السلام عليكم ورحمة الله وبركاته
الى أخواتي وأخواني أعضاء هذا المنتدى الرائع
أنا صار لي فترة أتابع المنتدى بس توني مشاركة لما حسيت أنكم راح تساعدوني
في المشكلة اللي معكرة علي صفو حياتي

أنا صار لي تقريبا سنة مخطوبة وخطيبي ولله الحمد يحبني ويموت فيني
بس من بداية الخطوبة ولما يحاول يتقرب مني أرفض هالشي
طبعا على أساس أني مو متعودة ومع أنه قريبي بس مهما كان هالشي
كان بالنسبة لي بعده رجال غريب
والحمد لله كان متفهم هالشي وصبر علي
بس أنا طولت وكملت سنة وأنا لسى على هالحال
يعني طول الوقت معاه مثل العسل سوالف وضحك وطلعات وروحات وجيات
بس من يقرب مني ويحاول حتى لو يلمس يدي انقلب عليه 180 درجة
مادري شالحل حاولت أغصب نفسي بالقبول لما يتقرب مني بس مافلح معاي الوضع
مرة وحدة بس طول فترة خطوبتنا سمحت له يضمني ومنها وماخليته يعيدها
شوفو لي حل
هو صحيح بعده صابر بس هذا راح يكون لفترة محدودة وأنا متأكدةة أنه راح يمل
لأنه أكيد مو متزوج وحدة يتمنظر فيها ويسولف معاها

بديت أشك أني مصابة ببروود جنسي ؟؟؟؟؟؟؟؟هل هالشي صحيح؟؟؟؟؟

فهموني ونوروني بحلولكم الله يعطيكم العافية وفي انتظار مساعدتكم
وان شاء الله الاقي عندكم الحل

تحياتي
Sight World