السلام عليكم ورحمة الله وبركاته


اعتذر عن الجرأه في الموضوع ولكن لحاجتي الى المشاوره !

نزلت موضوع سابق
http://www.66n.com/forums/showthread.php?p=3253090

الزواج وتم وقد دخل علي
ولكن المشكله الآن اصبحت لا اتقبله اكثر من اول
في اول اسبوع ضغطت على نفسي كثير
حتى الفراش كنت اخليه يخلص كل شي بسرعه
لاني لا اطيقه لا اتحمله اكرهه فيه كل شي
شكله مظهره كلامه اسلوبه طريقة اكله
كل شي كل شي
بعد الاسبوع الاول قلت له لاتقربني ولا ابيك
صارحته قبل امس وقلت له ما تأقلمت بالحياه ومستحيل اكملها معك !
من غير راي صرت اصارخ ورحت للمطبخ وصرت اكسر كل شي لين طاح القزاز برجلي ونزل الدم
وفجاه من غير شعور طلعت كرتون حبوب واكلته لين طحت ووداني زوجي للمستشفى
وبعدها قلت له ودني بيت اهلي
وللحين هو ماقال لاهلي شي وانا قلت لاهلي فيني الم خفيف في المعده
الاهم اني مو قادره اتقبله لدرجة الفطور والسحور اسويه واخليه ياكل لحاله وانا اسكر علي
باب الغرفه
ياناس والله ضايقه فيني الدنيا وتعبت احس شي كريه يعيش معي مستحيل اتاقلم عليه
لدرجة ان وزني نزل بشكل فضيع مع اني والله اكل
وصرت حتى من اول يوم زواجنا اشتغل اكنس انظف عشان ما اجلس معه
وشكلي دايم مو مرتب ولا احط مكياج وارفع شعري واللبس كل شي طويل
ولو بس لمس يدي بالغلط انفر منه نفور مو طبيعي
والان صرت اخاف لما اكون معه حتى من رنة الجوال صرت اشهق
او من تسكير الباب وصرت 24 ساعه افكر لدرجة بديت انسى

الله يخليكم ابي نقاش يفيدني و احد ياخذ ويعطي معي

" ربي اني مسني الضر وانت ارحم الراحمين "