مساء الخير اخواني واخواتي
أنا عضوة قديمة في المنتدى
لاعتبارات معينة اضطريت اسجل بمعرف جديد


كان عندي خلاف كبير مع زوجي
تركته وذهبت الى بيت اهلي
وقبل فترة قصيرة توظفت الحمدلله
هو بعد شهور حاول يرجعني ورفضت
توسطوا له اهله
وارسل رسائل وكلم مية مره
ماكنت ارد
بعد ضغط منه ونصايح اهلي
استخرت
وقررت ارجع له بشروط
جاء لعندي وسمع شروطي
وافق عليها كلها
هي قائمة طويلة
فيها تعهدات ومطالب
منها اني ابقى بعملي
ووافق
هذا الكلام قبل أيام
وانا طلبت وقت للرجعة
حتى ارتب اموري
قال اوكي


اليوم تحديدا كان عندي ضغط بالعمل
وكلمني وتعذرت بانشغالي
بعدها دقيت عليه المساء
لقيته يسولف طبيعي
وفجأة بدا بموال جديد
يقول هالوظيفة ماتناسبك مو مستواك
وانتي مؤهلك افضل واعلى
فلانة وعلانة وظايفهم احسن منك
رغم ان مؤهلاتهم اقل منك (ناس من اهله)
وكلام محبط وسلبي جدااا جدااا
انا دايركت ذكرته بالعروض اللي ضيعها علي
لما كان رافض اشتغل
وهو قال كان بامكانك تتمسكي فيها زي هذي!
قلت له طيب انتهينا وانت وافقت وخلاص
قال اكيد انا عند كلامي لكن مقهور عليك!

طبعا كلامه هذا نرفزني
لاني احمله مسؤولية احباطات كثيرة بحياتي
مارسها علي بفترات مضت
وجاي الحين يشفق علي
صحيح الراتب متواضع والوظيفة بسيطة
بس افضل من اني اجلس عاطلة صح؟


انا متوترة واماطل بالرجعة
وبنفس الوقت قلقانه بشكل عام
رغم وعوده وتطميناته
وانه تغير وصار انسان جديد الخ
بس مو مرتاحة
وشايله هم أمور كثيرة
يعني في خوف وقلق داخلي


هو يكلمني من وقت للثاني
وقايل لي بعطيك مهلة أسبوع ترتبي امورك
حتى يجي وياخذني للبيت
بس أتذكر الأمور اللي صارت بينا قبل الخلاف
واحس بضيقة بصدري
واخاف نرجع لدائرة المشاكل بعد عملي
رغم انه اكد لي بحضور اهلي موافقته
بس ما اعرف قلبي ناغزني


النقطة الأخيرة
وقت المشكلة كان يحول لي مبلغ ضعييف اخر شهرين
قلت له اني قمت بمصاريفي انا والأطفال
وان المبلغ اللي ارسله ماكان يغطي
قال انا اخذت رأي امي بالمبلغ اللي ارسله لكم
وهي قالت لي: كويس ترسل غيرك مايرسل شي!

زوجي كلام امه عنده شيء مقدس
وجملتها هذي كشفت لي أمور كثيرة
مع ذلك قلت له اللي فات فات
انا يهمني المستقبل
قال ابشري مالك الا اللي يرضيك
ومصروفك اللي تبيه بيجيك لعندك



طيب
انا ندمت بعدها
لاني ماطلبت منه يعوضني عن اللي دفعته
يعني بأثر رجعي
في الفترة اللي كنت ببيت اهلي
وكنت شقيانة مع نفسي واطفالي
هو ماعوضني عنها ماديا
وانا ماطلبت بصريح العبارة
واكتفيت بوعده المستقبلي
وهو يقول بعمل لك وافعل لك وادلعك الخ


ما ادري تفكيري ملخبط شوي
بس حبيت افضفض معكم عن مستجداتي