السلام عليكم ورحمة الله تعالى وبركاته ...
أولا أخي الكريم سكن كن بارك الله فيك على هذا النقل المفيد للموضوع
ولكن أنا بصراحة أثرت عليا المواجع .... فأنا حاليا مخطوبة لأبن عمي ...أبوه وأبوي أخوان بس مو أشقاء .. يعني من الأب بس .... بس والمشكلة أن عمي هادا "أبو خطيبي يعني" متزوج بنت عمه ....يعني أمه تكون بنت عم أبوي ....
عمي بصراحة لأنه طبيب كان يعني خايف من الموضوع ورافضه نوعا ما ... خوفا من مشكلة الأطفال ...ويقول لابنه "خطيبي يعني" أنه لازم يفكر وهادي مسألة حياة ومستقبل وأولاد ... بس بصراحة هو وأنا نحب بعضنا جدا .... وهو دايما يقول لي ... اللي بيكتبه ربي لي أنا راضي به يقول ممكن أنا أتزوج وحدة من غير بلدي ويطلعلي ولد مشوه !!! هادي أشياء بايد الله واللي بيكتبه راضيين به .....
بصراحة أنا أقول مخلية الموضوع بايد الله ... بس أحيانا أخاف .. واللي مخوفني أكثر يعني أنه عمي وأهلنا يقولون نحن ماعندنا اعتراض عليه أو عليا انا بس انتو تتحملوا المسؤولية للأولاد !!!!
أنا آسفة طولت عليكم بس يعني ياريت تعطوني آرائكم في موضوعي
وجزاكم الله كل خير
__________________
"لا إله إلا أنت سبحانك .. إني كنت من الظالمين"