السلام عليكم

انا متزوجه من سنتين ونص .. والآن في زيارة لاهلي
وكل زياره لاهلي زوجي لا يهتم بي ولا يسال عني
لا مكالمات ولا حتى رسايل من بدايه زواجي وهو كذا مايسال ابدا
يبغاني انا اللي اكلمه وابادر وانا مليت صراحه كل مره ابادر
لما اكون عنده يكون يحسسني بهتمامه مايقصر لكن اللي مزعجني ومضايقني اني لما ازور
اهلي خلاص يناسني ماكأن عنده زوجه ولا كأن عنده وحده محتاجه اهتمامه والسؤال عنها
طبعا فتحت معه الموضوع وصارحته قلت له ليه اذا رحت لاهلي ماتسال ولا تحسسني انك مشتاق يعني موب معقول تعجز انك تكتب لي بالواتس حتى لو اخبارك اسال عني حسسني اني زوجتك الزوجه محتاجه اهتمام من زوجها وانه يفكر فيها ومانساها ويرد علي بنفس الردبأني مشغول مانيب فاضي مع انه والله العظيم فاضي ولا عنده شي قلت حتى لو انك مشغول يعني مو معقوله ماتحصل لك وقت لو خمس دقايق تطمن علي فيها .. يقول ليه اسال خلاص انتي عندك اهلك منتي بالشارع .. اقوله عارفه مانيب بالشارع بس ابي احس بأهتمامك بحرصك علي بسؤالك عني .. يقولي انتي اللي رحتي انتي اللي ترسلين وتقولين مشتاقه مو انا
اقوله انا ما اقصر اكلمك وانا فعلا ابادر دايم وارسله لان اذا صرت عند اهلي افكر فيه صراحه
اقول وش يسوي الحين وين طالع وين رايح غصب بالي ينشغل احاول اطنش وانسى بس ما اقدر ابدا حتى ادخل واتس كل شوي اراقب متصل او لا
احيانا حتى اشوفه متصل لكن مايكتب لي شي ولا يرسل حتى برودكاست مايرسل ابدا مره اذا صرت عند اهلي يسحب مره قاهرتني حركاته .. وصرت قبل لا اروح لاهلي اقوله لا تنساني ابي تسال عني يقولي ابشرري ولا يهمك .. بس اوصل لبيت اهلي خلاص يسحححب ولا يسال حتى لو اجلس ڜهڑ مايسال لين انا اكلمه وانا مليت ما ابغى كل شوي انا اللي ابدا تعبت ابي احس بهتمامه لي وش الحل كيف اخليه يسال عني ويهتم فيني ؟
الان اسبوع انا عند اهلي ولم يبادر حتى برساله ساااحب مره ومقهورة من حركته ابيه يهتم فيني يبين لي شوقه وحبه .. حتى بأول العيد لم يرسل لي رساله معايده الا يوم انا ارسلت له وبادرت قام بالرد ع رسالتي ومعايدتي
انا ما اعرف ليه اذا صرت بعيده عنه يتغير مره كارهه هالحركه ... طيب انا انثى ابي احس بمشاعرك اتجاهي ابي احس اني زوجتك حتى وانا بعيده عنك باهتمامك وسؤالك عني وضحت له اكثر من مره يوعدني ويخلف كأن مالي وجود في حياته .. حتى مايسال اذا خلص مصروفي او لا .. طبعا لو خلص ومحتاجه فلوس ارسله بس انا ما ابغى ابادر كل مره
وش الحل تكفون

وعليكم السلام

أختي الحبيبة سؤال كم سنة لك من تزوجتِ ؟؟


اختلاف الطبائع وارد

ثانيا يا اختي هو وضح لك انت اللي رحتي بيت اهلك وانت اللي ترسلي رسائل الشوق

بعلمك خطة لعلها تنفع !

لا تهملي الاهتمام بزوجك وفي نفس الوقت لا تسرفي في التواصل

لا تتركيه اسبوع بلا تواصل ولا بث مشاعر

مشكلتك تبي تقيسي غلاك بقلبه ولا تبي تحسسيه بقيمته

يمكن يكون ساحب يبي منك هالمشاعر

لان لما تكوني معه يبادر ويعبر يمكن هو يبي هالشي بينكم ان مفي شي يشغلك عنه


بعد ما تعوديه على رسايلك حاولي توقفي شوفي اذا بيحن لك او لا !

أيضا لما تروحي بيت اهلك اشغلي وقتك مثل ما هو يقول لك مشغول صديقاتك ، وهوياتك ، وزيارات الاهل وغيرها

المشكلة ان كل حياتكم ومحيط الاهتمام غالبا الزوجة تصبه في هالزوج الحياة مش كذا لازم يكون لي شخصية مستقلة أمارس حياتي بطريقة ما انشغل فيها ولا اشغل فكري واحصره بشخص واتعبه من اللوم .

الله يوفقك

__________________
يا رب خاتمة حســنة ، وزلفى ، وحسن مآب ..

صادقه انا ابي اعرف غلاي بقلبه اذا ابتعدت عنه يعني ابي احس اذا هو مشتاق لي ولا لا
انا ما اقصر والله ارسله وكذا كلام حلوو و مستحيل اسحب اسبوع وما ارسل ما اصبر ههههه لازم ارسل او اسال عنه كل يومين
حتى لما اقوله انا اشتقت لك يقول ايه طيب ههههه ،، اقوله وش ايه طيب يعني مشتاق لي يقول ايه وعلطول يصرف الموضوع ويغيره
احاول اشغل نفسي والله بطلعاتي مع اهلي واقارب لي بس غصب افكر فيه اقول وش يسوي الحين ولا وين فيه الحين هذا طبع شين فيني وانا اعترف.. بس اللي يقهرني فيه بعد احسه اذا رحت لاهلي يكابر حتى لو اكلمه اتصال يعني يكلمني بدون نفس ويحاول يختصر الموضوع عكس لما اكون معاه وجه لوجه بالجوال يطلع شخص ثاني سبحان الله مدري وش السر
لكن بحاووول اسوي الحركة هذي واشوف بجرررب

شكرا ع مرورك حبيبتي

سلام عليكم

هلا وحياكِ الله , اقول تعوذي من الشيطان

عندي 2 حلول



1// دام سلبيات الزيارة تؤثر عليك اكثر من الايجابيات , اجلسي ببيتك وتواصلي مع لي كنك بتزورينهم كتابي

2// زوجك وضعه كدا , سبيه فراحته احسن من انه لا سمح الله يعاقبك او يأدبك , ولا عاد يتركك تزورين احد مُستقبلا

اذا رحتي لاهلك
خلي كل تركيزك مع اهلك

اذا انتي مع زوجك
خلي كل تركيزك مع زوجك

والشوق مو بكثر العتب واللوم
الشوق مايجي بالترجي والتوسل
خلي الرجال على راحته
اذا اشتاق علمك
ما اشتاق خلاص
ماله علاقه بانوثتك ومشاعرك
دام الرجال كويس وانتي معه خلاص
تعوذي من الشيطان

صح كلامك الشوق مايجي بالترجي
لكن انا ما ابي منه شوق ولا كلام حب
ابي اهتمام فقط يسال بس يتطمن يدري ان وراه زوجه
بكره بيجيه اطفال واذا جو اطفالي ورحت لاهلي ماراح يسال عنهم بعد
يعني ابي اعوده من الحين اني حتى لو كنت بعيده اسال
يعني ماراح يضره شي لو بس اتصل او ارسل وقال اخبارك الًيَوُمًِ وش مسويه
ناقصك شي
المشكله ابدا ابدا ماكأني موجوده بحياته وهذا الشي يضايق غصب عنك

يا عسل كثير رجال طبعهم كذا أنت خلي أهتمامك وسط لا تخنقيه بمكالمات يومية يمكن هو بعد يعرف طبعك إنك ما راح تصبرين وتسالين جربي تسحبين شوي وانشغلي وانبسطي مع أهلك

عادي جدااا

ع قولته مو بالشارع انتم .. ولو فيه لاقدر الله شي خطير اكيد بتدقين

اهم شي مو ترسلين له او تدقين ومايرد

يمكن هو بعد يبي استراحه منكم يبي يشتاق ..

تطمني عليه متى ما ودك تتطمنين لا تجبرين نفسك على شيء ولا تمنعين نفسك من شيء

شي اخير ممكن اهو يحسك مشغووله مع اهلك فليش يزعجك يحب ما يكون ثقيل

__________________
أعلل النفس بالآمال ارقبها .. ما أضيق العيش لولا فسحة الأمل

دامه متجاوب معاك ويرد على اتصالاتك تماام الحمدلله
اعرف واحده لما تروح لاهلها يعطيها بلوك هههههههه

ببساطه خليه يتنفس خليه يبتعد شوي علشان يشتاق لك

اما الزن فوق راسه وليش ماتشتاق لي بيزيد

وبعدين هذا طبع في بعض الرجال

تبينه كل وقته على الجوال وانا مشتاق لك

صديقه زوجتي تحدثني زوجتي عنها تقول انها تشتكي من زوجها

تقول ما يتصل علي إذا وداني عند اهلي

قلت طيب هي كم تجلس عند اهلها

قالت يعني 4 ساعات

قلت صديقتك ذي فاضيه وفاهمه الرومانسيه غلط

الخنقه ماوراها إلا الهروب

http://www.66n.com/forums/showthread.php?t=271639