السلام عليكم ورحمة الله وبركاته
عسى ربي يوفق كل من شارك ويشارك فهالمنتدى الراقي لانه اول شيئ جاء ببالي انكم تساعدوني
انا يتيمة الاب والام وماعندي خوات
اعيش عند جدتي من ابوي وكانت تبغى تزوجني قبل تنام عينها(بعد عمر طويل) وانا عادي متهيأه نفسيا اني اكون زوجة وربة بيت تزوجت من سنتين وداخله بثالث سنه وزوجي انسان طيب معاي وحنون وحاطني بعيونه ومدلعني وكل يوم احط راسي على الوساده احمد ربي انه رزقني بهالانسان وكانوا الكل معارضين زواجي الا جدتي لانه مطلق وكنت جدا مقتنعه بسبب طلاقه ومصدقته المهم عنده6 اخوان3 وخوات وطبع ابو زوجي باني لهم فيله كبيره ووكل واحد له جناح والي يجيب عيال ويبي يطلع اوك بس الي مايجيب مايطلع عشان يجمع فلوس ويشتري بيت وانا مبسوطة على ذا الشيئ يعني نجتمع انا وحمواتي والبنات وكذا بس المشكله انا وزوجي حياتنا متوتره على موضوع اللبس
زوجي يخاف على مشاعر ابوه لان ابوه يتضايق من سالفه اللبس طيب بيتي ابي ارتاح فيه خانقني ابوه جالس ع قلبي
كل لبسي فساتين طويل بجايم ساتره لاتقولون البسي بجناحك مو معقوله كل ماجيت انزل لبست لبس ثاني
وكل ماجيت انزل لازم يكشف على لبسي اذا ضيق او شفاف او قصير يرجعني قرفت منهم
واذا شغلت اغاني عصب انتي ماتحترمين ابوي لازم كل اخواني يعرفون انك ترقصبن طيب برقص لك يقول اذا طلعنا ببيت لحالنا حطي ديسكو مو بس ارقصي
وحمواتي يلبسون الي يبون اما هو لا يقول ماعليك منهم
وقلت له صريحة بحمل عشان اطلع قال دامك تدرسين مافيه حمل
مره هالموضوع مقلقنا يعني تخيلو اذا مثلا ابي اسوي لي وجبة ليلية لازم اكلم خوات زوجي اذا فيه احد بطريقي او لا او اذا كان زوجي لسه ماصعد اقوله ولازم اغير لبسي عشان لو احد شافتي يشوفني ساتره واذا دخلت او طلعت يقول زوجي تخبي وراي عشان ابوي مايشوف عبايتك لاني انا مارضيت عنها بس عشان خاطرك وهو راضي بس يناقض نفسه عشان ابوه
وصار متوتر اغلب الوقت حتى بعلاقتنا الخاصه متوتر .................................
اذا لبست بجناحنايقول انتبهى لاتطلعين برا اخاف احد اخواني يشوفك وانتي كذا وقبل مايطلع يقول لاتنزلين وانتي حاطه مكياج البسي قبل لاطلع عشان اشوفك وانا اتنرفززز صايره ماتحمل صراحه