السلام عليكم ،،

اتمنى تفيدوني في موضوعي ... زوجي حاليا خبرني ان سبب زواجه مني عشان يحلني لطليقي

انا اعرف ان هذا النوع من الزواج حرام ولا يجوز ! ght

ارجع بيت اهلي ولا اجلس ولا وش الحل

وعليكم السلام

يعني الحين ناوي يطلقج عشان ترجعين حق طليقج ؟

ايه يااختي .. المشكله اني ماابي ارجع لطليقي ؟

في هذا الموضوع اتصور تسألين شيخ وايد احسن
يخبرج بالحكم الشرعي

زوجج حالياً افصح لج عن نيته ان يطلقج
وجم استمر زواجكم
واذا في حال قال الشيخ زواجكم صحيح هل تبين تستمرين معاه او لا


منتي مجبورة ان ترجعين حق طليقج

زين ابوها اسعدك الله دنيا واخره ،.. بس اللي اقصده مايجوز اضل معه في نفس البيت الحين ؟ صح

ارسلت للشيخ وانتظر رده من أمس

عفوا يعني زوجك الحالي اتفق مع طليقك بدون علمك ؟

بالضبط ! او انه دفع لهذا عشان يحللني له ؟ مافهمت السالفه تمام منه لانه كان معصب ورمى الكلام وطلع من البيت

😊 له عين بعد يعصب
المهم ..

عيل انتظري رد الشيخ هو اللي بيحسم لج الامر
اما كلام هني ما اتصور بنفيدج
في وضعج الكلمة للشرع

حبيبتي اسأل الله ان ينور دربك ويشرح صدرك ويهديك لفعل الصواب
ومثل ماقالت زين ابيها

انتظري رأي الشرع بهالامر.

اتوقع إنك انت و زوجك كنتوا مختلفين و هو معصب و انت معصبة ..

و هو حب يستفزك ، و ينرفزك ..
و قال الكلام هذا ( بس كذا ) .. عشان يقهرك ..