السلام عليكم
صراحه مدري من وين أبدا ضايعه مدري شنو اكتب
امي عقلها مو متوازن وانا وحيدة امي
طبعا امي لان عقلها مو متوازن اهي ماربتني . سكنت عند خالتي واهي تكفلت بتعليمي
ودفعت لي كل شي طبعا خالتي موظفه و ارملة وعندها بنت بس عاملتني مثل بنتها ماعمري حسيت بتفرقه
ابوي ماسأل عني ومايدفع لي ولاريال ولا ل امي
امي ساكنه ب شقه ع حساب اهلي مايعطيها ولا رياااااال ولاشي حتى العزبه يجيب لها اشياء منتهيه
السالفه الحين اني انا الحمدالله متزوجه وعندي 3 بنات .. وامي مرضت تخيلو حتى مستشفى ابوي مايوديها .. انا تعبت عندي 3 بنات ويالله القى احد اخليهم عنده رايحه جايه ع المستشفيات
المهم الحين حالتها تمام .. بس قلبي معورني امي صارت تحرجني بكل مكان لدرجة رحنا فاتحه وحدة متوفيه من الاهل امي ماسكه كيس وجالسه تشيل العصيرات و والماي والاغراض الثانيه فشلتني قدام العالم لما دخلت المستشفى وتنومت وجيت اطلعها شفتها رايحه عند الزباله تدور كيس قلت لها اصبري انا اجيب لك كيس قالت بشيل اغررراضي وشنو هالاغراض كلهم عصيرات وماي من المستشفى مجمعتهم وخلتني اشيلهم والله والله ظهري صار له ثلاث ايام يعورني ثقاااااااااااااال احسها ماتحبني وماتفكر فيني
تخيلو قبل مانركب السياره قلت لها زين كذا عورني ظهري خليتني اشيل اشياء ثقال وش تبين فيهم انا اشتريلك غيرهم تخيلو عصبت وركبنا السياره وفشللللللتني مع زوجي جلست تهلوس وتتكلم وتقول لي انتي يالهذاره بما انك ماتبين تشيلينهم كان خليتني اشيلهم ومن هالكلام طبعا زوجي منصدم
صراحه انا خايفه من تصرفات امي يكرهني زوجي ويتغير علي
ومو بس كذا اهي تكرهه خالتي اللي ربتني وتكفلت ب كل مصاريفي وكل ماقولها شي قالت من خالتك
جبتها مره معي البيت قلت حرام تجلس لحالها تخيلو جلست تتهاوش مع بناتي وتضربهم !؟؟؟
اكيد بتقولون ليه امي ماتطلقت من ابوي ! لانها تحبه تعشششششقه .. واهو ماطلقها لانه ينتظرها تموت عشان الورث .: والله جد دايم يقولها كم مليون عندك ؟!
ذاك اليوم كانت بتموت من التعب عندها مشاكل بالقلب طلع وتركها وبعدين اتصلت علي ووديتها المستشفى
حالياا صارت ماتعرف من اللي قدامها ولاجلست مع الحريم تقعد تخربط وتتكلم وتقول اشياء تفشل مالهم داعي
حتى في وحده جات قالت لي يقولون ان امك صارت تهلوس وماتدري عن نفسها
صارو الناس يطالعوني بنظرة غيييير .. واذا شافتني وحده وسألت من هذي وقالو بنت فلانه تنصدم وتقعد تطالع فيني اكثرررر وفوق كذا بعد عمر طويل الله يطول بعمرها خايفه من الايام الجايه لاتوفت امي .. بيجي لي ابوي يبي ورث والله يعين
ابي ارتااااااااح ابي اعيش حياتي بسلاااااام وسعيدددددده
تعبت تعبت تعبت 😭..


تم تعديل العنوان ليتناسب مع المضمون

وش مرض امك
وهل تعاني من الفقر

ماتعاني من الفقر انا اعطيها فلوس واشتري لها كل شي تحتاجه
عندها مشاكل بالقلب

بس اهي من اول يعني عقلها مو متوازن
والحين زادت
عطوني تحويله لها ع النفسيه بس عيت توافق رافضه هالشي

حزنت عليها بصراحه

لو هي امي كان شلتها شيل وماخليتها لحالها

وكلام الناس ارميه ورى ظهري

ومارح اخاف اذا زوجي يكرهني او لا بسبب تصرفاتها

وبعدين اسلوبك غلط يا اختي كيف تتفشلي من امك وتقولي فشلتني

ادعي لها بالشفاء

اما ابوك بصراحه ظالم لامك مو بعيده هو السبب بالحالة اللي فيها

ربي يشفيها ويعينها

رايي خليك مع امك وحاولي تشوفين لها علاج حتى لو تجيبي الطبيب للبيت مو لازم هي تطلع

الله يجمع لها بين الاجر والعافية
لا وصيك فيها يا اختي اصبري وثابري
علي خدمتها فاهي باب من بيبان الجنة
وخالتك الي ربتك لاتنسين زيارتها وتواصل معها
فاالخالة مقام الام ولها فضل عليك بعد الله

__________________
سبحان الله وبحمده سبحان الله العظيم

يعيني و بر الوالدين طريق الى الجنة انتي عارفي مشكلة امك و انو عندها مشكلي كيف بطالبي بحقوق
هي ما بتعرف تعطيكي يها
مشكلتك بصبر على والدتك و رحمة فيها
هي الي محتاجتك انتي بتعاني انك ما عندك ام تحن عليكي و وتشعرك انو هي الي بتشيل همك
بنسبي لا ناس انتي بتعتقدي انك لازم تقنعيهم و تجعليهم هم السعداء في نظرتهم الك
الناس ما بتكل و لا بتمل في بحث عن السلبيات هيك طبع البشر
انتي اصبري على والدتك مكفي انها نحرمت من الدنيا و هي نحرمت من انها تشعر انو عندها بنت و بتحبها
القصة انها ما بدها تبهدلك ولا بدها تفضحك متل ما انتي متصوري بعض المواقف الي بتعتبريها شيء مؤسف
امك مريضة و تصرفها خصب عنها و عايشة هيك
اسئل الله ان يشفي لك والدتك و ان يرحم ضعفك
انا بنصحك تغيري تفكيرك في خوفك من انك تخسري حد او انو تتغير نظرة حد تجاهك بسبب امك
بلعكس اعملي فكر جديد لكل يزعل و احاول انو تكون امي سعيدة
ربنا معاكي
بس اختي امك مريضة و مش ذنب و لا عذر انا نلومها في تصرفتها
لو انسانة كاملة بنقول ليش و بنوجد حلول
ربنا يجزيكي خير و فجري رغبتك في بناتك و اولدك
ربنا يعوضك خير فيهم يحنو عليكي و يرحموكي على كبر

بس حبيت أقولك إنتي أم 3 بنات ربي يخليهم لك اللي تبغين تشوفينه من بناتك بكرة لا كبرتي سويه لأمك الآن لأن بر الوالدين دين مردود ..

اهتمي بأمك وبريها وجاهدي نفسك وحاولي ما تتذمري من تصرفاتها لا تصيري إنتي والزمن عليها، مسكينة مالها حيلة ابتلائين في جسد واحد مرض عضوي ونفسي .. بالنسبة لمواعيدها جيبيلك خدامة حتى لو من فلوسها دام تقولي عندها خير منها تساعدك ومنها تنتبه لبناتك يوم تروحي بأمك للمستشفى ..

آممم لا تسمحي لأحد يجيب في سيرة أمك ما أعتقد هي سوت عار تنلام عليه تصرفاتها خارجة عن إرادتها .. خلك أسد لا قالت وحدة كلمة بحق أمك ادخلي في عينها خليها يوم تشوفك ماعاد تفتح فمها قدامك إلا للأكل .. بعض الناس قليلين حيا ماينفع معاهم الإستضعاف ..

زوجك يفترض من قبل لا يخطبك عنده علم عن حالة أمك ولو هو شخص يخاف الله ماراح يكرهك بسبب أمك اللي فيها لا هو ذنبك ولا ذنبها ..

الزبدة إذا تبغين التوفيق بحياتك هالله هالله بأمك ترى مالها غيرك بهالدنيا لا تخذلينها ..

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

الاعضاء ماقصرو في النصيحه لكن ابوك كم له معلق أمك ؟.

روحو المحكمه وطلقوها منه غصب وجيبو ناس يشهدو انه مايصرف عليها ومعلقها ....


ولا تستحي من أمك عادي قولي للي يحرجك ادعولها بالشفاء حتى زوجك اذا عرف انها مريضه مارح ينصدم من تصرفاتها

الله يرزقك برها ويلطف بها..

ما يهمك كلام الناس ولا تتفشلي ولا شي، هذي أمك حطيها بعيونك..
أفتخري فيها وما عليك من أحد، كلام الناس لا يودي ولا يجيب..

أصبري عليها وتحمليها بما أنها مريضة..
وربي إن شاء الله راح يعوضك في بناتك

الله يجبر بخاطرك

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

أستغفر الله تتفشلين من أمك وهي مريضة!!
حطي حالك مكانها واتصرفي..
لاحول ولا قوة إلا بالله.
موضوع رفع الضغط عندي.