في البدايه والله جلست اكثر من اسبوعين افكر انزل الموضوع هذا او لا بصراحه راح القي هجوم عنيف بس الله يخليكم اتمني انكم ماتظلموني واتمني انكم تفهموني وتقدروا اني والله طرحت الموضوع عليكم عشان ارتاح ويرتاح ضميري انا مابي احد يطبطب على كتفي او يواسيني وفي نفس الوقت مابي احد يجرحني بالكلام مابي اطول عليكم ادخل بالسالفه.

انا قبل ثمان سنوات تعرفت على وحده وحبيتها من كل قلبي وفعلا والله كنت ابي اتزوجها بس مالله كتب بينا نصيب وراحت بطريقها والله يوفقها ويسعدهالو جلست اكتب لكم عن حبي لها راح تطفشوا وتتضايقوا من كلامي لانها تحتاج لصفحات ولانها ماهي هي الموضوع اللي ابي اتكلم فيه انا بعدها جلست حوالي خمس سنوات مابي اتزوج لكن العام الماضي تزوجت بنت خالتي بنت بكل ماتعنيه الكلمه حبتني قدرتني تضحي بكل شي عشان سعادتي لكن المشكله اللي ابي اتكلم فيها اني ماقدرت ابادلها نفس الشعور والله العظيم حاولت لكن ماقدرت الحمدالله انا معوضها عن ها الشي بالاحترام بالتفاهم اللي بيني وبينها والله ماعمرها طلبت شي وقصرت فيه تصدقوني والله حتي هي تقول لي انت في حياتك سر انت غامض دائما ساكت تصدقون حتي ايام الملكه اللي هي احلا ايام بالنسبه لي مالها طعم اذكر انه في يوم الملكه بعد ماتعشينا طلبوا مني اخوانها اني اجلس عشان هي تبي تجلس معاي لكني باسلوب حلو تعذرت اني ماني مستعد نفسياً واني مرهق وبعده بكم يوم اتصلت وبعد طلبوني وفعلا جلست وياه تقريبا ساعه حتي ليلة الزفاف كلمتها بالتليفون وعصبت عليها وبكت وقفلت انا الخط وبعد ساعه اتصلت هي لاتحسبوني اني لها الدرجه ماعندي احساس او عاطفه او او لا والله من داخلي اتألم واعاتب نفسي والله العظيم اني اجلس لوحدي وابكي بس وش اسوي القلب ومااقدر اتحكم فيه.
الله يخليكم انا مانزلت قصتي الا ابي حلول من ناس لهم خبره ومن ناس لهم تجربه حب حقيقيه ومن ناس متزوجين من فتره بس الله يخليكم بعيد عن التجريح وعن الكلام اللي انا عارفه الله يخليكم .
اتمني انكم ماتبخلون علي بحلولكم .
تحياتي للجميع.