالات وليش وشلون وش به بيتي حتى تهرب منه بنتكم وتهج منه .... وكل هذا بسبب اني قلتلها كذا وسويت كذا بس مايستاهل ...... (المهم انها بدات تطلع عيوبها عند اهلي وانا والله ما حكيت عليها او حتى شلت منها) وهي ماتفهم وتحلف في امي وش قالتلك بس ووالدتي تحلف والله انها ما تكلمت وماشتكت
.

المشكله الي نتجت اخاف يتدخل الرجال وتنشب فتنه بينهم
يكفي اني احاول اطيب خاطر امي مع ختها وماتشيل عليها بسبب الكلام الي تسمعه لها ....

الي ابيه اللحين استقرار ي اخواني استقرار وراحة راس
خلاص ماابي اتخلى عن راحتي في سبيل احد وما ابي اكدر خاطري او اتضايق ...
هذا حقي ابي اعيش مرتاحه ...
بس ماادري ليه ناشبه لي وكاني مزهريه عندها تحطها وين تبي هي .... والله استغرب منها واقول ربي يعافيني من العقوق بس شكلي كحلتها وراح ازيد لها .... ليتها بس تتركني بحالي وتتمنى لي الي يساعد