بقول لكم مشكلتي وانشالله القى عندك حل ومساعده لي

في البدايه احب اقولكم اني متزوجه لي اقل من سنتين وعندي ولد
طبعا تحدث بيني وبين زوجي بعض الخلافات لاكن مرتين او 3 تطور الوضع ومد يده علي طبعا ما عطاني كف بس ماقصر مسكني وصقعني على واحد من الجدران هذا غير الالفاض الي قالها لي مع انو ماسويت له شي بس لانه مهتوي ماصدق يطلع لي مشكله المهم اننا انتهيننا من هذاك الموضوع يمكن لنا 3 او 4 شهور منتهين منه

قبل كم يوم رحنا للدكتور وفحص علي لاني حسيت مثل الورم في صدري وانا سبق وسويت عمليه بس الحمدلله طلعت سليمه ولقو فيني ورم بس حميد وشالوه المهم

بعد ما رحنا للدكتور قال لي شي صعقني قال نبي ناخذ تحليلات وبنشوف اذا هو سرطان او لاء انا انهبلت وضاق صدري ونفسيتي مثل الزفت

المهم جا اليوم الموعود ورحنا للمستشفى وسو لي كشف ودخلو فيني ابره وش كبرها والله ان الدنيا دارت فيني بعدها عطو زوجي تعليمات وقالو له ممنوع تشيل الولد ولازم ماتشتغل ولا تتعب ولازم راحه تامه علشان ماينزف الصدر وقالو الزوجي لازم يكون احد عندها وسئلوه اذا عنده شي فا قال لاء انا بكون عندها

المهم رجعنا للبيت وانا وهو نتكلم عادي مافينا شي بس كنت دايخه وخايفه من النتيجه خايفه يكون سرطان

يوم رجعنا للبيت زوجي صار يدور على اغراض له وطلع كراتينه كلها من الدولاب وجلس يدور على مسامير المهم مالقا وانا كنت جالسه اقرا في النت ابي اتلهى بشي قام قال لي الحين الدمتور قال لا تدورين ولا تتحركين قومي دوري لي مامير طلعي الي في الكراتين ودوري قلت له مافيه شي هنا قال دوري المهم شلت وحست ولاحظو انهم قالو راحه تامه رحت وقلت له مافيه
المهم دخل قال صليتي قلت لاء الحين بروح اصلي المهم رحت ومسكت السجاده بصلي وانا متوضيه قبل ما اروح للمستشفى جا عندي وقال متوضيه قلت له ايه قال روحي توضي قلت هه وش فيك قال توك جايه من المستشفى روحي توضي وبنفس شينه قلت هه وش فيك انت ربي المهم انا قلت ماراح يضر روحي وتوضي مره ثانيه يوم طلعت من الحمام ومسكت سجادتي ابي اتوضا جا لمي قال توضيتي شوفوكيف بس الي يدورالنكد قلت له ايه توضيت قال ليش تتوضين مب تقولين تو انت ربي عشان تحاسبني انا ارتفع عندي الضغط هذا غير النفسيه الي مثل الزفت ولا راعي مرضي ولا راعى شي قلت له خلاص عااااااد يا حبك للنكد قام ذز السجاده برجله شوي وراح
المهم الرجال خندر وكتم وزعل والي يقهر اكثر تصدقون انه ماسوى ولا شي من الي قالوه له المستشفى حرصوه كم مره اني مااشيل الولد ولا اقرب له لان اي شي يمكن يسبب لي نزيف الرجال ماصدق وطلع وخلاني انا وولدي رجع بعد ساعتين اخذ شي وطلع ورجع بعد ساعه بعدهاطلع ولا جا الا الساعه 5 او 6 الفجر شفتو عاد وين المراعاه وين الموده والرحمه وين الرجال الي ينشد فيه الظهر وين نصفي الثاني الي كنت اتمنى اسمع منه كلمه وحده والله ياناس اني على الساعه 1ونص الفجر ارسلت له مسج قلت له جب معك بنادول الحين ضروري لاني صدري بدا يعورني وقلت له تعال عند الولد لانه بدا يصيح وانا اتالم وما اقدر اشيله والمشكله اني هذاك اليوم كله والولد على يدي تصدقون انه طنشني ولا جا ولا جاب لي بنادول مو شي يقهر مو شي يغث عاد بعدها بيوم اتصلو المستشفى وكلمتني دكتوره اجنبيه انامافهمت لها مره بس كني فمت انو مافيك سرطان ركضت وعطيته السماعه وهو منسدح على الكنب فترة الظهر ويبي ينام المهم اخذ السمعه وكلمها وانا اقول له هاه مافيني سرطان وهو بقمة البرود وهو يكلم الدكتوره عاد قفل منها وقلت له مابي سرطان قال لي ايه وقلب يبي ينام شفتو عاد قلت له طيب وش قالو يبي يسون عمليه علشان يشيلون الورم قال مدري مدري وطنشني ونام والله يابنات اني بعد ها الموقف تمنيت الموت ولا اسمع من ها الكلام هل هذا التصرف عادي يصدرمن شريك العمر انا الحين صرت اقول يابنت وشلون تامنين حياتك معه بعد ها الحرركه بس ضغطت على نفسي يوم صار با الليل رحت له وقلت انت زعلان وما رد علي قربت منه وسئلته سوا لي محاظره انتي مهي اول مره تسوين ها الحركه انا ما ارضى با الاسلوبهذا وتراهذا تنبيه لك لاني بعدها بتصرف تصرف ثاني قلت له انا وش سويت قال لي ماتدرين وش سويتي قلت علشان لما قلت لي روحي توضي قال ورحتي توضيتي كان ماتكلمتي وقلتي ابشر ورحتي ولا تناقشيني لما اقولك شي وانا ما ارضى تكلميني بي ها الطريقه قلت يعني تبيني احترمك وانت ماتحترمني ترا المفروض انا الي ازعل مو انت قال تبين تزعلين ازعلي قلت يعني ماهميتك قام عادها يمكن 4 مرات تبين تزعلين ازعلي المهم انا حبيت راسه واعتذرت برضو مانفع عاد الكلام من جديد انا ماتحملت وجلست ابكي واقوله يعني انت اقرب الناس لي المفروض انك حاس فيني ومقدر شعوري وعارف ان نفسيتي زي الزفت وقلت له على ردة فعله يوم اتصلو المستشفى عاد بكل برود قال انتي مسويتها قبل كذا شفتو عاد مو شي يقهر اذا اقرب الناس يسوي كذا والله اني انقهرت قهر قلت له انت اصلاماتحس فيني حتى طلعت وتركت الولد معي على الرغم مت تحريص الدكاتره لك قال ايه نعم لدامك ماتعرفين تتكلمين والله اني انصدمت فيه صدمه عطوني رايكم ريحوني وعندي طلب بسيط الي عنده اسلوب لي كتابة الرسائل لاني ودي اكتب له رساله بس ماعندي اسلوب الي عنده اسلوب يكتب لي الله يعافيكم ابي اتشره ابي اخليه يضيق صدره ويتحسف على كل الي سوا