السلام عليكم ورحمة الله وبركاته
زمان نفسي افضفض لأي احد كان وبسراحة مافي مساحه اقدر اتكلم فيها الاهنا:
يعني لو قلت شعوري لأي احد قال دلع ومدري ايش
وانا شعوري والله ماجاء من فراغ ابد ابد ابد
خلال الثلاث السنين من زواجي كنت اكافح علشان الحب كان تفكيري ايش اسوي لزوجي علشان اسعده
كل بين فتره وفتره اجيب له هدايا وكنت مبسوطه جداً بأهتمامي لزوجي
لدرجه حتى اخواتي لاحظو هذا الشي فيني وبدأو يتريقو علي << انا طبعاً مأسمع لهم لاني اشوف ان هذا شي طبع فيني واحب هذا الشي ومبسوطه فيه
ومع ذلك كنت ادور المقابل من زوجي مالقيت منه اي تفاعل
حاولت انه يتفاعل معي ويحبني مثل مأحبه لكن طريقته هو في الحب تختلف جداً عني
مأنكر هو طيب وحبيب ولا يرفض لي طلب وحتى مايزعل اذا اخطيت واذا زعل رضى بسرعه
لكن انا مو راضيه فيه من ناحيه اهتمامه فيني
من هنا بدت المشاكل بينا
انا اهتم فيه بدرجه كبيره جداً جداً جداً
لو ادفع مبالغ حتى اسعدة دفعت ماعندي مشكله هو كان محور اهتمامي وحبي وكلللللل شي
وانا بالنسبه له شي عادي مع اني متأكده يحبني كثيييييير
بس مايعرف يعبر ولايعرف يهتم
واحلامي بدت تتلاشى
وكل يوم اهتمامي فيه بداء يقل وبقرارات نفسي لو فكرت اسعد زوجي اقول هو مايستاهل هذا الاهتمام
الى ان جاء هذا اليوم الي اصبحت ابحث عن اشياء تقهر زوجي
افكر كيف ينقهر ! كيف انزفزه ! يمكن تعتبرونه جنون بس مدري هذا الي انا ابحث عنه
ابي ينقهر مثل ماقهرني ابي يجرب الجفاء مثل ماهو صار جاف معي
بس تعبت انا من هذا التفكير ابي اعيش حياه حلوه ماقدرت
حياتي الان مدري ايش اقول احس انها راح تنهار يوم من الايام
لاني مو مرتاحه ابداً وخايفه كثير من المستقبل .

__________________

اهلاً وسهلا اختي بسمه 111

ممكن افضفض لك انتي والاخوات بخصوص ساعدني؟

انا مشكلتي في ساعدني :

1- لايوجد عندي وقت كافي للتفكير وحل المشكلة

2- طريقة سرد الاخوات (السرد النسائي )
لم استطيع استيعابه

لو تلاحظي اغلب المواضيع التي اعتذرت عنها

تكون مكتوبه بشكل سرد (وهذه طبيعتكم ولا احد يلومكم)

بس انا والله مااقدر استوعب السرد

لازم يكون بشكل نقاط ومرتب عشان افهمه.

3- انا لست مؤهلاً لحل المشاكل الزوجيه

وانما ممكن افكر معكم بصوت مسموع باللي اعرفه.

4- انخراطي معكم يستلزم مني اكون متفهم ومتعاطف معكن

وهذا يؤثر في نفسيتي

لأني اتطبع باطباعكم من غير ماادري

وذلك بحكم تقمصي لها.


فإن حبيتي انتي او غيرك انكم تفضفضون

اوكيه ماعندي مشكلة اسمع لكم

ولكن

لاتتوقعي مني حل

وانما الحل يكمن فيكي

وانا احاول مساعدتك على استخراجه



الخلاصه :

فضفضي وان استطعتي ترتبي افكارك اكون لكي من الشاكرين

( ضعي سطرين فاضيه بين فقرة وفقرة

- ضعي سطر فاضي بين كل سطر

- استخدمي الفواصل

- استخدمي الترقيم )

وشاكر لكي سماع فضفضتي

جزاك الله خير اخي في الله .
_ تعرف ليه وضعت موضوعي في قسم ساعدني لان زوجي كل بين فتره وفتره يتفرج على المنتدى وقسم المتزوجين اكثر شي يتابعه وانا مو حابه يقراء مشاركاتي هنا .

_ واحياناً انا اتجنب بعض التفاصيل عن حياتي حتى مايصير مشاكل بينا .
_ومعرفي السابق غيرته حتى مايعرفني بمعرفي الجديد .

اوك ان شاء الله لي عوده افضفض لاني صحيح ماذكرت كل التفاصيل جزيت خيراً

__________________

خلصت الفضفضه؟

اسفة كل يوم اسجل دخول علشان اكتب هنا
وفعلاً اكتب ثم اتراجع واحذف كل ماكتبته
_ ولاعندي سبب غير اني عاجزه عن التعبير ، او خايفه اتكلم وافضفض .

جزاك الله خير على حرصك لو جاء يوم وانضغطت فيه راح اجي هناان شاء الله و افضفض

__________________

عندي اقتراح لكي

كل يوم تدخلين فيه لازم تمري هنا وتكتبي اي شيء

أي شيء

ولو سطرين

فكرة ممتازه

__________________

حالياً الحمدلله اشوف نفسي مستقره نفسيا مع ان روتيني اليومي جداً ممل :
_انا غير موظفة ولا عندي اطفال
زوجي كل يوم من الصباح يطلع لدوام ويرجع يتغداء ومن ثم يطلع يكمل اشغاله الثانيه ومايرجع غير وقت النوم
يعني مأشوفه ابد ابد
وفي الويك اند الخميس عند اهلي والجمعه عند اهله
تبقى بس يوم السبت يفضى فيه واحيانا يطلع مع الشباب سهر ومباريات ..... الى اخ
^^^
هذه يومي طوال الاسبوع

_اذا جلست في البيت ادلع نفسي وادلع البيت ارتبه وابخره واولع الشموع .....
اعمل لي قهوه واتفرج على التلفزيون وهكذا حتى استمتع بوقتي
وادخل هنا اتصفح المنتدى احس بمتعه ووقتي يمشي لما اقرى مشاركات الاعضاء ........ وهكذا

لكن احيانا اصحى الظهر احس اني كرهت البيت من كثر مأنا جالسه فيه لوحدي مافي حياه مافي ازعاج مافي شي ممتع ابداً
في ايام صدق مااتحمل الجلسه في البيت والاهمال الفضيع من زوجي ازعل منه وهو يقدر هذا الشي لكن مايحاول يغير من نفسه ويطلبني اتحمله شوي
واقدر ظروفه .
(عارفة مافي حل للمشكله هذه ابد غير اني اتحمل الحياه لين يفرجها ربي علينا )

__________________

وماذا ايضاً

منتظرك اختي

عشان نبدأ نفصفص الامور على قد مانقدر