السلام عليكم
سالفتي طويله لكن راح احاول اختصرها قد مااقدر
طبعاً الحمد لله انا انسانه الله انعم علي بزوج حنون وطيب وكريم وكل انسانه بالدنيا هذه تتمنى واحد مثله ، مشكلتي اني عايشه معه ببيت اهله لكن بقسم خاص بي لكن امه واخته حبوا اني اشاركهم بالطباخ والتنظيف في باقي البيت وقلت على راسي لكن لما تزوجت الصراحه انضغطت بتنظيف شقتي لكن كنت احاول اضغط على نفسي واساعدهم باللي اقدر عليه وكانت ام زوجي والله ام ثانيه لي لكن المشكله في اخته اللي اكبر مني بسنتين ومابعد يرزقها الله بولد الحلال منقصه علي عيشتي مع انه هي اللي خطبتني لاخوها لكن سبحان الله اللي يغير ولا يتغير بدأت ألاحظ غيرتها بسبب اهتمام اهلها كلهم فيني خصوصاً والدة زوجي اللي كانت بالحيل مغرقتني بكلامها الطيب وثنائها على قدام الناس لاني ولله الحمد ربه بيت ممتازه ، طبعاً ام زوجي على قد ماهي طيبه معي على قد ماهي خاتم بيد بنتها تمشيها على كيفها والسبب طبعاً شغل البيت لانه اخت زوجي هي الكل بالكل في البيت هي اللي تدير شؤونه وعشان ارضي امه لانها مثل امي اهملت شقتي واهتميت ببيتهم اللين مازعل زوجي من اهمالي بشكلي وشقتي ومنعني من اني انزل لبيتهم تحت او اني اساعدهم بشئ وقالي انتي ملزومه بي وبشقتي مانتي بخدامه لاحد وانا ماخذتك عشان اريح اختي وامي واظلمك كل واحد يقوم بشؤنه ، وقلت انت تامر وتوقعت انه بلحظت غضب قال الكلام هذا وبعد يومين حنيت لامه ونزلت اساعدها واشوف وش اخبارها ولما عرف هزئني تهزيئ الله اعلم بيه فنزلت لاخته وقلت لها انه اخوها مانعني اني انزل اساعدهم بشغل بيتهم وهذا الشئ غصب على وياليت تبلغين امي بالشئ هذا لانها نايمه، ومن يومها وام زوجي كرهتني كره الله اعلم بيه مادري وش قالت لها اخته تغيرت على 180 درجه ولما انزل اسير عليهم تتصدد عني واذا سلمت عليها تسلم من طرف خشمها وكاني كفرت ولا اذنبت ، مادري كيف اتعامل مع هالناس حتى شريط حفلة الزواج اللي كان تكلفة التصوير هديه من ابوي رفضت ترجعه لي لانه مره طلبته مني عشان يشفونه خالاته ببيت جدهم واعطيتهم اياه رفضوا يرجعونه لي ، تصدقون اني حملت واجهضت ولا تكرمت امه او اخته رفعوا علي سماعه وقالوا الحمد لله على السلامه مع انه خواته المتزوجات تعاملهم معي مثل العسل والله وخالاته نفس الشئ ولما اشتكي لهم يقولون لي حنا خواتها وماسلمنا من شرها تصدقون انها تطرد خواتها من بيت اهلها وما يقدرون يردون عليها من شرها انا مش عارفه كيف اتعامل مع هالبنت هذي اعرف انه ام زوجي مالها ذنب وانه بنتها مسممه افكارها وزوجي يقولي لا تفكرين فيهم اختي وامي مشاكلهم ماتخلص واحسنلك انك ماتشوفينهم ولا يشوفونك وهذا اللي انا سويته طبعاً ريحت نفسي من عوار الراس ولما اشتاق لخواته الكبار او خالاته او جدته ازورهم في الاوقات اللي اعرف اني ماراح التقي بامه او اخته ، انا الحمد لله سعيده مع زوجي لكن مانكر اني اشتقت لامه انا كل اخوانه وخواته زيون معي ماعدا اخته وهذا اللي قاهرني ليه الانسانه هذي تكرهني وش السبب وكيف اقدر احل مشكلتي هذي لاني متاكده انه امه ماراح تتغير في معاملتها لي الا باذن اخته افيدوني الله يجزاكم خير