مدري وش اقول ولا خطر ببالي اني بكتب مشكلتي هنا لاني متصفح من اربع شهور لهذ المنتدى ببداء بختصار انا متزوج عام 1417 وكان عمري 28 وزوجتي الغاليه 18 سنه
صارت مشاكل كثيره ونفصلنا اربع مرات وطلاق مرتين والسبب اخوانها الصغار وخالها الي يزور اخته الي حماتي كل خميس ويؤثر بالعايله كثير الله ياخذ عمره عاجلا غير اجل وقد تسبب بطلاق اخت زوجتي الصغيره بعد زواج اقل من اربع شهور
زوجتي تغيرت مو مثل اول في رمضان 1437 قالت بروح انا والاولاد للشرقيه اربع ايام وراحت وتركتني انا ادبر فطور رمضان وانام بدون سحور وفي ليلة عرفه يوم 1437/12/8 الفجر جت وقالت ودي اروح الشرقيه وقلت وانا من يعيد معي العيد لان لايوجد لي احد بالرياض كل جماعتي وقرايبي في مدينة حايل المهم فجر يوم عيد وانا منسدح بفراشي الفجر الساعه 3.3 جتني فكره اطب عليهم بالشرقيه ورحت ووصلت الساعه 8 طقيت باب الشقه وفتح ولدي الكبير وستغرب وصولي ودخلت على زوجتي ولقيتها نايمه وجوالها بالشاحن خذيته ورتحت للصاله افتش الجوال لان الشيطان لعب علي علا ماقريت من قصص تشيب الراس اكبر شي مسويته تتابع ناس بتويتر ولا لها ولا تغريده واروح السناب مالقيت الا ناس تتابعهم مشاهير وروح الواتس مالقيت شي مريب المهم جت ونصدمت يوم شافتنتي بالصاله قالت لا انت مو زوجي انت جني متلبس علا هيئة زوجي ضميتها وقلت انا زوجك بشحمه ولحمه دخلنا الغرفه وكان 2 من الاولاد الصغار نايمين وقالت ليش تفتش جوالي وصار شد بالكلام وقلت الان انا راجع للرياض وباخذ جوالك معي قالت خذه وخله معك
رجعت للرياض الساعه 1 الظهر وانا نادم ليش خذيت جوال زوجتي المهم جتها تهنئة بالعيد من جميع اهلها وصديقاتها بالواتس وانا مافتحته بس اقرا من برا
جو من الشرقيه ثالث يوم العيد وعطيتها الجوال وقالت مابيه بكرا اطلع شريحه باسمي وشتري جهاز جديد او تنقل الجوال باسمي قلت سمعا وطاعه ياقلبي اليوم الخميس 1437/12/14 رحت الفجر انا وهي للمطار مكتب الاتصالات ونقلت الجوال باسمها وبصمت علا نفس رقمها وبعدين رحت فندق صحاري المطار وفطرنا انا وهي واشوى كانها خف الزعل شوي وقالت برجع السناب شات والاستقرام وبحط جوالي برقم سري ماتفتحه ولا لك علاقه بجوالي قلت ابشري حطي الي تبين واضيفي سكان السعوديه كلها بجوالك ماراح اقول شي طلعت من مطعم الفندق ولقى صرافة بنك الرياض واسحب 2000 وحطها بشنطتها تغيرت كثير مررره مررره قلت بقلبي لو ادري سحبت 5 الاف وعطيتك ركبنا السياره طالعين من الفندق وخذ تاسف وانا مهملتك عشانك مهمد لني ولا تجلس معي انا الام والاب وكل شي بالبيت قلت وعد راح اتغير مررره معك هذي عشرة 20 سنه مهي لعب رجعنا البيت ورحت للمجلس انام فيه لاني شهر انام بلحالي وبعد نص ساعه جت وطلعت الصغار من غرفتها ونومتهم عند اختهم ولقيت شموع والغرفه باااارده مره قلت انسدح علا السرير بس لاتنام باخذ دش واجيك وانا مو صدق 35 يوم ماسويت شي والله بعض الاحيان اقوم من نومي القى نفسي موصخ ومخرب كل شي طلعت من حمام الغرفه بالفوطه وصار احلى علاقه حميميه ماقد ذقتها من يوم انا عريس الحمدلله الامور الان تمام والشيطان لعب علي ان زوجتي لها علاقات بالواتس او اي شي لاني كتبت بالقوقل زوجتي تخونني وطلع الكلام نفس الواقع الي تطبقه معي زوجتي وهي السرحان الانشغال عنك الجوال بيدها طول الوقت السهر وحدها حتى 4 الفجر الطلعات الكثيره للسوق تغغير لون الشعر وليزر الوجه والاهتمام بنفسها اكثر
يوم قريتها انهبلت نفس الي تطبقه معي زوجتي
قلت لها انتي تحبين غيري ضحكت وقالت بعد 20 سنه زواج تسالني هالسوال الي عندها السوالف علا طول ريحتها تفوح والغلط لازم ينكشف مهما كنت ذكي وعبقري وبعدين انا اخاف من الله وهي فعلا صادقه الصلاة ماتتركها وصيام الوقفه وعاشورا
هذي قصتي وهل فعلا انا غلطت يوم رحت الشرقيه لها وخذيت جوالها وجلست نص ساعه معها ورجعت الرياض بنفس الوقت شكرا لكم هذا الي قدرت اختصره لكم تحياتي

غلطان ونص

انت من الاشخاص اللي يتأثرون بقصص الخيانه ويشكون في الطرف الاخر

لاصارت حالتك كذا ابتعد عن اي موضوع سلبي يؤثر عليك وبالذات قصص الخيانه ..


يعني انت فصفصفت جوال زوجتك يومين ولا لقيت ولا شي ..
ولك عين تشك بعد ؟!!

وبعدين من جدك
بتروح للشرقيه هي وعيالها علشان تخونك !!
بتخونك وعيالك ماعندهم احد الا هي هناك !!
شوية عقل الله يصلحك ...

ادري ريماس 3
انا غلطان والشيطان شاطر لاكن تعاملها وتجاهلها لي هو الي هبل فيني حتى اذا جيت اتروش كانت تدخل معي تليف ظهري----مالي حق انجن من التصرفات

ابد هالشي ماله علاقه بالخيانه

احتمال انها تكون مضغوطه وهالشي تعبها خصوصا انها وراها مسؤؤليات واولاد

والاحتمال الثاني
تلقاها تقول انا ادلعه واهتم فيه واداريه وهو اناني ولا يهمه الا نفسه ولا يداريني ويشوف وش خاطري فيه فما لي الا اعامله بالمثل واتجاهله

والاحتمال الثاني ينطبق علي مع زوجي

بهذي صدقت واعترف لك بس يوم شفتها طنشتني انا انهبلت ارتفع السكر عندي
وجلستي بالمجلس شهر وشوي ولا بيننا الا السلام وبعض الاحيان اجلس عشر ايام ماكلمها
تبي الصدق انا جبتها على نفسي الله يالدنيا اذكر كانت تحط يدي اليمين تحت عبايتها وانا بالسياره تقول الشمس لاتوذيك والله كل ماتذكر تضحياتها معي تجيني كتمه بقلبي
والان كاني متزوج رجل معي بالبيت ولا تسال عني مره دخولي او خروجي لايعني لها شي وهذا الشي زعلني كثير وحطيت حرتي بالشيشه والكفي حتى الاكل ماكل حتى جتني جلطه بالقلب شهر 3 اي قبل 9 شهور وزارتني بالمستشفى وهي تبكي وانا ماطلعت لها

التغير من عام 1433 يعني اربع سنوات يعني مو 7 او 9 شهور

سؤال
ليه هاجرها شهر ونص ونومتك بالمجلس؟

هاجرها لانها مطنشتني وانا مطنش ع الاخر

هل عاتبتك على نومتك بالمجلس والا عادي الوضع عندها ؟

لا عادي جدا جدا ماهمها نومي بالمجلس وانا احترق من داخل كل ليلة

ودايم تقول لي روح تزوج واتركنا انا والاولاد بس عطنا مصرفنا وروح تزوج
وخل تبقى ذكرى حلوه بيننا خلني اتذكرك بشي زين
وعزمت الزواج بس باقي تخطيط بسيط ويتم الزواج من ارمله اكبر مني باربع سنوات
والسبب اني ابي زوجه وام وحنان وكل شي
وهذي الارمله اذا شفتها كان عمرها 36 وليس 52