السلام عليكم ورحمة الله وبركاته
سؤالي اني قبل يومين اشتريت ملابس نومي حق العرس المهم اللي اشتريته حدود عشر بجامات اشكال والوان . وحتى حق يوم العرس اشتريت وحده بيضه .
المهم يوم شافتهم امي قعدت تصرخ عليا انتو شو مب مثل كل البنات . البنات يشترون قمصان نوم مغريه مب بجامات كل وحده أحشم من ثانيه ( انا يوم قالت شي قعدت أضحك , رحت قتلها انا مستحيل البس هذي القمصان لانها واااايد عاريه , وانا بلبس بجامات وهذا الشي عاجبني .
رحت سالت وحده من ربيعاتي عن الموضوع قالت انج راح تتعبين ويا ريلج بذات يوم الدخله وخاصة انه مستحيل يرضى يشوفج بالبجامه وبذات وقت الجماع .
المهم انا ما خليتها تحس اني مب مقتنعه بكلامها , لكني حسيت انه كلامها صح بس صعب تنفيذه .
انا اريد احد ينصحني هل تفكيري صح وشلون اقدر اغيره اذا خطا