تعببببببت من هالوضع والله مو حاله ..

تخيلوا الصاله سراميك والتلفزيون على طاوله زجاج بالارض و فيه كنب وفرشه صغيره ،.

و مكيف الصاله بس كذا مايبرد ولا شي حااار جمررر .. من اول صيف لي لاحظت بس سكتت وقلت ماعليه و والخ بس بالصيف هذا عندي بنت عمرها 10 شهور وانا حامل اخر السابع ..

قلت له الصاله مو مريحتني تعبت من رمضان هذا وانا وبنتك تعبنا لازم تضبط الصاله .. تعلق التلفزيون و تجيب مكيف سبيلت وتفرش الصاله سجاد قوي و تجيب مساند عشان جلسه ارضيه لان الكنب موووووووووو مريح من النوع اللي يكسر الظهر و بنتك بس قدام التلفزيون بالمشايه وتفصله وتقرب له حيل يعور عيونها قال نزليها طيب قلت انزلها تروح تحبي للسراميك والسراميك فيه بودرة سم مع ان نظفته بس لسا في اماكن فيها مابيها تحبي عليه وكل شوي اقوم ارجعها يعني تخيلوا مع هالثقل اقوم كل شوي وتروح للطاوله وتتعور او القاها تلحس السراميك يعني مقدر اخليها واكون ضامنه انها بأمان لازم افز واذا بقوم عنها اخليها بالمشايه .. و حررر موت كل خمس دقايق اغسل وجه بنتي واشربها مويه بارده تصير كنها عصفووووور ميت حر تشرب بشرااااهه و خدودها تحمرررر .. و انا لما اجلس عالكنب ظهري يوجعني لانه مو مريح للحامل ومعروف الحامل ازين شي لها الارض تتمدد و الخ اجلس بالارض كأني عالسراميك لان الفرشه مو قويه يعني والله تعبت صبرت وصبرت وصبرت لكن هالاسبوع خلص نفذ صبري وصرت ازن و ازن لان جيت بالطيب مانفع واليوم ارسلت له وانه يقول ترى صرعتيني بهالموضوع ماني جايب مو عاجبك روحي لاهلك بجيب متى مابغيت و والخ هو بالصيف هذاك لما اقوله هات مكيف يقول خلص قرب الشتاء اقوله افرش الصاله يقول بالشتاء احسن وجا شتاء ومافرش يماطل لين قرب الصيف وانه يقول خلص الحين جا الصيف ماينفرش ومدري ايش طيب هات مكيف .. مكيف ليه وقرب يخلص الصيف .. وعلى هالموال .. المهم قلت له اي والله مو عاجبني و راح تجي ماتلقاني قال ازين .. وسكت عنه والحين محتاره مدري وش اسوي ادري بتقولون انتي كل شي عندك اروح لهلي .. طيب مالي بعد الله غيرهم شسوي وهالموضوع هلكككككككني مدري هو كسل ولا بخل مدري وش وضعه بس تعبت والحين مدري وش احسن اروح لين يضبط الصاله ولا اجلس وانثبر وانطبخ انا وبنتي هو طبعا مو حاس لان كل يوم برا ولما يجي ع طول بغرفة النوم و مكيف الغرفه بارد وحتى اكل ياكل بالغرفه لانه مايتحمل يجلس بالصاله ههه

__________________
تم تغيير النك .. < ريتاج2016 سابقا

طيب انقلي تلفزيونك للغرفة وعيشوا فيها
وقولي معليش يمكن ضغطت عليك
خلي لي مبلغ شهري أحفظه وبعد كم شهر نأثث وإبدأي بالمكيف ثم الفرشه والحمدلله

حبيبتي اخذي الامور بهدوء
ادري انك حامل وتعبانه وبنتك صغيرة ويبي لها مجهود ..
الواضح ان اثاثم مش قديم من عمر زواجك
فلو كلما طلبنا غيرو لأفلسو وركبهم الدين ،،
المكيف قولي له يجيب له عامل تنظيف وتعبئه فريون اتوقع حينفع معاه ،،
الكنب م عليش تحملي خصوصا لو انه م كمل خمس سنوات ,,
بالنسبة للسيراميك هو الشي الوحيد اللي انا معاك مع تغييره بس للمعلومية الزل مش حل مثالي خصوصا مع اطفال صغار لا حتقدر بنتك تمشي فيه بالعربية وكلما رمت شي حيتوسخ
وبكرى مع تعليم الحمام حتتعبك


الحل لمشكلتك تقنعي نفسك قناعة تامة بالمتوفر عندك وتحاولي تتعايشي مع الموجود والمتوفر خصوصا في هالفترة عصبيتك تأثر ع الصغيرة والجنين
وانسي روحة بيت اهلك !

__________________




ربِ هب لي من لدنك ذرية طيبة أنك سميع الدعاء

يختي وش ضغطت عليه وضعه الحمدلله وماشاء الله فوق الممتاز
وراتبه 12 الف و اهله بعد ماشاء الله يعني الله منعم عليهم ومع هذا صبرت من
اول زواجي والحين باقي شهر نكمل سنتين وتوني بديت اشكي واتكلم وبحياتي ماضغطت عليه وحتى مصروف شهري مايمسكني بيدي و ساكته و مسكره على هالموضوع لانه بصراحه مو مقصر اذا نقصني شي يجيبه بس بطلعة الروح
والله تعب ومعاناه ماحد يحس فيها الا اللي جربها وحتى لو بقنع نفسي ..
بنتي تمل من الغرفه وتبي الصاله و اطلعها مع ان ماودي .. السنه هذيك كنت لوحدي وعادي كل وقتي بغرفتي بس الحين عندي بنت وبعد شهرين ان شاء الله بيصير عندي بنت و ولد وش يصبرنا على هالوضع



..

__________________
تم تغيير النك .. < ريتاج2016 سابقا

حبيبتي انا من رايي تكلمي امه او ابوه معقولة اكل وشرب كله بغرفة النوم بتصير لوعه
بخصوص المصروف المفروض يعطيك مصروف بيدك
لكن اقولك دخلي امه او ابوه كلميهم بهدوء

__________________
يا رب خاتمة حســنة ، وزلفى ، وحسن مآب ..

روح حبيبتي كل شي بالهداوه يجي
بدون عصبيه وزعل البعض يعاند الله يهديه
انت اطلبي بضحكه وابتسامه قولي والله مره المكيف حار وانا مع الحمل تعبانه ماتحمل الحر المهم اطلبيه بالمسايره وانسي كلمت اهلي واروح لاهلي وانتي شفتي لما قال روحي لاهلك اذا مو عاجبك عودتيه على الكلمه غلط


استودعتك الله انتبهي على نفسك
ويارب تولدين بالسلامة ويسهل عليك❤🌹

هو حل ممتاز

خلي زوجك يجربها

طبعاً راح تقولي هو خارج البيت ومو حاسس

اذن حسسيه

ارسلي له صور وسنابات لبنته وهي تلحس السيراميك وهي حمراء زي العصفور و و و

ولكن بطريقة غير مباشرة

فمثلاً ارسلي صورة بنته واكتبي تحتها صباح الخير
و
بنتنا كملت من عمرها كذا
و
اكلت كذا
و
بنتنا تشاهد حلقة من مسلسل كذا
و


وان مافهم ( بعد اسبوع)

ارسلي صور واكتبي فيها : يارب بابا يرحم ضعفي ويصلح المكيف وهكذا

__________________

احس موضوع الكنب عادي لانه من ايام زواجكم
كل المعاريس يحطو لكم كنب مرتفع اكشخ
طيب اذا حطيتي قعده ارضيه هي تناسبك وانتي حامل
لكن اذا ولدتي على خير بتقعدي على الارض
واذا جوكي ضيوف بيقعدو على الارض
لا تشيلي الكنب ضرف الحمل مؤقت ان شاءالله
لكن على المدى البعيد الكنب ازين
السيراميك الناس الحين تشيل الزل وتحط سيراميك ابرد واشيك
من الي يفرش الصاله كلها زل الحين
اشتري زوليه كبيره شوي سجاد يعني وحطيها عشان بنتك
بالنسبه للسم هذي حاله مؤقته بعد وغلطتكم ترموا السم باي مكان
حتى لو فيه زوليه ورميتي سم عليها بتبقى اثار لو غسلتيها او كنستسها
المكيف انا معك
خليه يعبي غازها يصلحها اذا ماضبط
خاولي فيه يشتري جديد

حبيبتي ،، كل العالم تعيش نفس المعاناة بداية الزواج
الا م انتي راضية تستوعبيه ان الاثاث جديد م صار له سنتين
فمن الطبيعي جدا جدا انه م بيرضى يغيره
الحل الان ( المكيف اصلاح ) خصوصا انه جديد يمكن في خلل في التركيب او المواصير
وسجادة كبيرة وسط الكنب حتى تقدري تشيليها وتحطيها وقت التنظيف
.. شفتي كيف الامور سهلة لما تسهليها ؟

__________________




ربِ هب لي من لدنك ذرية طيبة أنك سميع الدعاء

شكله ريلج من النوع اللي وايد يأجل نفس ريلي
لازم تحنين وتعيدين لين مايعدل البيت
بس بأسلوب طيب اختي بدون صراخ واعصاب
وبأسلوب ذكي فيه نتائج و ادله
يعني قولي له البنت بتمرض اذا طلعت من الغرفه البارده للحر
ومن الحر للبرد وهذه الحاله
وهذا الشي يسبب مشاكل صحيه
او ممكن تقولين انه الحر بالصاله يأثر على مكيف غرفة النوم على المدى البعيد وبيخربه

وبما انكم من سنتين تقريباً متزوجين
ف اثاثكم اكيد يديد ما اظن بيبدله بسهوله
الكنب ليش مب مريح منو اختاره بالبدايه

الزل بعد ممكن شوي يتأجل بس المكيف هو المشكله الاساسيه

مرات الحرمه تتصرف بروحها وترتاح
اطلبي منه مبلغ مادي قولي حق اشياء ناقصتج
و روحي يوم مع اهلج واشتري زوليه للصاله

وبخصوص التكييف
الحل انج تكلمين عمج ابو زوجج
وخل اييب عامل يصلح المكيف بدقايق
وانتهت المشكله

اذا ريلج وايد يأجل ومافي فايده انتي تصرفي

مرات ريلي كان يأجل تصليح بعض الامور المهمه بالبيت

انا اساعده عشان بسرعه يتحرك واخذ من الوالد رقم عامل
واطرشه لزوجي اقوله اتصل فيه هذا يعرف يصلح