السلام عليكم
شوروا لي تكفون والله تعبت من هذا الرجل
اتطلقت منه ولا ارتحت بعد طلاقي
(رجل عنيـد بمعنى الكلمة..يفهم غلط..يشيل بقلبه م ينسى)
انا م ابغى اغتابه لكن هذا الواقع وهذه شخصيته.
تطلقت منه ولي سنتين وعندي بنت
السالفة وم فيها تعبني والله ف بنت
اول م تطلقت ياخذ بنته تصوروا عمرها شهرين تجلس عنده من يومين الى ثلاثة ايام
واول م تزوج 4شهور م اخذها يعني معليش مين يصبر ع بنته 4شهور بس يقين ان المسألة مسألة عناد
وبعد الاربعة شهور ياخذها يومين تقريباً كان ع طول يطفش ويجيبها.
لكن اول م انخطبت لرجل من نفس القبيلة يعني قريب لي صار ياخذ بنته اسبوع كامل وكأن المسألة تهديد
لم يحصل نصيب بيني وبين الخاطب.
لكن استمر ع هذا الحال ياخذ بنته اسبوع
ونرسل له اننا مانقدر تركها بعيد عن امها اسبوع وهي بهذا العمر لكن يرد لنا بأنه مهتم فيها وانا ارى العكس تماماً
انا ابي متوفي وليس لدي اخوة كبار يتواصلون معه ويقفون امام وجهه ومهزلته
اعمامي واحد ساكن خارج مدينتنا والآخر لا يريد التدخل
/ارسلنا له بأن تجلس يومين فقط،او ياخذها يومياً من العصر الى العشاء..قولوا لي انا ع صواااب ام انني مخطأه
من حقي اخاف ع بنتي تاخذها زوجة ابيها عند اهلها وانا لااثق في لعب اطفالهم ..وهم من النوع غير منتبهين ع هذه الاشياء يتركون الاطفال براحتهم
/
والأمر الثاني اذا جاب بنته م يطلعها فوق يرسلها مع السواق وانا لا اثق في السائق ايضاً
ونرسل له اننا نحاف عليها من السائق كيف ترضى بنتك مع السائق وم تحاف عليها وهو معاها ف المصعد؟! لكن لا ادري لما هذا كله..ليش هذا العناد

اقسم بالله اننا عاملناه بالحسنى
هذه الايام اخذ بنتي وجلست عنده 5ايام وارسلنا له رسالة
مضمونها:البنت لمانقدر تركها اكثر من يومين..ولا تجعلنا نتعامل بالمثل تعاندنا والضحية الطفلة
فأرسل:امسحي رقمي ولاعاد ترسلين لي
للمعلومية(الرسالة من جوال امي )وامي هي اللي ترسل له
طيب اذا امي م كلمتك مين تبغى يكلمك.

ارشدوني لقد قررت ان لااعطيه ابنته ابداً ..حتى يذهب الى المحكمة ع حد علمي ان المحكمة تحكم له ب3ساعات فقط في الاسبوع
والله يتقطع قلبي لما اشوف بنتي عمرها سنتين وصايرة عصبيه مهما كان الطفل م يحس بالامان الا عند امه.
والله م ابغى احرمها منه ولا احرمه منها لكن يترك العناد ينفعه.
لقد فعلت هذا قبل فترة لكن قطع عنها مصروفها الشهري لكن الآن بعد قراري لا يهمني ذلك فصحة ابنتي وحالتها النفسية اهم وربي م يضيعها..

اخواتي عندكم حل اخر ام ابقى واصمد ع هذا القرار

تم تعديل العنوان ليتناسب مع الموضوع

يختي هذا أبوها مثل ماإنتي تتمنين محد ياخذها منك هو بعد يبي يشبع منها
إذا بنتك ترجع لك سليمة ماعليها آثار إهمال أو تعذيب ماله داعي كل هالتشنج
ولا ترسلون له كل شوي زهقتوا الرجال هو أبوها وبيخاف عليها زي ماتخافين عليها كنكم تقولون له مانثق فيك وهذا غلط
تقولين لما إنخطبتي أخذها عندك عشان يضغط عليك وماأعتقد هالشي صحيح الحضانة تنتقل له بعد زواجك ويمكن كان يبيها تتعود ع الجو والبيت لاتاخذين الأموز بحساسية أما تمنعينه يشوفها وتكبرين الموضوع ومحاكم في ذي مالك حق صراحة

__________________

وبدأت تحدي إنقاص الوزن الهدف إن شاء الله 55 كيلو

شوفي ي اختي انا بقول انه يخاف ويحن عليها لكن لما تكون تعبانه ويبغى ياخذها نقول له تعبانة تظنين يسأل احد وداها المشفى ولا اوديها او ع الاقل يسأل كيفها والله يطنش ينتظرها تطيب ويطلبها
وم اختلفنا ابوها لكن مو من حقه تقعد عنده اسبوع . وخصوصاً بالعمر هذا .واذ ع الحظانة بنتي باقي بحظانتي لو تزوجت تنتقل حظانتها لأمي حتى تبلغ سبع سنوات
وبخصوص ازعجناه بالرسايل طيب ايش نسوي مع واحد م يفهم كلمه خالي قال بنتك لك يومين ف الأسبوع يقول طيب حده نعطيه بنته ويسحب علينا ونضطر نرسله

شكله مايبغى يحتك فيكم كثير ومايبي يكثر كلام معكم أو إنه مو مصدقكم وحاس إنكم تصرفونه لكن لو قلتوا له تعبانه ودها المستشفى ماأظن بيقصر
يختي هي كل الشهر عندك وش بيصير لو أخذها أسبوع لاتحرمينه منها
مو من صالحك ولاصالح بنتك يكون إحتكاكها فيه قليل كذا بتكبر الفجوة
ماراح يحس إنه عاطفياً مرتبط فيها ولا راح تتعود عليه ومحد خسران إلا هي وهالشي بيبين إذا كبرت خليها معه أسبوع تتعود على بيته وأخوانه وزوجته وشكل زوجته بنت حلال إذا تقولين تاخذها معها لأهلها خليها تتعلق في أبوها وتتعرف عليه لاتحرمينها من هالشي إذا كبرت ماراح تسامحك إنك بعدتيه عنها أول مره قطع المصروف وبعدين لو عاندتي بيقطع حتى السؤال وبتكون تربيتها مسؤوليتك لحالك ، كم مطلقة تتمنى أبو عيالها يحب عياله ومتعلق فيهم زي أبو بنتك لاتعاندين ولاتأذين الرجال له حق بالبنت زي مالك حق فيها لاتستخدمينها وسيلة عقاب

__________________

وبدأت تحدي إنقاص الوزن الهدف إن شاء الله 55 كيلو

اذا فيه اهمال وضرر
بس يكون فعلا فيه اهمال
روحي المحكمه ونظمي العمليه
لكن مااعتقد انه يعاندكم
احسه يحب بنته ومهتم فيها

الآهمال ملاحظه في اكلها
طيب ايش تظنين تصرفاته ..انا م حرمته من بنته انا قلت ياخذها يومين ف الاسبوع
او ياخذها يـومياً من العصر الى العشاء!!

يبغاها تتعود على اهله على عياله الثانين ممكن
طيب عندي اقتراح
الفتره الجايه لا تضغطين عليه
خليها ياخذها لو شهر
ولا تتصلي ولا شي
ولا ترسلي ولا تبيني انك مهتمه
وخلينا نشوف رده فعله
هل فعلا كان يعاند ورسائلكم تستفزه
وحاس انه مقيد بشوفه بنته وانكم تراقبونه
وعند
او ممكن اذا حس بالامان وانكم ما تضغطوا عليه
يطيح الي براسه ويبطل ياخذها مده طويله

والله فكرت فيها قبلك بس م قدرت اتحمل طويلة

فعلا
خلي بنتك تتعلق بابوها
وتاخذ حقها منه
من اهتمامه ووقته وحنانه حالها من حال باقي اطفاله
خليها تتعود عليه ويكون لها مكانه بقلبه وعلميها تحبه

ياخذها اسبوع في الشهر ؟