الحين الي يطلق زوجته وعنده عيال
لازم يسأل عنهم ويتواصل مع ام عياله
والا مو مهم واهم شيء النفقه
الحين لي فتره وابو طفلي مايسئل عنه
ولا فكر يشوفه ماقصر بنفقته يرسل له كل شهر من لمن
انفصلنا
بس هالولد لمن اطالعه يتقطع قلبي
واشيل همه بكل شيء
نذرت عمري ومابقى من حياتي له
وحرمت جنس الرجال علي علشان مايضيع
وتجي عمه ماتخاف الله فيه وتاذيه
بس كيف بيعيش بدون اب
ودي الي مطلقه وعندها اولاد تواسيني
بكره ايش اقوله اذا كبر لان من الواضح ابوه ماراح يلتفت له
وهل فيه شيء من المفروض اسويه
مثلاً احنن قلب ابوه عليه ارسل له صوره
شورو علي وانصحوني جزاكم الله خير .





تم تغيير العنوان ليتناسب مع المضمون

هلا عبير ..
الله يحفظ لك ابنك وتشوفين ما تقر عينك فيه , أنا شخصيا لما كانوا أولادي صغار كنت أتواصل مع ابوهم عشانهم يعني مثلا لما تطيح البنت أرسل له رسالة تعال ودها المستشفى , أكلمه يزيد المصروف , لما يزورونه ويرجعون وفيه شي ناقص لو بسيط , أرسل له ..

مع إن ابوهم مو ساكن بنفس المدينة , بس لما يزور .. أي شي يقوي علاقة الأولاد مع والدهم ما أتردد فيه ,
وأقوي علاقتهم بأهل أبوهم , كنت دائما أوديهم يزورون جدتهم وعماتهم حتى لو ما طلبوا ..

ابذلي الي تقدرين عليه عشان ما تنقطع العلاقة ..
لان الي يغيب عن العين يغيب عن البال ,

وحطي ببالك إنك تسوين كذا عشان هذا هو الصح والا الحافظ هو الله , وكلي أمر ابنك لله ولا تشعري للحظة كونك حرمتي نفسك من الزواج معناه ان ابني سيكون مهتديا صالحا .. وكلي أمرك لله وكلي أمرك لله وكلي أمرك لله .

تسلمين حبيبتي
انا راغبه اتواصل علشان الولد
بس مع مين
ابوه سوى حظر علشان يريح راسه
وعمته زوجة ابوه اذتني بكلامها وتجرحني بطريقه غير مباشره
فطلبت منها عدم التواصل لابخير ولا شر
عماته وجدته ولا رفعوا السماعه ولا ارسلوا حتى
ناس غريبه الله المستعان وكل واحد لاهي ببيته وعياله مو فاضين
قفلوا كل الطرق الي توصل لهم
فكرت اغير رقمي بس قلت لا ان شاء الله تحن قلوبهم ويسألون لو بالشهر مره
بس ولا احد يمي
حرمت الزواج على نفسي مع ان عمري 27
لاني ذقت الذل والهوان من الرجال معاد اقدر اغامر او اثق
الحمد لله على كل حال

لا تتواصلين معاه.. لان زوجته ماراح ترضى ويجيك بعدين كلام انت في غنى عنه
وزوجته ارتكيها معروف الغيرة لاعبه في حسبتها
واذا ما جا ابوه من نفسه وتغير مع ولده محد يقدر يغيره..
ربي ولدك وياكثر اللي عاشوا بدون آباء وحياتهم احلى حياة..

كم عمر ابنك ؟

عمر طفلي سنتين

لا تتواصلين وولدك بالحفظ والصون
ما بحتاج الطليقه تعلم طليقها عن ولده
اذا هو يخاف الله بيجي ويشوفه
غيره منتي على ذمته تعلمينه
استودعيه الله
والله يهدي ابوه له
ولا تحرمين جنس الرجال
يمكن يجيك واحد خيره لطفلك ويعوضه عن حنان الاب
والحمدلله ولدك بحضنك بعضهم ياخذ منها اولادها
وفقك الله

ماحب ولده
لانه ما حبك!!
كلامي قاسي بس هذي الحقيقة
عشان كذا ما رح يدوره ولا يسال عنه
فلا ترهقين نفسك
وتفكرين فيه
فيه رب يحاسبه
اهم شي ولدك اهتمي فيه

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

اصيله والله يا اختي
الله يتمم علييج ويوفقج

هلا اختي
كم صارلكم منفصلين؟
من طلب الطلاق ؟
اشكثر صارلكم منفصلين ؟

انا في بداية طلاقي تعبت نفسيا وقطعت حتى عن الاولاد بعدين الحمدلله علاقتي معاهم صارت قويه جدا