سلام الله ورحمته وبركاته عليكم ياأهل الخير أهل هذا المنتدى الطيب

أنا من أهل هذا المنتدى الطيب من زمان جدا لما كانت الخلفية باللون الأزرق ولى

الشرف بذلك

ولذلك لجأت اليكم من بعد الله عشان مشكلتى


أنا فتاة فى مقتبل العمر فى آخر سنة فى الجامعة ان شاء الله بعد ظهور


النتيجة أكون فى تعداد المتخرجين دعواتكم بالنجاح


المهم أنا لى ابن عم فى مثل عمرى....ابن عمى هذا من زمان جدا جدا وهو يبدى


اهتمامه بى بالتصرفات وليس بالكلام و بشكل ملحوظ جدا لدرجة انه فى أحد

المناسبات واحدة قريبتى أشارت عليه وسألتنى عليه فقلت لها انه ابن عمى

فقالت لى انه ينظر الى بشكل متكرر وأنا كنت ملاحظة بس لم أتوقع أن يكون

فى أحد غيري ملاحظ ونضراته هذه بشكل دائم وفى كل مكان دائما ألاحظ نظره

المركز على وأنا بعمل أى شئ


مرة واحنا صغار جرح اصبعى أصر انه يضع لى لاصق باهتمام غريب

مرة أيضا بس قريب من سنتين تقريبا كنت ماسكة فى يدى سكين ووقعت منى

وكانت واقعة فى اتجاه قدمي فصرخ تلقائيا بشكل مفاجئ قائلا احذرى احذرى

وكان اخوتى جالسين وما انفزعو مثله



أنا كنت مخطوبة ولكن الخطوبة لم تستمر

عندما خطبت واحدة قريبتنا ابن عمى صديق لولدها قالت لوالدتى أاان ولدها عندما

قال ل ابن عمى انى انخطبت انو زعل جدا جدا وتأثر

وبعدين ثانى يوم ابن عمى سافر لخارج البلد يمكن شهر أو أكثر عند أهله ولما

رجع أنا متذكرة تماما شكله كان لحم على عضم تقريبا فقد ثلثى الوزن ويمكن

أكثر وكان الحزن واضح عليىه وأبناء عمى معروفين بأجسامهم الممتلئة وبلأخص

لما يسافرو عند أمهم بيزيد الوزن


المشكلة انو ولا مرة صرح بالكلام لاأدرى لماذا هل هو خجل أم خوف من الرفض

أو لأنه لسه مش جاهز "أنا قلت فى الأول انه فى مثل عمرى يعنى لسه أمامه

الخدمة العسكرية والبحث عن وظيفة"

أنا لى أخت أكبر منى انخطبت لجوزها وهو لسه فى الجامعة ولم يتخرج وهما

عارفين كدا طبعا وهذا ابن عمى يعنى أولى ان أبى يوافق عليه زى الغريب


بس معقولة فى أحد يكون يحب أحد ويتركه يضيع منه بسهولة

ولو هو ما بيحبنى ليه بيعمل معايا كل دا

أنا لم أقل لكم على معظم الأشياء اللى بيعملها معى عشان ماطولش عليكم

ياجماعة الخير ابن عمى هذا مؤدب جدا جدا أنا متاكدة من كدا الكل بصراحة

بيشهد له بلأدب والأخلاق يعن ما بيلعب ولا بيتسلى بس أنا احترت من هذه

التصرفات

أرجوكم دلونى أعمل ايه زهقت من البكاء والحيرة

والله أكاد أكتب بالعافية من الدموع مش شايفة

هل من الصح انى أبعث له اميل أو رسالة على المحمول مع انى ما بحب كدا

كرامتى غالية عندى بقول هوا ما بدأ أنا هابدأ بس من قلة الحيلة

ولو اتقدم لخطبتى واحد كويس أعمل اي

أنا بارتاح جدا ل ابن عمى هذا بس ما بحبه بارتاح له كتير وبفرح بوجوده

وساعات بحزن لما بيكون عندنا ويمشى

يعنى لو اتقدملى أنا بوافق بيه علطول برغم ضروفه لأن أنا طول عمرى عايزة

واحد يتقى الله فى ويراعينى

وموضوع اهتمامه بى أنا متأكدة من 150%

وعمى هذا اللى هوا ابوه بيحبنى جدا جدا جدا لأنه ماعندوش بنات

يبقى فين المشكلة فى انهم يتقدموا لى لا أعرف

أستحلفكم بالله شوروا علي ودلونى هل ألمح له مع انى مش هاعرف أعمل كدا

أبدا ولا أعمل ايه

معلش طولت عليكم بس من عشمى فيكم

تركتكم جميعا فى حفظ الله ورعايته والسلام عليكم ورحمة الله وبركاته