السلام عليكم
أرشدتني صديقة للموقع بعد ان تعبت وانا أدور عن حل لمشكلتي وأرجو من الاخوة والأخوات إرشادي لحل هذه المعضلة
تزوجت من سنتين ونص من واحد مطلق مامعه أولاد ومطلق من 7 سنوات وعمري 34 وعمره 39 لاحظت منه فتور في العلاقة بالإضافة الى اني اعرف عن ظروفه المادية يعمل عمل بسيط وانا كنت اعمل بوظيفة براتب لا باس ثم لظروف واجهتني لم استطع المواصلة
وأوصلت تدريس القران براتب بسيط جدا
المهم وصار كل ما يصير له شي أقوم أبيع ذهبي لين ما صار معي ذهب لعل الظروف تعتدل
المهم انا احبه وله قدر من قلبي
وهو بعد يبين قدري
من بداية الزواج لاحظت ان عازف عن العلاقة قلت يمكن متعقد من امر او شي عجزت افهم
على فكرة اكتشفت ان هو عنده ضعف في الحيوانات المنوية لكن هل له دخل في دم رغبته في الجماع ؟
ادري ان الموضوع حساس لكن ودي اطلع من هالهم انا عمري كبير وقريب ادخل 35 وفرصة الإنجاب ضعيفة من غير ان مبلغ العلاج مامعنا
اكتشفته دائم مرهق واتعبنا ويبي ينام ويستحم كثير وبعدها عرفت ان يمارس العادة السرية بكثرة واجهته وأنكر وقلت له ان حلالك ومبتعد عني ولسى عروس ولما أروح بيت أهلي هو يفرح انا اصلا امي وأبوي متوفين بس أروح لخواتي وإذا وحدة منهم مريضة اهتم فيها لان مامعنا احد
اكتشفته يتواصل مع بنات وعامل نفسه حلال مشاكل طيب اول حل مشاكلك بعدها حل مشاكل البنات لكن عرفت ان يبي يسوي نفسه مهم

انا أعاني من بداية حياتي معه والعلاقة بالتعب تنتهي وماله نفس يسوي معي المداعبات او القبلات الا بكلام مني وينتهي هو وأحس ان ما نزل منه شي الا بسيط جدا لان هو شغال في نفسه كل وقت
انا تعبت وواجهته وأنكر وقال لا انا لما أكون في العذر ماودي أقصر فيه واجلس عنده من ناحية تفريغه وهو يحب هالشي لكن ما يحب الجماع معي
بالنسبة للبنات بلغت عنه اخوه وكلمه وبالنسبة للعادة استحي أتكلم مع اي احد
لكن مرة أخته لمحت لي ان طليقته قالت قبل مقصر معي في حق الزوجية وما جابت من عيال وهو اصلا ما يبادر
مدخن للسجائر وأحاول انصحه ويرجع وصلاته صار الحين مهتم فيها


ارجوووووووكم أرشدوني لحل لاني جد تعبت