ساعدوني ابي افكار تودي في داهيه
السلام عليكم ورحمة الله وبركاته
اولا انا عضوه جديد معاكم لاكن متابعة جيده وقديمة جدا
ولما واجهتني مشكله وابي لها حل قلت مافي غير اعضاء منتدى عالم المتزوجين
هم اللي بيحلون لي الموضوع
شوفوا يا قلبي انا مخطوبه ( مملكة ) لي كم شهر وانا وخطيبي عندنا يوم ملكتنا مناسبه
عزيزة على قلوبنا وكل ما جا تاريخ الملكة يجي ويجيب هديه لي وانا بعد اكون مجهزتله هديه
بتقولون وين المشكلة
المشكلة انه دايم اعطيه الهديه بطريقه غريبه شوي
يعني اخر مره وهو رايح وطبعا انا اوصه للباب
وماعندي فرصه اكون معه اللى هذا الوقت
خليت اسفل الدرج في الممر اللي قبل الباب الدنيا كلها بالونات احمر وابيض وجبت كرسي
ابيض وحطيت الهديه عليه وكنت مغلفتها باحمر وعلى جنب كاتبه بالشموع كلمة احبك
ونور الدرج كان طافي وحنا نازلين ونور الشموع باين بس مو فاهم القصه
وهو انحرج من افكاري وقالي بردها لك وله كم يوم قافل جواله وكل يوم يدق بابنا محل
مو الثاني ويجيبلي هديه غير وبصراحة مدري كيف اسوي هذي المره
معد عندي عقل يفكر همي بس يفتح الجوال
قلت مافي غيركم تساعدوني
علما انه لما يجي يستقبله اخوي ويجلس مع ابوي واخوي في المجلس وانا معهم
يعني لاتقولون سوي شي داخل البيت لاكن دايم انا اوصله للباب ومسموح نجلس في الحوش
يعني ربع ساعة نص ساعة لحالنا
يالله وروني فزعتكم وافكاركم تكفون ترى مابقي غير يومين
تحياتي