السلام عليكم ورحمة الله وبركاته...
اولا وقبل كل شيء احب ابدي اعجابي بالمنتدى بشكل عام مررررررره اعجبني واحب اشكر القائمين عليه وفقهم الله لكل مايحب ويرضى وجعل الله هذا العمل في موازين اعمالهم..
****************
انا فتاه زواجي راح يكون بعد شهر.. وفيه تساؤلات كثيره تدور في داخلي وبعضها اتعبني... ويمكن اطول عليكم شوي بالكلام بس اتمنى ماتتضايقون مني لان اكيد لو كل وحده بمكاني راح تحس بنفس شعوري وبالخوف والمحاتاه..؟؟؟
واتمنى تساعدوني..بطرح نصائحكم..ووجهات نظركم..والكيفية المناسبه,,
طبعا انا حااااااااااااااااسه بخووووف غير طبيعي..لاني مو عارفه طباع هالشخص وكيف راح اتعامل معه..لانه من عاداتنا ان الخاطب مايشوف خطيبته ولا يحكي معها الا يوم الدخله..
ابي اكسب قلبه واحببه فيني...ابي اسلبه عقله..ابيه مايشوف غيري ويعجب فيني.. ومن هالكلام انتم عارفين هذا طموح كل بنت.. تبي تسعد زوجها علشان تصير سعيده..
وبعدين انا شخصيا مو عارفه كيف اراضيه لو زعل مثلا ..وربي احترت مااتخيل انه بيرضى بسهوله ..ولو زعلت منه انا كيف ابين له اني زعلانه عليه.. وبعدين انا حساسه شوي وبسرعه اتأثر ما احب احد يعصب علي بسرعه اتأثر وتنهمر دموعي غصبا علي..
وبعدين انا اسمع عن حالات الفتور اللي تصير بالحياة الزوجيه او الملل بتكرار نفس الروتين يوميا..ابي اوسع ثقافتي ابي اعرف اشياء تكسر هالروتين وتنعش الحياة الزوجيه..

وبعدين وش رايكم في المرأه اللي تمدح زوجها لو مثلا قلت له انت احلى ما شافت عيوني وانه وسيم ومن هالكلام ...فيه بنات قالوا لي لا ياغبيه الرجال ماتقولين له حلوو..؟؟؟
بس انا بنظري اذا انا ماتغزلت فيه وقلت له انه يعجبني وانه حلو بعيوني حتى لو ماكان كذا ..لو سمع هالكلام من غيري راح يميل لهم..وانا طبعا مابي هالشيء
مابي اقصر على زوجي بمشاعري وبحبي وعطفي وحناني....؟؟
انتم وش رايكم.............؟؟؟ هل تمدح المرأه زوجها بأنه وسيم وحلو ويعجبها وتشوفه احلى البشر بعيونها؟؟؟؟؟؟؟؟ ولا هذا الشيء يزيده غرور..؟؟؟
وفيه نقطه بعد لو ان زوجي هو الوحيد من اصدقائه اللي تزوج والباقي عزاب اكيد راح يكون لهم تأثير على حياته...فأحس انه بيكون لهم بعض التدخلات..
لانه اكيد راح يتغير هاالمتزوج وراه زوجه وبيت...
كيف اقدر اسيطر على الوضع..ولا اخلي اي قوه تأثر على سفينتي انا وزوجي...
ولو في زوجي خصله مو حلوه ولا شيء ما عجبني فيه كيف اقدر اغير هذا الشيء فيه؟؟؟

هذا بالنسبه لتساؤلاتي عن زوجي...

بس بالنسبه لتساؤلاتي عن نفسي ووش بسوي بنفسي وشكلي..
بشرتي الحين طلع فيها شوية حبوب مادري ليش من تغير الجو,,ولا من النفسيه؟؟؟
وخايفه انها تبقى ليوم زواجي..
ابي خلطات حلوه ترد لوجهي نضارته ونعومته وبريقه وحلاوته
انا محتاره كثير بسالفة شعري...كنت افكر اصبغه واقصه..
بس فيه بنات قالوا لي لا لاتقصينه ولاتصبغينه خليه على طبيعته وبعدين قصيه واصبغي علشان تقدرين تغيرين في شكلك ومن هالكلام ...
بس انا آخر شيء فكرت فيه اني اخلي شعري على طوله بس اقصه طبقتين مدرجات...؟
لان يقولون الشلال مايناسب الشعر الطويل... وانا شعري طويل؟؟انا صدق محتاره بهالسالفه خاصة يوم زواجي قرب مابقى الا شهر..
وانا ماقد سويت حمام مغربي..لجسمي ..فيه ناس يقولون لو سويتيه مره ماراح تحسين بتغير كثير لازم اكثر من مره.... وانا مو عارفه هل اسوي مره او مرتين ...
ووش افضل اني اسوي الحمام المغربي اول بعدين ازيل الشعر ..ولا ازيل الشعر بعدين اسوي الحمام المغربي؟؟؟؟؟؟؟؟؟
وسمعت عن صنفرة الجسم...بس مو عارفه الطريقه ولا المكونات ...؟؟؟؟؟؟؟؟؟؟
ووش افضل كريمات للعناية بالجسم... يرطبه ويكسبه نعومه...؟؟؟
وبالنسبه لوجهي مررره حساس قد مره شليت المنطقه اللي فوق الشفايف والذقن
المنطقه اللي فوق الشفايف ماصار لها شيء بس الذقن طلع لي حبوب.. وكنت اول مره اشيل بالخيط..كنت اول دايم اشقر..
وفيه بوجهي شعر اخاف اشيله يطلع بوجهي حبوب ويصير احمرر؟؟ وش الحل ؟؟؟
هل التشقير كفايه؟؟؟؟؟؟؟؟
وبالنسبه لشعر مناطق الجسم اقصد البطن والظهر واسفل الظهر.......هل ازيل الشعر؟؟؟؟؟
بس انا خايفه انه يزيد ولا يطلع لي حبوب ولا بعدين ابتلش فيه واضطر دايم اشيله؟؟

ادري طولت عليكم... وبتقولون حشا وش هذي جايه من المريخ مو عارفه تتصرف بعمرهابس والله احس اني مرتبكه مو عارفه افكر واستحي اسأل؟؟
ماصدقت على الله بلقى احد بيساعدني ويعطيني نصايح ويتحملني غيركم عارفه ان قلبكم كبير وراح تتحملوني وبلقى الاجابات الشافيه لأسئلتي عندكم
بس نقطه اخيره...
متى تتجرأ المرأه على زوجها بشكل عام؟؟؟؟؟؟
ومن ضمنها ايضا متى تلبس قمصان نوم قصيره وتنانير قصيره بالنسبه لمثل حالتي انه ماقد شافها..انا اخاف لو البس كذا قدامه ينقد علي ولا يحس انه مافيني حيا....؟؟؟
انا ماودي انه ينقد علي؟؟؟؟؟؟؟؟؟؟؟؟
واشكركم على تحملكم لكثرة تساؤلاتي....
ولاتحرموني من نصايحكم...
اتمنى ماتهملون موضوعي..
واخيرا تقبلوا تحياتي
اختكم ..روعـــــــــه