السلام عليكم و بعد
انا عريس و في شهر العسل و طبعاً في البداية تمت الخطبة عن طريقة صديق للوالد علماً اننا لا نعرف عائلة العروس او اي شي من هالقبيل فكان حقلةوصل هذا الشخص .
و تم الزواج و لم اتواصل مع العروس من قبل الزواج علماً ان فترة الملكة كانت 7 شهور و كنت مرتاح بعد ما صليت الاستخارة لكن اللحظ منهم شوية عدم تقبل انا احس فيه من الملكة و احاول اكذب نفسي و الحمدلله تيسرت امور الزواج و ليلة الدخلة حاولة انا ابداء في الجماع علماً انها بدلة فستانها و كانت مهيئة نفسها لي باللبس و كذا و الوضع عادي جدا و حاولت و ما قدرت فتركتها و نمنا و صحينا من بكرة و على المطار .
و صلنا بالسلامة و حاولت افاتحها بالموظوع وكذا و اصريت عليها و فضت البكارة و كذا انا راح مني حمل كبير فقلت طبيعي بتتعب و بعدها بتفك الحواجز اللي بيننا و تركت الجماع معها اكثر من 3 ايام عشان ترتاح و كانت هي ترفض و اقولها اوكية انا متفهم و اليوم الرابع اصريت عليها و نمنا سوى و الامور تمام و دخلنا اجواء رومنسية احنا الاثنين و كانت الامور تمام .
علماً انها قليل تسولف معي كل هالفترة و من وصلنا مدينتنا اللي رايحين لها حتى مسكت اليد تحاول احيان تدف يدي .
حاولت اجلس وياها جلست مصارحة و تكلمنا صدمتني بكلامها تقول اني ما ابي انجاب الا بعد سنة و انا اصلاً مو متعودة ادخل مع الناس على طول يبي لي سنة عشان اقدر اخذ و اعطي و كانها تقصدني وحسيت انها فيها ثقالة و كذا
يا ناس انا بكل صراحة ما دخلت مزاجي من ناحية جمال و اخلاق ادري بتقولون تو و ببداية الطريقة بس الايام اللي راحت انا تعبت نفسيتي كرجل كان وده ان يكون شهر العسل كله عسل لكن تفاجأت باسلوبها و لا كلمة قالتها لي خلال فترة شهر العسل الا كلمة وحدة بس شكراً
علماً اني احاول اضمها و احيان و احنا واقفين و احاول اني اكون قريب منها لكن انا بين نارين صراحة اولاً ماهي بالشي اللي انا ابيه علماً اني الحمد لله من ناحية وجاهه و منصب يالله من فضلك و كشخصية انسان محبوب و جميل و حسن المظهر و اهتم حيل لكن هي الله يهديها يعني ما فيه شي بصراحة يستاهل اني اصبر الا انها عن طريق شخص عزيز علي و هو حلقة الوصل و ما ابي افشله و اكون انا الخطاء
احيان تبي تامر و اقولها يمين تقول لا يسار اقول يالله ما عليه نمشيها بس الدعوى طالت و حالياً اجي اجلس معها احيان بالروب و اقول لها تعالي سولف معي و هي تكون معطينني ظهرها تقول لي انا ما اكلمك و انت كذا تقصد اني لابس الروب
يا ناس و الله لو هي جميلة اني اتحمل لجل الجمال و الزين بس كذا اوفر استغفر الله العظيم انا تعبان نفسين وهي الاشياء اللي تسويها اوفر مرة يسولفون لي اخوياي اوكية تصير اشياء زي كذا بس مو بالمبالغة اللي انا اعيشها
سالتها قلت انتي مغصوبة علي ترد تقول انت سبق وسالتني هالسوال ماله داعي تعيده و تعطيني رد سخيف و غير واضح
الان كل ما اجي ابي اجامعها ترفض و تقول تبانه طيب محنا نمن مرتين و خلاص الامور تمام
كانت اول تجيني لابس روب خفيف و اشياء مغرية اللحين لا و لا صارت تهتم حتى بنفسها
حاولت اني اقطع شهر العسل بس ماكو فايدة وخفت اننا نرجع و يدرون باللي بيننا
مدري وش ازين مع اني ما قصرت معها بشي متقضيلها و متقضي لاهلها هدايا و مدلعها اي شي تبي اقول خوذيه
بس الظاهر انها من النوع اللي يرفس النعمة
ساعدوني بليز
جالس عندها الان و هي تقلب بالسناب و تسولف بالواتس اب ؟؟

ليش ماتواصلت معاها خلال الملكه؟؟؟؟
ليش تضايقت منها لما فضلت تاجيل الانجاب؟؟؟
مفروض تروحو شهر عسل بعد ما تعودو شوي بعض
وبصراحه ما الومها واشوف وضعها طبيعي يعني كيف تريدها تكون مثلا؟؟
جريئه وتسولف وتضحك وتتجاوب معك في كل شي وانتو متزوجين تقليدي بحت

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

ههه
معليك مع الوقت راح هي تصير تطاردك
الموضوع يحتاج صبر وحكمة وحسن تعامل
ولا تنسى انتم في بداية الزواج ومحتاجين تتعرفون ع بعض اكثر
الشخصيات والافكار والطباع تختلف
نصيحني لك اصبر عليها ولا تستعجل بالنتائج
وخلها تشوف الجانب الحسن منك وعاملها بلطف
واسأل الله لكما التوفيق

__________________

الغريب إنها مي معجبتك لا من شكلها ولا من أخلاقها
وفوق كذا تبغاها تطيح الميانة معك
يمكن كان واضح من اسلوبك معاها قاسي
وقالت لك انها ماتبغى عيال عشان
تشوف وضعها كيف معاك...
ويمكن صغيرة بالعمر....

وليه ما كان فيه تواصل بينك وبينها أيام الملكة؟؟

مبروك عكيك الزواج
مزال ما تعودت عليك
كيف تحب واحدة لم يكن اي تواصل بينكم تعتاد عليك بسرعة
كان عليك ان تتواصل معهااثناء الخطبة وتكسر بعض الحواجز
ولتعلم ان الشاب والفتاة ليسو سواء حتى مع من تعودت عليه مع الاقبال الكثير في اول الايام للزوج تمل وتكره حالها لانه لا تحس بمتعة الا مع الوقت اصبر عليها

وبليز لا تذكر سالفة الجمال حتى مع نفسك لانه ليس لها ذنب شفتها و قبلتها
لانه لو احست ستكرهك وتفقد ثقتها في نفسها وبعدها شوف وش يجيك

السلام عليكم

يعني انت عايزها ودود ولود واذا نظرت اليها سرتك ؟

لم يكن بينكم اي تواصل من قبل وانتم الان في شهركم الاول >> تو الناس
, طبعي ترفض مسكة اليد والحضن و ما تتكلم كثير وتحاول تبتعد ...
المصيبة لو انك تبدا تُبدي كره لها وتُبين ان جمالها و غيره تحت خط المقبول عندك ... وانك انت فايv ستار ...
ايش مفكر المراة يا اخي ؟



نصيحة والله التمس في معاملتك معها مبدأ : أدومها وإن قَلَ ...

لازم الصبر في البداية
من ناحيتك ومن ناحيتها
يووووه كل زوجين لو تسألهم عن اول ايام زواجهم راح تسمع العجب لا تسمع من الناس اللي تقول لك انبسطنا وطبعهنا زي بعض ويبالغو بالمثالية كذابين
اول ايام وشتور وسنين الزواج صعبة أجل كيف تجي العشرة !
شوي شوي الين تتأقلمو على بعض

يا أخي أفهم
انت ماتواصلت معها خير شر من ايام الملكة
ولا تعرفها ولا تعرفك ابدا من قبل
ولا انت قريب لها ولا شي
كيف تبيها تطيح الميانة معاك من اول كم يوم لكم مع بعض؟!
انت مستوعب انك ماكملت شهر معها وقاعد تطلب
أشياء كثيرة تسويها لك؟!
يا خي شوية شوية عليها، أصلا انا مستغربة كيف
دخلت عليها وسلمتك نفسها وماعمرها شافتك ولا سمعت صوتك ولا تعرفك من قبل ، كذا بكل سهولة
في ايام قليلة؟!
ترى هذا شي يُحسب لصالحها ، لأنه شيء صعب على البنت ، وانت لازم تقدر وتعرف هذا الشي
البنت مو متعودة عليك ، خف عليها
شوية شوية بتتعود عليك و ماتقدر تستغني عنك
بس خفف التصاق فيها ولا تطلب منها أشياء كثيرة تسويها لك، ولا تتوقع منها اي شي
لا تدخل نفسك بقوة لحياتها
خلك خفيف دم و روح .. عاملها كأنها صديقتك
عاملها بلطف ورقة في كل وقت
ساعدها في أبسط الاشياء
مثل وضع سفرة الاكل
او ترتيب الملابس
شاركها اهتماماتها
اخترع سواليف من عندك
كلمها عن نفسك
لكن لو حسيت انها ماتبي تسولف او تعبانة تبي تنام، اتركها براحتها لاتضغط عليها بشي
ترى البنت سهل تكسبها بس يبيلك شوية ذكاء في التعامل.

__________________