السلام عليكم ورحمة الله وبركاته
انا مش عارفة ليه غيرانة من اختي برغم حبي ليها وفرحي بفرحتها انا رجعت بلدي من يومين عشان اختي بتجهز نفسها انا في اول زواجي كنت مستعجلة جدا وعايزة اخلص من بيتي واعيش براحتي كنت عايشة مع اهلي حالنا المادي تمام اوووي ولله الحمد المهم جهزت نفسي اي كلام وعملت فرح اي كلام لان اهل زوجي كانو بخللاء معايا اوووي حتي مجبتش شبكة حتي عملت العفش عمولة والراجل طلع نصاب وعمله اي كلام وحاجات ناقصة ومش نفس الشكل اللي انا عايزاه كله بسبب استهتار زوجي انه مكانش بيروح يشوف الحاجة المهم عيشت ف اول زواجي مسافرتش ولا كان فيه شهر عسل واستحملت كتيييير برغم ان اهل زوجي مبسوطين ماديا لحد ما انا وهو سافرنا السعوديه عايشين مبسوطين ولله الحمد لما رجعت بلدي واختي كانت مخطوبة احلي شبكة جهازها ؤعفشها احلي حاجة واغلي حاجة مش برضي انزل معاها وهي بتختار عشان ببقي متضايقة بتصعب عليا نفسي ليه انا قبلت ده ورخصت نفسي والاحساس ده مضايقني لانه حرام وانا مش عايزه ابقي كده عايزه ابقي راضية بنصيبي وابقي فرحانه ودايما اهلي يقعدو يقولو ان حاجتها احسن من حاجتي ساعات ببقي هبكي بس بمسك نفسي بالعافية تفكيري في كده مش عارفة اوقفه رغم انها تستاهل فضلت مستنيه اكتر من عشر سنين حبيبها ده عشان تتجوزه وربنا كافئها وعارفة اني شويه لو اشتغلت وعملت فلوس وزوجي وفر شويه كل ده بيتغير بس بجد جالي اكتئاب من نفسي بسبب عدم الرضا اعمل ايه ازاي ارضي بنصيبي مخنوووقة من نفسي اووووي الي يقدر يساعدني يقولي اعمل ايه معلش عارفة انه موضوع تافه بس غصب عني خانقني وكاوهة اني اكون كده