السلام عليكم ورحمة الله

انا متزوجه من سنوات وعندي اطفال
عشت هالسنوات كلها ربة منزل مع اني متخرجه من الجامعه وكنت انتظر وظيفه حكومية بس عندنا تعقيدات في الوظائف التربوية مستحيل يحطون اي متخرجه في المدينة اللي هي ساكنه فيها لازم تفترب كم سنه وهالشي رافضه زوجي قال مستحيل تطلعين برا المدينة
ولما أقوله بقدم أوراقي اي مكان بنك او كذا يقول هذا اللي ناقص تشتغلين في بنك
ويوعدني اكثر من مره بيوظفني ولا يوفي بوعده او يقولي أشوف لك وظيفه تحت إدارتي نروح سوا ونرجع سوا وحتى هذي مايسويها بعد
وهو مايبيني اتوظف يببني دايم تابعه له مصروفي ينزل لي شهريا ومايقصر علي بشي بس اهم شي هو يعطيني المصروف مايجيني من مصدر ثاني يعني يبيني احتاجه دايم وحتى الزعل ماقدر أزعل امشي كل شي علشان المصروف ما ينقطع عني
انا احس اني اختنقت خلاص
واحس عمري راح وانا أشوف اللي حولي كلهم استفادو من شهاداتهم وحققوا نجاحات على المستوى الوظيفي وانا ماسويت اي شي
عيالي كبرو وسرت احس بفراغ كبير أغلب وقتي عالنت بمواقع التواصل
حاليا فكرت بمشروع صغير وعرضت عليه ويمثل قدامي انه متحمس وكذا وانه جالس يشتغل عليه بس تمر الأيام مايسوي شي اليوم صارحني انه مو عاجبه ليش المشروع باسمي مع اني قلتله راح يكون لك نسبه من الأرباح لين تسترجع راس مالك ويصير المشروع لي ومو عاجبه الكلام
بعد مو عاجبه أصلا ان يسير لي مشروع
مادري وش الحل معاه هو عقد زواج ولا احتكار

(تم تعديل العنوان ليتناسب مع المضمون)

انتي مسوية من الحبة قبة ولاعندك ثقة بزوجك ...يعني اذا ماتوظفتي تعتبرين عندك مشكلة زوجية دام مصروفك ماشي اهتمي في بيتك وعيالك وزوجك واذا جت الوظيفة الي ترضي الطرفين مافية مشكلة ولكن تشتت العائلة عشان وظيفتك..كثير زوجات عيشين مع ازواجهم وشهادات ولكن مالله كتب لهم الوظيفة المناسبة بس ماسوو مشكلة ومن ضمنهم اختي جامعية متخرجة من سبع سنوات بس ماحصلة الوظيفة الملائمة لها ولزوجها ومبسوطين ولا حطت الوظيفة عقبة بحياتها ولاعمرها تكلمت وبعدين هذي ارزاق يوزعها الله سبحانة

__________________
سبحان الله وبحمده سبحان الله العظيم

وليش. حطيت ان العائلة بتشتت انا معهم ترا بالبيت مراح أطير
وإذا عندك أختك ماتوظفت ترا انا عندي كل أخواتي وزواجات اخواني وأخوات زوجي مو ظفات
وبعدين مو انا ماعندي ثقه بزوجي هو اللي ماعنده ثقه بحاله والا ماكان موضوع الوظيفه هاجس بالنسبة له
وبعدين ليش ما يكون لي مشروع صغير اقضي وقت فراغي فيه ايش المشكله بهذي بعد
طالما انه مقتدر وإمكانياته عاليه وصاحب مشاريع كبيره جت على مشروعي الصغير اللي على قدي

حاسه فيك لأني تزوجت بعد التخرج من الجامعه جلست أشهر وبغير أموت من الطفش لما توظفت


من حقك تشتغلين على قولتك درسنا على عشان نشتغل مو أخرتها مطبخ وزوج وأطفال

أتوقع مايبغاك تشتغلين علشان تحتاجينه ولا تزعلين ☺

شكل أحد عن قاله قوة الموظفات وشايلات أنفسهم

حاولي تقنعينه وقولي راح أساهم معك في البيت و مصروف الاطفال براتبي

جربي مدارس أهليه

الله يرزقك بالوظيفه الحكوميه

هل يمكنكِ العثور على مصدر آخر للتمويل غير زوجكِ؟ .. والد أو أخ مثلاً؟



لماذا تعتقدين أن زوجكِ سيقطع المصروف عنكِ في حال الزعل؟

__________________


اللهم طِيبَ الأثر .. وحُسْنَ الرحيل.

تفكيرك ياأختي صح من حقك تشتتغلي وتحققي طموحك ويصير عندك مصدر دخل خااص ..صارحيه وقوليله نفس الكلام اللي اللي كتبتيه ان ليه كل مره يتهرب! وذا هو رافض يساعدك في المشروع قوليله أجل بطلب المساعده من أخوي أو أبوي وخليهم يوقفوا معاك..

مو هذا قصدها يا مهرة .

قصدها ما تقدر تزعل من زوجها حتى إذا غلط وتمشي حياتها وتتغاضى عشانها محتاجته للدخل..!

أنا بالضبط مريت بنفس الشي وفاهمة شعورها.

الله يحنن قلب زوجك يارب وييسر لك أمورك

حبيبتي بقايا امل..اذا هو مو مقصر بمصروفك وخايف عليك من التغرب الرجال هذا وين ينلقى بهالوقت ماشالله..اجمعي من مصروفك وسوي لك متجرالكتروني(انستقرام مثلاً) واسترزقي منه وانشغلي فيه..وان شاءالله تنافسين الوليد بالثروه

الله يعينها هذا الأسلوب مو حلو

واجب عليه شرعاً النفقه

مو هو عليه القوامه ؟!

انا انصحك تنتظرين للظيفه الحكوميه أامن وافضل من الخلص والمشاريع اللي نسبة نجاحها قليه مقارنه بالدخل الثابت
تخيلي انا تخرجت وطفشت ودورت ونشبت بحلق زوجي لما وافق وتوظفت بمدرسه خاصه وقام يستهبل علي بالمصروف مع انو قبل طلباتي اوامر ويعطيني بإسراف لما توظفت وهم نصابين عطوني اقل من ربع الراتب المنصوص عليه بالعقد همن معاد عطوني وانا ساكته كم شهر عشان الخبره واصرف من عندي ومن امي اذا مرا انزنقت لان لو يعرف زوجي انهم مايعطوني راتب راح يخليني استقيل .. ماصدقت خلصت كم شهر وهربت .. ورجع لي مصروف زوجي بلا منه ولا اذى افضل من هالوظايف تعب وكذب والان اقوله ي حكومه ي بلاش دام ماينقصني شيء انتبهي تنكبين زيي وانتظري شغل مضمون افضل

وبالنسبه للزعل وش دخله بالمصروف ازعلي متى مابغيتي واجبه النفقه سواء زعلانه او راضيه مافيه نقاش هالموضوع نهائي ..

__________________
أستغفر الله العظيم واتوب اليه