كيفكم وكيفكن
عندي حرمة ناااااااادر جدا تتزين. المشكلة اذا طلبت منها زعلت وطبت فيني. انا اطلب منها شي واحد بس بسيييط الكحلة لأني احبه ما اطلب منها مكياج كامل وشدو وميك اب ومدري وش بعد تهرفونها يالحريم.. المهم هي تحب تبقى ساااااااادة طول الوقت،، اقول لها الحين البنات اللي قبل يتزوجن يتجملن كذا كشخة بس وانتي متزوجة وكحلة بس ولا تسوينها،، عجبا لكي من امرأة،،
اخر شي بسبب هذا نويت ان شاء الله ارتب اموري المستقبل القريب ان شاء الله واطق بالثانية واتهنى بأنثى مو واحد كنه صديقي،، واقعدي يالسادة على نفسش جنيتي. هاه وش نصايحكن يابنات

تم تعديل العنوان ليتناسب مع المضمون

ما دام نويت تطقها بالثانية مثل ما قلت .. فليش تبا تسمع نصايح البنات؟

__________________


اللهم طِيبَ الأثر .. وحُسْنَ الرحيل.

قول لها هالكلام
يا الكحلة يا الحرمة الثانية
شوف وش ترد عليك
و خبرنا

__________________

عشان اعلمكم ان بعض الحريم الرقيقات هن اللي يغصبون ريايلهن على القواز

لا مو وقته الحين ما ني مدمغ،، هناك مصالح ومفاسد ،،

ما فهمت
يعني كنه جات من الله انها ما تتكحل عشان انت تتزوج؟
شكلك فلوسك زايدة

__________________

واضح خاطرك تتزوج
ولقيت الكحله شماعه لرغبتك

لانك ماتدور حل لتزين زوجتك
خلاص قررت تتزوج وانتهى الموضوع

رجعت الى بعض مواضيعك
الموضوع اكبر من التزين
هناك فجوة بينكما و عدم توافق
الحل بيدك و انت ابخص بزوجتك و بما يناسبكما و بالحلول.

__________________

حياك الله أخوي ..

طيب نبهها بطريقة جميلة .. لاتكون طريقتك قاسية معها ممكن يكون هذا السبب..

بادلها بعبارات رقيقه جميلة ..
سمعها كلمات حب وانسى أو تجاهل وضعها لفترة اسبوع مثلا .. لا تكن لحوح بالطلب ..
انتظر لعل الله يهدي قلبها ..

لكن غريبة أنثى ولا تحب تتجمل ؟

__________________
كيف اقاوم الهم والألم. بالسجود راحة واطمئنان.

نهاية نوال..!

لا ابشرك الحمد لله زانت الامور وصرنا نمون حتى اننا بعض الاحيان نتطارح من قوة الصداقة وتصيح من الضحك اقصد تدمع،،
المهم انا ماودي اعرس يالحريم بس انا ابغى اتهنى بشبابي قبل اعجز ،، وش اسوي بحرمه ساااادة