السلام عليكم

بختصر الموضوع، انا عندي بنت عمرها 7 سنوات سجلتها الان في المدرسه الصف الاول ابتدائي، رزقني الله مولوده ثانيه قبل شهرين تقريبا، المهم البنت يبدو لي انها غارت، تصرفاتها انقلبت 180 درجة، نفسيتها في الحضيض، تخاصم ع اتفه شي..

اللي اتعبني واتعب امها انها بهدلت البنت الصغيره، ما تعتدي عليها، لكن ع سبيل المثال تحاول تلعب معها بدفاشه، تبوسها بقوه، ما تخليها ترتاح، لما تشوفها نايمه تروح تبوسها بقوه لين تصحيها من النوم، اليوم كل شوي امها تنوم الصغيره وتروح عندها في سريرها وتبوسها بقوه في راسها وخدودها لين تصحي، حتى امها تعبت لان الصغيره صعب تنام واذا نامت توجهت لها عالسرير تبوسها لين تصحى، انا هنا وفي غير العاده فقدت اعصابي وضربتها ورفعت صوتي عليها، وانا لي فتره ماسك نفسي مع ان الوضع صاير منرفز بشكل غير طبيعي..

طبعا للتوضيح اكثر لم يرزقنا الله بأطفال بعدها ع مدى سبع سنوات، وهي الوحيده ومدلعه عندنا وعند أجدادها واخوالها واعمامها بحكم اننا ساكنين قريب من بعض، لكن يبدو انها تعيش صدمه والله أعلم..

طبعا توقعت انها بتلهيها المدرسه بحكم انها بتنشغل بالدراسه وتتعرف على صديقات لكن مع الاسف ما فادت..

اللي عنده حلول او خبره يا اخواني واخواتي لا يبخل علي لاني حسيت فعلا اني عاجز ومضطرب من هالوضع ومتضايق جدا..

شكرا للجميع

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ