سلام عليكم

اخواني انا خاطب منذ سنه او اكثر عمري 23 وخطيبتي 18
التواصل بيننا يومياً سوا باتصال او واتساب
عموماً انا احبهاا جداً جداً وهي تحبني لاكن بعض الاحيان كذا احس بعدم الاهتمام في كلامي مع اني انا والله مهتم جدا جدا فيها واترك بعض المشاوير او الاشغال عشان اتواصل معاها عموماً طبعاً انا بالعادة قبل ترجع البنت من مدرسه ارسلها رسايل اتطمن عليها ورسايل حلوه كذا عشان اذا رجعت تشوفها طبعاً تشوفها وترد و انا بعد م اطلع من دوام اتصل عليها لاكن من ثلاث ايام يلي مرت اكلمها كذا احس انها متضايقه وكذا م لها خلق تتكلم اقولها وش فيك تقول تعبانه اقولها طيب تعبانه من وش تقول مدري اقولها طيب ارتاحي خلاص تقول والله تعبانه لاتزعل مني اقولها لا عادي م راح ازعل بس قوليلي وشفيك تعبانه تقول مدري كذا احس بتعب ومالي خلق المهم ي اخوان امس يوم رجعت من مدرسه ردت علي وقالت انا طالعه مع اهلي بتغدا واذا رجعت بكلمك انا رديت قلتلها طيب وانتبهي لنفسك طبعا هذا الكلام الظهر جا العصر ونا انتها دوامي وراسلتها قلتلها رجعتي شوي ردت قالت اي من زمان رجعت ولحين بطلع مع اهلي نتمشا عشان خميس وانت اطلع تونس اناا طبعاً هاشوتها وكذا وقفلنا الخط وحنا متزاعلين وارسلتلها رساله كذا اعتذار بسيط عن هواشي تشوف وم ترد ولحين ي ناس احسها كذا م همها تغير صورها بالواتس احس متعمده بصور كذا وناسه وصور يدها ونا سبق وقلتها لاتحطين صور يدك ونا لما نتزاعل اكون متضايق م اقدر اطنش مثلها وهي احسها مستانسه وش رايكم ي اخوان

وسامحوني على الاطالة


تم تعديل العنوان ليتناسب مع المضمون

رأيي لاتصير نشبة
مو تقل دوام تحضير وانصراف، لازم اكلمها أول ماتجي من المدرسة ولازم أرسل لها واتس أب
أثقل شوي، والقليب هذا اللي يشتغل هجده بعد
كلكم خبرتكم بالحياة صغيرة جداً، وفاضين لأشياء تافهة راحت ماردت غيرت صورت الواتس حطت يدها!!!

عموما أخي الثقل صنعة وأنت الرجل ولاتنجرف ورى عواطفك، أتفهم أنك خاق مع البنت ورايح فيها كرجل، بس أكبح شوي من اندفاعك، وخل البنت تحس أنك ثقل، ولا تكثر التفكير بها راحت جت درست طلعت مع أهلها نامت قامت، خل الأمور تمشي ببساطة وهدوء حصلت فرصة تكلمها خير وبركة، ماحصلت أيضاً لاتستعجل، وموفق حبيبي.

__________________
ياصبحِ لاتِقبل !!
عط الليل من وقتك..

ردك جميل وهذا انا محتاج منكم النصايح مثل كذا باذن الله اجبر نفسي ع الثقل

مو تجبر نفسك على الثقل تمثيل، ترى بتفهم هي، لكن خلك ثقل بشكل طبيعي، يعني خل عندك القناعة الداخلية أي لاتنجرف ولا تحسسها أنك ثاقل عليها علشان تجي هي لأنها يمكن تعاملك بنفس الأسلوب، لكن خلك بارد (وحط بالبريق ماء بارد) واسعى إلى غرس المودة والاهتمام والحرص عليها، وتذكر إنها صغيرة وقليلة خبرة في الحياة، وهي ابنة هذا الجيل الذي يهتم كثيراً بالشكليات ولا تدقق كثيراً عليها، وكنت أنتَ المتفهم والقائد.

__________________
ياصبحِ لاتِقبل !!
عط الليل من وقتك..

رد جميل جدا أضحكني...ذكرتني باﻷيام الخوالي كان زوجي نفس الدقة ...التلزق مهو بزين وأنا أختك..ينفرها بزيادة..أعطها مساحة من الحرية والابتعاد شوي...ولما تشوف الوقت المناسب وتجتمعون عاتبها بلطف على مخالفتها لرغباتك من وضع صورة يدها أو ما شابه ..حتى تحفظ هيبتك وحبك معا..وفقك الله

يعطيكم العافيه استفد من كلامكم جداً

والله ييسر الامور ويعين ويبعد عنا وعنكم المشاكل😊

والله قريت موضوعك جتني الضحكة
الأمور بساطة

زي ما قال الأخ نت مان
تشغل وقتك بامور بسيطة مثل طلعت دخلت ردت ماردت
تعبانه ماتعبت اوك تعبانه سلامتك ترا اخرتها انفلونزا بسيطة
تغير صورها بعد بكيفها

اهتم فيها بالقدر المعقول ،كلمها يوميًا ماعندك مشكله بس لاتضطرب اذا ماردت عليك
خلاص ماردت الله يحفظها انتظر اتصالها ،ممكن تخرج عن هالقاعدة يوما ما وتدق ثانيه ماعندك مشكله ..

الله يتمم عليكم ويسعدكم يارب

جزاكم الله خير

طيب اخواني الان حنا متزاعلين وبين مده ومده نتزاعل بسبب سوء فهم او اختلاف يمر يوم او يومين وحنا متزاعلين احسها مطنشه وماهمها و انا اتضايق وم اقدر اصبر واراضيها

لحين متزاعلين عشان مثل م ذكرت بالموضوع م ادري اراضيها او اطنش مثلها

اسف ع الاطالة اخواني بس والله محتاج نصايحكم وإفادتكم

هي تدري أنك ماتقدر تصبر وتدري أنك تفكر فيها 24 ساعة
أنت الآن تحط راسك براسها أو تنزل نفسك لمستوى أقل، وأنا اتفهم كثير وضعكم وعمرك وعمرها وحركات الكر والفر نتيجة عدم الخبرة بالحياة.

حاول ترسلها حبيبتي مايصير كذا كل يوم نزعل على أمور تافهة، خلها تحس أنك أكبر عقل منها، وبعد هذه الرسالة خلك ثقيل، مو ثقل تغلي أو تكتيك، إنما ثقل رجال، ولاتدقق والأمور ماشي وتبي تلحق على أشياء كثيرة تتمناها.
كم باقي على زواجك؟

__________________
ياصبحِ لاتِقبل !!
عط الليل من وقتك..

والله تعبت

والمشكلة انها كذا اشوفها طبيعي م تحس بيلي احسه انا
وراسلتها تقولي (انت رفعت صوتك علي لاتكلمني لو سمحت)

والزواج انا افكر على اخر السنه هذي او 8 شهور كذا