السلام عليكم بحاول اتكلم باختصار وايجاز بس ابي حل لاني قديمه بالمنتدى وبفضل الله ثم فضلكم غيرت اشياء كثيره فيني
كم مره حيااتي بتنهار والسبب امه وعصبيتي مااتحمل
تجاوزت مشاكل كبيره
وقربنا لبعض اكثر انا وزوجي
وابعدت عن اهله صرت اجيهم مره بالاسبوع
لكن هو نفسه ماتغير حياته نوم ويصحو ياكل ويطلع لاهله واذا ناامو اهله راح الاستراحه ويحي متاخر ونوم
الاغلب كذا
تعودت وحملت وولدت
واستلم مبلغ من عممله كبير راحت امه تقول ابني مجلس لنا حنا نقعد فيه
وعندهم بدال مجالس ثلاثه بس عشان مايروح قرش لي
سبق وتكلمت لكم عن بخله معاااي وقلتو ماهو بخل
زوجي جنوبي شرقي
قلتله نسوي مشروع بالمبلغ نستثمره
وسمع كلامي بعد ايش وقال المشروع باسمك بحكم اني عاطله وهوومايخطون باسمه اي موسسه
وفعلا سوى الموسسه باسمي وكل مااطلبه يقول بس تزين الامور ابشري الحين الفلوس كلها بالموسسه قلت طيب
وافقت مايخبي على شي ولاريال يدسه عني وانا اجمع له واوفر وامسك مصروف البيت
زمان كان يسجل ببقاله وديون
واستلمت مصروف البيت يجي اخر الشهر وباقي معاي من المصروف ونحطه بشي بالبيت
وهو اذا استلمه العكس اغراض البيت ناقصه والبيت فاضي ويحي اخر الشهر ولاريال
اللي قاهرني يكذب علي ويستغفلني كثييييييييير
عباله دجاجه ماافهم
اخذ قرض من البنك وماقال لي ووزعه بين اخوانه والله اني ماشفت منه ريال ويوم قلتله قال كذب من قالك قلت انا شفت بحرالك الايداع ورسالت البنك بحوالك هنا عصب وثار وقوم الدنيا وماقعدها مالك دخل بفلوسي انجرحت وانصدمت
المشكله باااقي مصمم انه مااخذ ويقولي كذب اللي شفتيه خرطي
اكذب عيوني واصدقه
والقى الاوراق بالسياره واريه ويعصب يقول كذب كله اوراق خويي اقول شف اسمك ماني مغفله لهدررررجه عااد
ماهي اول كذبه يقولي مامعي فلوس والله ويحلف والقاهن بمخباته والقى فاتوره الاجهزه اللي شاريها الوف
يكون قايل لي يبغالي اجهزه اقول الله يعين يطلع الرحال شاريها ومخبيها عني بسيارة اخوه
ويستمر بالكذب صار يقولي اشياء صدق ماعاد اصدقه اقوله صواريخ كذب
انعدمت الثقه
كشفته يسبني لاخوانه يقول المره مالها امان اسالوني عن تجربه
يقول طنش زوجتك بتركض وراك
ويقول لاتركض ورى المره هي تركض وراك
وقلت له هالكلام اني اخر شي اتوقعه انه تسبني لاخوانك مسوي فيها انك انت الفاهم
وللخين امه تتدخل بيننا ويهددون بالعرس لكن انا تغيرت عليهم
شطفتهم لدرجه قالي انتي متغيره بالمره مانتي فلانه القديمه قلت الحمدلله انك لاحظت
بتكلم عن شخصه وحيااته
الرجال ملاحظه عليه من زمان ينسى بشكل غير طبيعي اطلبه للبيت اغراض اعطيه عياله يطلبون يجي يصقع راسه نسيت وتحسبونه يجيب لا ينسى
وانا اللي اذا مارحت وجبت هو ينسى
يعني لازم انا اروح واجيب
كم مره يعصب يقولي انقلعي لاهلك
زمان كنت الم اغراضي وانفعل
انعكست الدنيا صرت انا اهدى واقعد ببيتي ويرجعلي بالليل يضمني اقوله انا انقلع يضحك يقول تنقلعين ع الفراش حتى مايعتذر
بديت اتبلد من ناحيته
رغم انه بغى يموت من التغب يوم رحت لاهلي اجازه امومه
ويتعالج
هنا جيت بيتي المهجور كم شهر محد نظفه لي وعندهم شغالات واسبوع تنظيف وتعب ولدي من الغبار
للحظت ع زوجي التغب وقلت الاكل وشهيته مسدوده مو ضعيفه لا ياكل عشان مايموت مايشتهي الاكل نهاءي
ومعاه ارتجاع بالمري
وراح وجا معاه كيس علاجات قال شوفي يابنت الحلال انا انساان مريض من قبل اعرفك وهذا علاجي مايحتاج ادسه عنك مطلعه ابيك تذكريني بوقته ثلاث مرات باليوم يمكن ست انواع حبوب
المهم قعدت ابكي شفيك
قال هنا حدك شفيني ماسمحلك تدرين شفيني اقسم بالله العظيم لوتبحثين عن العلاحات بقوقل فانتي تحرمين علي ليوم الدين
يعني طالق لو عرفت وبحثت علاجاته
لي شهرين احاول فيه اعرف واني راح اسااعده
نفسيتي تعبانه من زوجي اخ تعبت يتعالج مايبي يعلمني وش فيه ويقول ان اللي فيه مني انا والسبب ضغوطات الحياه
طيب منو ذنبي اهله يضغطون عليه يضغط علي
ويقول دكتور الباطنيه قاله معاك ثلاث اشهر اذا ماتحسنت صحتك راح احولك لدكتور نفسي
اول كان يدس حبوبه عني الحين قدامي ويقول والله ماحلل لك تبحثين عن حبوب فانتي تحرمين علي
ويقول الدكتوريقوله ابعد عن الزعل والضيقه والضغوووط
ملاحظاتي عليه
دايم متوتر وقلقان اذا دخلن سوق ومحلات لين اطلع
طول الوقت معاي بالسياره فقط توتر وقلق
ينسى كل شي لدرجه اطلبه الشي ست سبع مرات وينسى وكنت احسبه يتعمد ويبخل ويصقع راسه بانه نسى ع الرغم انه مكتوب عنده بالجوال
بدايت زواجنا جاه حاله يصحى مايعرف من انا ومتى جيت وكيف نايمه معاه ينسى انه متزوج وراحت هالحاله
دايم يسب نفسه من زيني ولاشكل ولاجسم ولاشي
ويسبني انا بعد مايقدر يمدحني مايقدر يعنذرلي
وهالفتره معه ضعف انتصاب يرتخي العضو وهو في قمه النشوه ويقعد ساعه عشان يرجع ينتصب
لاخطت ضعف الانتصاب بعد ولادتي يعني له شهرين وهو ع الحاله
نسيااااانه كثير جدا
ومعاه ارتجاع بالمرئ وشهيته مسدوده واكله قلبل جدا بالغصب ياكل مني وضعيف من داخل ويسوي نفسه قوي للن اهله مايحترمونه ابدا ويكذب علي كثيييييييييير كثير وينسى كنت اعدي له كذباته
بس صرت اعطيه بالوجه ويتفشل ويسكت
وعنده الام بالظهر
يكذب بشكل يستغفلني يحسبني مغفله وانا لست بذلك كنت اراعي مشاعره يوم يكذب علي يحزني بس هو ماراعي مشاااعري فصرت افشله واعطيه الادله انه كذب علي
ويستمر بالكذب
ثقتي فيه انعدمت ماعرف شفيه وفوق ذلك يكذب علي لدرجت شكيت انه يكذب علي انه مريض عشان احزن عليه
الحين صاير عود كبريت ماينكلم يجي اسرير يسولف واعطيه رايي يقول اسكتي لحيتيني اكرمينا بسكوتك واسكت ويرجع يضحك لي اليوم الثاني اصحك له
انا اسمحه من قلب وانسى زلاته وهفواته وغلطاته وارجعله من كل قلبي
الحين هالانسان ذالني ع كل شي اذا طلعت معاه كل شي بالقوووه وبطلعت الروح ومالها طعم طبعا يحب يذلني
ودايم يقولي انا واثق اذا منعتك من الشي تمشين معاي سيده
وعباله يعاقبني يخرمني من كل شي احبه يجيبه بعد طلعت روح عباله كذا يصير للشي قيمه عندي
قلتله بالعكس يجيني الشي ماله طعم ومااله لذه خلاص شي وعفته وجاك ماله طعم
واعترفت له ندمت اني عطيته اسمي قال ماينفع الندم
ادري طولت الموضوووع
بس ابيكم تفهموني انه مايجلس معانا ومايطلعنا الابطلعت الروح واهله لهم تاثير كبير عليه وحياته معاهم رغم يوم ابعدت عنه تعب نفسيا وجسديا
اسالكم هل وضعه طبيعي ولا لا
ماني عارفه اتعاااامل معاه قلبي محروح منه لويحبني واهمه يقولي وش فيه
رغم انه قالي مابي اتعبك معااي اقوله لوتحبني قلت لي قال بالعكس وراح تعرفين مع الايام
قلت بطنشه وتعب نفسيا مني فماا ادري برايكم وخبرتكم وادري ان هنا ناس كبيره بالعمر والعقل وتفهم وعايشه سنين خبره وكلكم اهلين للاستشاره وذوو دين
ابي نصيحه من قلب وابي طريقه اتعامل معاه اكسبه بصفي
ابي اعرف شفيه
يقول متاكد وواثق انك تحبيني ولايمكن اشك بهالشي
لكن هو لا دايم اطلبه يحسسني بحبه
يقول انا والله ماقلبت وجهي الثاني لك لهلحين احترمك واقدرك ورافعك
رايكم نصيحتكم دعاءكم لاتنسوني من دعائكم
ان ربي يهديه ويسخره لي ولعياله