ابني وعَصبِيّته.. - منتدى عالم الأسرة والمجتمع

20-04-2015, 01:27 PM

الإشراقة!

عضو مثالي

تاريخ التسجيل: Nov 2014

المشاركات: 4,034

ابني وعَصبِيّته..

ابني ذو السَبع سنوات الله يصلحه أعاني كثيييير معه بسبب عصبيّته وعِناده

عصبّيته شي فوق الطبيعي يعني من النوع اللي يمسك اي شي أمامه بدون أي تفكير ويكسّر..

لمّا كان عمره تقريباً 4 سنوات، مسك لعبة امامه بسبب انه شي بسيط زعّله ورماها على بنت اختي وصارت تنزف ووديناها الطّواريء 2 صباحاً

قبل سنة كنّا برة المملكة طلعت مع جارتي نلعبهم وهو بيلعب، الا ولد الجيران قال له :إنت بيبي" عصّب وصار يصّرخ ورمى عليه القلم دخل في عينه !

من المواقف ايضاً،

مرة كان يتفرّج تلفزيون واخته غيّرت القناة بالغلط، راح المطبخ جاب ملعقة حديد كبيرة وضربها على إذنها البنت كانت حتموت قعدت اسبوعين منتفخة ولونها أزرق !

من مواقفه في العناد:

يستفزّني يومياً في دراسته ولا يرضى يحّل واجباته وصرت اطنشه
واقول له انت الخسران،
ولا همه يرد يقول لي: أحسن عادي أصلا ً

صاير لما يزعل يقول كلام شِرك يدري اني بزعل وانا اسوي نفسي مو سامعته وأكون مقهورة

تعبت أسايِس فيه وأداريه وأشجعه وأشرح له

جيته بكل الأساليب يهدأ شوي ويرجع

يموت خوف من ابوه في وجوده،

بسبب انه ابوه يضربه ويصرخ عليه بقوة

وانا ما أقدر كل مرة اشتكي لابوه لانه متهور وعلى طول يضرب ويجرحه في الكلام واقعد بعدها نفسيتي تعبانة...

أمس كلمتني معلمته تقولي مو راضي يسوي المشروع حق المادة ويقولها "ما أهتم مو لازم انجح بابا عنده فلوس كثير يعطيني" !

اليوم وهو خارج المدرسة قلت له انت حبيبي ورجال وذكي لازم تكون محترم مع الناس عشان يحبوك وربي يحبك كمان

الا يقول لي : who cares" !

مدري انا ماشوف ولدي طبيعي على قد حنيته بس عصبيته واستفزازه متعبتني مرة

أزعل من نفسي كل يوم أقول ما راح أضربه بس خلاص اتعب وأضرب في النهاية وبعدها يعذبني ضميري وأحس بالفشَل

ايش ممكن أعمل؟

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 11:17 AM.

روابط سريعه