اقتباس:
المشاركة الأصلية كتبت بواسطة شوق للجنة
خلص إن شاء الله في القريب البعيد و الوصفة كاملة مكملة بالتفاصيل المملة تكون عندكم بس المشكلة الحين يا خالو إني غصب عني لازم أدخل المطبخ و أتعلم لأنوا اللي عندي ما يحب العسل مع الجبن و كل يوم يسألني إيش اتعلمت شي جديد قبل ما أنقل من بيت أهلي و أنا محلك سر..
|
شوفي أختي... اسمحيلي أقول لك شيء...
اللي يقهر الرجل ويزعله ... هو برود الزوجة!!!
يعني أنا لمن اتزوجت... كانت سمر ما تعرف ولا شيء في المطبخ....
وكل يوم أتصل عليها عند الأهل ( بعد عقد النكاح )... وأسأل.. هاه؟ إيش اتعلمتي؟ تقول...
مشغولة بالمدرسة.... بعدين مشغولة بالأفراح... بعدين مسافرة سوريا .... بعدين راجعة من السفر... وهنا وهناك وصار الفرح!!!
وأنا أعرف أطبخ أحسن منها!!! لكني كنت متضايق... لأني كنت مؤمن بأنها ما تبغى تتعلم... خلاص هي مطمئنة بأني محب وعاشق وبأني متسامح وما أسويلها حكاية وصجة لأنها ما تعرف تطبخ! فتكاسلت..!
بس بعدين اكتشفت إني ظلمتها بأفكاري.... بالرغم من إنها ما كانت تعرف ولا شيء! فإنها تحاول تتعلم... وتجرب... وتسأل.... وتنقل مقادير ومواصفات... إلخ...
يعني عندها حماس للتعلم... وهذا كان كفاية عندي!!! ( للبداية )
بعدين زوجك اللي يحبك... لمن يشوف مجهودك... بيقدر إن شاء الله...
ومثل ما حكيت لك يا أختي...
حسسيه إنك بتتعلمي... وحسسيه إنك مجتهدة علشانه وعلشان تسويله لقمة هنية....!
والله يوفق بينكم ويزرع المحبة والود والخير والسعادة بينكم... آمين...
واله يوفقك في الطبخ ويخلي إيديك مباركة ما يطلع منها إلا اللذيذ..
تقبلي تحياتي... خالو ريان