خيانة زوجي بعد 18 سنة زواج
مساء الخير حبيباتي
انا جديدة بالمنتدى
وعندي مشكلة حابة احكيلكم عنها
انا متزوجة من 18 سنة وعندي 4 اولاد كنت عايشة ومبسوطة ومرتاحة بس من حوالي سنتين اكتشفت خيانة زوجي الي هالشي دمرني تدمير واجهتو وصارت مشاكل بيناتنا مابحلها الا ربنا والغضب سكن جواتي وانكسر كلشي حلو كنت عايشة فيه لما واجهتو صار يكذب وزيادة عن هيك حلف يمين عالقران انو هالخسابات اللي اكتشفتها مو الو
بيوم من الايام دخلت ع اسم بنت من البنات اللي عندو حكيت معها وطلبت تبعتلي صورة لهالشخص ياللي بهالحساب وبعتتلي صورو وقايل للبنات اللي عندو انو هو مطلق وعايش اعزب حاليا وووووو
واجهتو كمان بالهشي وخليتو يشوف المحادثة بيني وبين البنت كمان صار يكذب ويحلف وانا من هداك اليوم اتفتحت عيوني ع شغلات كانت تصير قدامي وانا اتجاهلها من باب الثقة واكتشفت ارقام بنات بجوالو باسم رجال وبرامج يحملها ع جوالو ولما اللي بدو يرجع عالبيت كان يحذفها وجوالو كان طول الوقت بايدو
المشكلة هو لحد الان لسه بحب يعمل مغامرات ويروح هون وهون بالرغم من المشاكل الي صارت والحكي اللي صار بيني وبينو ولسه بيكذب علي لحد هاللحظة بيكذب علي لاتفه الاسباب وبكشفو انو عميكذب بواجهو بكذبتو بيطلع علي بالعا وبيرمي بذنبو علي
حاليا مافي بيني وبينو غير علاقة زوج وزوجة مع العلم اننا متزوجين من بعد قصة حب 5 سنين
انا قاعدة معو عشان اولادي مع اني عمبموت كل يوم ميت موتة وعمحاول انسى ماقدرت خيانتو ببالي طول الوقت بقعد لحالي ببكي ببكي وبتحسر ع حالي وع حظي بعد هالعشرة بيني وبينو بيعمل فيني هيك وبحس نااااار وبركان شاعل بقلبي
تم تعديل العنوان ليتناسب مع المضمون
التعديل الأخير تم بواسطة ويبقى الحنين ; 25-08-2016 الساعة 09:15 AM
24-08-2016, 05:43 PM
ضوابط المشاركة
العرض الشجري