السلام عليكم ورحمة الله وبركاته

لو شاء الله وتيسرت لنا سفرة فيها ترانزيت باسطنبول .. وصار عندنا مجال نقضي فيها 3 أيام أو 4 بالكثير ..
شنو أهم مكان لازم مانفوته ؟؟ وهل تنصحون بأن نقضيها في منطقة أخرى غير العاصمة كبورصة مثلا ؟؟
مع العلم بأن السفر بيكون خلال شهر رمضان .. هل سيؤثر هذا التوقيت على السياحة في تركيا بأي شكل من الأشكال ؟


عاد جاوبوني .. وقتنا ضيق للتخطيط ..

هلا مريوم، الترانزيت يعني بتنزلي باسطنبول و ترجعي تطيري منها على الوجهة الجديدة؟

ايوه يا شوق ..
رايحين البوسنة ان شاء الله عن طريق تركيا لعدم وجود خط رحلات مباشر من بلادنا ..
وبعد مانرجع من البوسنة الى تركيا بنبقى فيها كم يوم فيها وبعدين نرجع البلاد ان شاء الله ..

رمضان الله يهديك ليش ما تسافرين في العيد أحلى

تم تأجيل السفر إلى مابعد العيد ..

زوجي كانت نازلة له دورة بأغسطس وتوقفت إجازاته من بعد العيد .. فقلنا مالنا إلا برمضان ..
بس البارحة بالليل تكنسلت دورته .. فخلاص بنأجل سفرتنا إلى بعد العيد بإذن الله ..

الحمد لله، لانه بصراحة صعبه تطلعي ساحة برمضان لانه يوم الصيام بيكون طويل شوي و صعب تطلعي سياحة

فخلاص التأجيل حل المشكله،

بالنسبة للسفرة حاولي تطلعي بورصة، لانها قريبة من الحدود مع بلغاريا، فيها حمة يالوفا، و فيها ازياء بالهبل و رخيصة و اسواقها حلوة

ادخلي على غوغل و شوفي الصور

صحتين مقدما

الله يبشرك بالخير اجازة سعيدة و سفرة ممتعه

كنت جاي من امريكا وكانوا اهلي باسطنبول فوقفت عندهم، وكان لهم أكثر من أسبوع، وجالسين اسبوع زيادة، فخلال يوم زرت مازاره أهلي خلال ثلاث ايام، والسبب أني قمت الصباح بدري وتجولت من مكان إلى مكان حتى العصر

روحي لسوق المصري وقريب منه المسجد الازرق وكنيسة صوفيا، وفيه المضيق بين اوربا واسيا، وفيه اماكن كثير حلوة، واركبي السفينة اللي تجول في البحر، صوفيا يكفيها يوم واحد، وبامكانكم ياتروحون بسيارة ولا تستأجرون سائق يتكلم العربية مع سيارته

رمضان لايؤثر ع السياحة هناك، ولا تصومون

اهم شي يكون برنامجك السياحي، تقومون بدري الصباح علشان تغطون أكبر قدر ممكن من الأماكن السياحية
انتبهي الظهر سيكون الجو حاراً هناك

__________________
ياصبحِ لاتِقبل !!
عط الليل من وقتك..

من جدك؟

شكرا اخي على المعلومات ..
احنا اساسا مب اول مرة نسافر برمضان .. رحنا المالديف السنة اللي راحت وفطرنا .. بس هالمرة كنت احاتي من نقطة ان يصير علينا قضاء 15 يوم .. 😥 .
لكن الحمدلله زانت الظروف وان شاء الله نروح بعد العيد .. 😆

حر جدا ؟ هذا اللي ماكنت اتمناه .. 😢 .. على العموم سراييفو جوها جدا جميل وهذا اللي يهون علي خصوصا انها سفرتنا الاساسية .. 😍