تخيلوا معي
زوجة كانت تقبل على زوجها
تتودد اليه دائما
تلتصق فيه وقت النوم
وهو ينفر ويتهرب منها
في العلاقه الخاصه تحديدا
يصرخ بوجهها: ماتفكري الا بالجنس!
وجملته الدائمه: الحياة مو بس جنس
ولا تفتكري كل الرجال مثل بعض الخ

علما بأن زوجته تتقرب له مرتين بالاسبوع
وليس بشكل يومي
الادهى والامر
كل شهر يبرر نفوره لسبب
مره يقول جسمك مو عاجبني
مره يقول فيه ريحه غريبه بفمك
والزوجة انجنت
راجعت طبيب اسنان وجلديه الخ
وكلهم يقولون وضعك ممتاز وزي الفل
وزوجك يتدلع!

اصبحت الزوجة وكأنها تتسول العلاقه
وكثيرا ما يصرخ اذا طلبتها
بجمل مثل: ماتقدري تعبي انا تعبان
ولازم انام بدري عندي دوام
رغم انه يسهر كل يوم
لكن باليوم اللي تطلبه يعصب ويجرح

احتارت معه
كانت تدخل مواضيع بالنت
تقرا عن فنون للتجديد والاغواء
تطبق وهو يتمسخر وينسحب
تشتري اغراض خاصه للعلاقه
ويتمسخر وينسحب
وقمصان النوم بكل الاشكال ماتعجبه
وجملته دايما: ليه لابسه كذا؟
حتى يحرجها


مرت سنه ثنتين ثلاث
اربعه خمسه
كلها على نفس الموال
لكن
بعد 5 سنوات انسحبت الزوجة
اشغلت نفسها بنفسها
صارت مشغوله بالاطفال
وتمارس هوايتها وعادت لعملها
وماصارت تطلب العلاقه
ولا تتلصق زي زمان
حتى تحافظ على مشاعرها ومزاجها
بس اذا جاها تعطيه حقه بالكامل
وبنفس راضية


الزوج ماعجبه الوضع
جلس كم شهر يدللها ويشتري لها
بعدها بكم شهر انقلب وحش
يتهجم ويتلفظ
وبكل جلسه نقاش يحملها السبب
وانها لو تحبه كان طلبته للعلاقه!
صار يقول انه مظلوم معها
ويفتعل مشكلات
ويهدد بالطلاق والزواج الثاني
بحجه انه محروم ومو مشبع وكلام اهبل


الزوجة الان بالسنه السابعه زواج
وتكيفت تماما مع شح العلاقه
وجاها برووووود تجاهه وفتور
حتى بالتجاوب معه تمثل
والحال هذا له سنه تقريبا


حاولت تتدارك الوضع
بس ارشيفه ثقييييل
خمس سنين صد وتجريح
وانتقاد لشكلها وجسمها وريحتها الخ
ولما انسحبت صارت ملامه
وصار صعب ترجع



الموضوع معقد
هل من حلول

افضل الحلول الوسيطه
ماتجيه بكل اندفاع
وماتصد عنه
تعطيه نفس حلو
تستخدم نضرته هو لما يريد
ماتستخدم نضرتها هي
هذى باختصار

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

هذا الحاصل فعلا
اذا اقبل عطته نفس حلو
وبرضا تام
لكن لو غاب اسبوع عشره عاااادي
ماعادت تبادر زي زمان


بالمنطق
زوجة بالعشرين جميله ومرتبه
وماكانت عاجبه وصاد ونافر ويعيب
شكلك خايس ما اشتهيك ما ابيك
ما احب الجنس لا تلصقين
هذا كلامه زمان

الحين الزوجه بالثلاثين وام عيال
زادت المسؤوليات ومشت الدنيا
وهو اصلا كرهها بالجنس
اذا طلب عطته حتى تسلك امورها
يعني ما تصده ابدا
لكن تطلب وتبادر لا خلاص

الله يكون في عونها ،
بصراحه بعض الازواج م يدري وش يبون
ان صارت البنت م تبيه و ما تشتهي العلاقه معه و ما تتجاوب و ما تتزين
جا اشتكى و مو عاجبته

و ان كان العكس جا اشتكي و مو عاجبته

و الله ان الزوجه عجبتني يوم خلته و اهتمت بعيالها بالعكس
و يوم شاف انها ابتعدت عنه جا و يبي قربها

افضل شي تعاملها معه الحين
ان بغى شي عطته و اهم برضى و نفس حلوه
مع ان في البدايه شكلها كانت مندفعه لهالشي و هو حس ان شي غريب ممكن ان الزوجه هي اللي تجي و ترغب
او يمكن كان يمر بضغوط او حاجه الله اعلم

صراحة المشكلة تخصني
وقبل شوي نيمت اطفالي
وتشيكت ورحت لزوجي
جلست عنده وهو لاهي بالجوال
زمان كنت اتجرأ واسحبه منه بدلع
فكرت فيها وماقدرت
جلست استرجع مواقفه معي
مره ضميته ودفني
ومره صرخ علي: فاضيه وسخيفه
ومره قال بوجهي ما اشتهيك
وياكثر ماكان يعصب من مبادراتي
ومرات ومرات.. امور تقهر
فجأه فزيت من الكرسي
هو استغرب
التفت لي: وين رايحه؟
ابتسمت وقلت له نعست بنام
وتركت المكان
حسيته تفاجأ كان ينتظر مني شي
بس عامل نفسه مشغول بالجوال



اذا بيفكر يتزوج
مافي قوة بالعالم بترده
ماراح اهلك نفسيتي بهالموضوع
لانه مرهق جدا جدا بالنسبه لي
والصد العنيف منه بيخليني اسبوع متعكننه
بلاها اصرف

هذا الزوج امثاله الكثير ...
يصد الزوجه ايام وشهور لحد ما تبرد ويجرحها ويموت بنفسها شي فطري بداخلها ...

والمشكله له وجه يسأل ويستفسر ويتضايق ...
طالما الزوجه تعطيه مايريد ومتى ماراد جزاها الله خير كفت وفت ...

اما ان ابحث عن حلول لأعود كما كنت فلست ملزمه بذلك ، طالما اني تأقلمت وتكيفت مع وضعي الجديد

كلامك على الجرح يا ريماس
والمشكلة ناسي فعايله وتجريحاته
لكن الله يعين

و الله استغرب من ان زوجك تفاجئ بتغيرك ،
مع انه المفروض يعرف ان ممكن الزوجة راح تتعب من هذا التعامل و الجفاء و احنا لنا طاقه معينه مو معقول ابقى 5 سنوات و انا بنفس الحال
م ادري ليش الحين صار هو الزعلان و هو المظلوم و اللي م يدري وش في زوجته تغيرت ،
المفروض يحس من نفسه ، هو حسيته توه يستوعب خطاءه بعد خمس سنوات يوم انك تغيرتي عليه ، و شاف ان الوضع ما عجبه
و يبيك ترجعين مثل قبل
بس و الله م الومك اذا انتي تعبتي و نفرتي من هذا الامر
بس اتمنى انك تصارحينه يمكن هالشعور اللي فيك يخف ،
قولي له كل اللي بقلبك
خصوصا ان بينكم عشره و عيال يعني مو شي سهل ابداً

وربي يصلح حالكم

طيب لبسك و تشيكك الا يعتبر مبادره
اشوف حياء الانثى يمنعها اكثر من ذلك
والرجل يفهمما

بنسبة للجسم اكيد يتغير مع الحمل والولادة والتقدم بالعمر ولكن حلة الرياضة
بالبيت والجسم المتناسق لة دور كبير بالعملية الجنسية.

اما رائحة الفم فمن الصعب ان ينسجم احد الزوجين ورائحة فم الطرف الاخر غير طبيعية
ومن اسباب رائحة الفم التهاب الجيوب الانفية وامراض المعدة مثل جرثومة المعدة
وايضا الاعتنا بنظافة الاسنان لة دور كبير وخاصة استخدام الخيط لتنظيف الفضلات بين
الاسنان
موفقة يارب

__________________
سبحان الله وبحمده سبحان الله العظيم