بسم الله الرحمن الرحيم
اخواتي واخواني .. عندي صديقة محتاجه لمساعدتكم ..
صديقتي مخطوبة من 8 شهور على شاب من نفس سنها .. هي عمرها 20 وهو كمان الفرق بينهم 3 شهور بس وهي الاكبر بها الشهور .. المهم صديقتي هذه يوم وافقت عليه ماكانت تدري انه عمره كذه كانت تضنه 21 سنه 22سنه .. وبعد ما تمت الخطوبة وتحاكت معاها عرفت انه عمره 20 سنه يعني قدها واصغر ب3شهور ...
قالت يالله معليش فارق شهور مو مشكله .. المهم صديقتي هذه انسانه مثقفة وواعية وذكيه واللي يتكلم معاها يحس ان عندها 30 سنه من عقلها وثقافتها ماشاء الله عليها ..
طولت عليكم ... بس المشكلله انها لما تتكلم مع خطيبها تحس بفارق فكري بينهم كبير اتحس انها تتعامل مع طفل مو رجال .. يفهمها ..وهي دايما تقولي اتمنى اتناقش معاه بشيء مفيد .. بس تقول انه دايما بس يتكلم كلام صغار .. وانه بس يمزح ويجيب نكت .. تقول انها ماتحس معاه انها إمراءة وهو رجال تقول احس كأني امه
هي تتمنى تحس انها طفله قدام زوجها .. تبغى تحس انها تدلل عليه .. بس المشكله انها تحس بالعكس ...
بس تقول احيانا .. وهو حصل يمكن مرتين بس .. يوم يعصب تقول اخاااف منه واحس بهيبته ..بس قالت انها تعتذر لو غلطت وهو خلاص يسامح بسرعه وهالشيء حلو .. بس تقول برضه تحس انه صغير عليها مره
والحين يمكن يتحدد زفافها قريب .. وهي حيرانه .. تستمر والا تفسخ .. هي ما تكرهه بس ماهي مولعه فيه .. بس هو يموت عليها
ارجوكم دلوني عشان نعطيها الحل الصواب للي هيا فيه وكيف تتعامل مع خطيبها .
مع العلم انها تقول ما ابي افسخ لانها كانت مخطوبه قبل وفسخت وطلع كلام شين عليها
.. وتقول ماتبي ترجع لهذيك الايام ... بالله ساعدوها ..
تحياتي