بسم الله الرحمن الرحيم
السلام عليكم ورحمه الله وبركاته
انا قدر الله علي وتزوجت بنت خالي قبل 4سنوات وجبت منها ولد عمره الحين سنتين وثمانيه اشهر
زوجتي طيبه لكن مزاجها سيئ تحب الهواش والمناقره وكل ما اوريها خطئها بشي تقول لي انت وانت . تزعلني كثير وانا اسامحها حب لها ورحمه فيها وفي ضعفها هي حساسه ومن اقل شي تبكي وتتذكر الماضي كثير . عذبتني معها وصبرت وانا مستوصي فيها خير واعاملها بموده ورحمه واخاف الله فيها
الين قبل سنه صارت بيننا سالفه كدرت حياتي معها اكثر واكثر .. اكتشفت انها على علاقه بشخص من قبل مانتزوج عن طريق النت وبينهم كلام حب وارسال صوره وصورها .. ويوم اكتشفت الموضوع وتفاهمت معها صارحتني وقالت انها غلطانه وطلبت مني ما اطلقها وانها سوف تتغير وتبكي وان هذا الشخص كان سوف يتزوجها وامها رفضت وانها لم تقابله وانه لايوجد رجل لمسها غيري حتى ولدي لولا الشبه الكبير اللي بينه وبينه كنت شكيت فيه ايضا.. تركتها معي وماطلقتها وخليتها على ذمتي وسترت عليها وانا مجروح من جوه قلبيي وحزين وكل يوم انوي طلاقها حزه احبها وحزه اكرهها وراقبتها لمده سنه الى ان شعرت انها تغيرت للاحسن سلوكيا .. واصبحت تصارحني بكل شي وتحب الجلوس جانبي بكثره وتحب الضحك وانا جعلتها تعمل وتكمل الجامعه وصارحتني ان سبب مزاجيتها المتقلبه هو الوضع الذي تربت فيه بين اب مدمن وغائب عن المنزل رحمه الله .. وعن ام شديده القسوه والعقوبه .. وعن خوال يتحرشون بها وعن حياه قاسيه وعن منزل كل شخص يكره الثاني .. الان هي متقلبه المزاج يومين مبسوطه ويوم منفسه جبت لها جوال وبدات الشكوك تدور في راسي اراقب جوالها كثير وارا انها لاتهتم بالجوال اذا فتشت فيه ..
الان انا اعاني من الشك اتجاهها وكل مااتذكر انها كانت على علاقه بشخص يسوء مزاجي ...
واتخيل قصص واوهام خياليه واقوم بتصديقها بعض الاحيان
ماذا افعل لكي يذهب هذا الشك والوسواس من راسي وهل تعود المياه لمجاريها
وهل تعود زوجتي لفعلها السابق
ارشدوني جزاكم الله خير .. هي تعافت وانا تعبت







تم تغيير العنوان ليتناسب مع المضمون